Marcos 10:43 - Emberá Chamí

⁴³ Maamina machi maka nuread̶aabai panuu. Machid̶ebena chi mechiu nibai kʉ̃ria b̶uubʉrã waabenarã baita bari trajabarii b̶uai b̶uu.

Marcos 10:43 ပူးပေါင်းရင်းမြစ်များ

Marcos 10:42

Maud̶e Jesusba ãchi iukuaped̶a jarasii: —Machiba kuitaa panuu nau druad̶ebenarã jaradea ua b̶uabadaurãba ãchi ẽbẽrarã ãrea jaradea ua b̶uabadau. Ãchiba unubiabadau ãchiba jaraaduu jomaurãba waud̶ai panuu.

Marcos 10:44

Chi mechiu nibai kʉ̃ria b̶uu jomaurã audeara kaebeu b̶uai b̶uu.

Marcos 9:35

Maabae Jesús akʉ b̶eeped̶a ichiba adoed̶a 12 panuu kaita iukuaped̶a jarasii: —Ab̶a chi mechiu nibai kʉ̃ria b̶uubʉrã, jomaurã audeara kaebeu nibai. Waabenarã baita bari trajabarii b̶uai.

Lucas 14:11

Chi aude mechiu nibai kʉ̃ria b̶uu, Dachi Akõreba mau kaebeu b̶ui. Maud̶e ara du ab̶a kaebeu b̶eeruubʉrã, Dachi Akõreba mau aude mechiu nibabii».

Lucas 18:14

»Mʉʉba machimaa jaraaruu: fariseo audeara mau ẽbẽra deed̶aa wãsiid̶e, Dachi Akõre daad̶e jipa b̶uasii. Chi ab̶a chi mechiu nibai kʉ̃ria b̶uubʉrã Dachi Akõreba kaebeu b̶ui. Maamina ara du ab̶a kaebeu b̶eeruubʉrã, Dachi Akõreba mau aude mechiu nibabii».

Lucas 9:48

Maud̶e naka jarasii: —Ab̶auba mʉʉd̶e ijãa b̶uud̶eeba nau warr biꞌia irsibiiruubʉrã, mʉ sid̶a biꞌia irsibiiruu. Maud̶e mʉ biꞌia irsibiiruuba chi mʉ bʉid̶a biꞌia irsibiiruu. Machid̶ebena chi kaebeu nii Dachi Akõre daad̶e chi mechiu nii.

Juan 18:36

Jesusba panausii: —Mʉ ẽbẽrarã mʉ juad̶e ua b̶umina mʉ puuru nau iujãad̶ebenawãe. Nau iujãad̶ebena basirã mʉ ẽbẽrarã chĩod̶ai basii judiorãba mʉ jidaurãad̶amera. Maamina mʉ puuru nau iujãad̶ebenawãe.

Romanos 12:2

Nau iujãad̶ebenarãba waubadau kĩra nibarã́sturu, maumaarã kʉ̃risia wid̶i Dachi Akõreba dea b̶uu kakua jipa nibásturu. Maka machiba kuitaad̶ai chi Dachi Akõreba kʉ̃ria b̶uu. Joma ichiba kʉ̃ria b̶uu biꞌia b̶uu, jipa b̶uu maud̶e ichiba biꞌia unu b̶uu.

Gálatas 5:13

Ãbarã, Dachi Akõreba machi iusii ichiba ena duanad̶amera. Maamina karibaped̶aad̶ad̶eeba kʉ̃risiarã́sturu machi kakuaba kʉ̃ria b̶uu kĩra waud̶ai panuu. Maumaarã biawãra kʉ̃riad̶eeba chiya aid̶ásturu.