Marcos 10:33 - Emberá Chamí

³³ —Ũrísturu, dachi Jerusalend̶aa wãaduu. Jamaria ab̶aba mʉ, chi Ẽbẽra Ba B̶uad̶a jidaubii paare mechiurãba maud̶e Moisesba b̶ʉd̶a jaradeabadaurãba jidaumera. Mʉ biui b̶uu jarad̶aped̶a judiowãerãmaa dead̶ai.

Marcos 10:33 ပူးပေါင်းရင်းမြစ်များ

Mateo 16:21

Mau tõpe Jesusba jara kob̶eesii ichi baara nibabadaurãmaa ichi Jerusalend̶aa wãd̶akare, ãrea biꞌiwãe b̶uai b̶uu. Naka jarasii: —Mʉ puurud̶ebena jaradea ua b̶uabadaurã juad̶e, paare mechiurã juad̶e maud̶e Moisesba b̶ʉd̶a jaradeabadaurã juad̶e bid̶a ãrea biꞌiwãe b̶uai. Mʉ beabid̶ai maamina ewari õbead̶e chokae jiradui.

Mateo 26:66

Machimaarã, ¿jãu kãare waud̶aima? Ãchiba panausid̶au: —Jãu nebʉra bara b̶uu. Maud̶eeba bead̶ai b̶uu.

Mateo 27:2

Maabae jʉ̃d̶aped̶a, Romad̶ebena ẽbẽra Poncio Pilato abadaumaa adoesid̶au. Mau Pilato Judea druad̶ebena jaradea ua b̶uabarii basii.

Marcos 14:64

¡Machiba biawãra ũrisid̶au jãuba kachirua jarad̶a Dachi Akõre ʉ̃rʉbena! ¿Jãu ome kãare sãad̶ai kʉ̃risia panuma? —Maud̶e jomaurãba jarasid̶au Jesús biui b̶uu ichiba maka jarad̶ad̶eeba.

Marcos 15:1

Daped̶eed̶e paare mechiurã, chi judiorã mechiurã maud̶e chi Moisesba b̶ʉd̶a jaradeabadaurã, maarã jomaurãba, ãbua bed̶ea deasid̶au Jesús Pilatomaa adoed̶ai baita. Ara makʉd̶e Jesús jʉ̃d̶aped̶a adoesid̶au.

Marcos 8:31

Maad̶akare Jesusba ichi baara nibabadaurãmaa jara kob̶eesii ichi ãrea biꞌiwãe b̶uai b̶uu. Naka jarasii: —Puurud̶ebena jaradea ua b̶uabadaurãba, paare mechiurãba maud̶e Moisesba b̶ʉd̶a jaradeabadaurãba mʉ, chi Ẽbẽra Ba B̶uad̶a, ida b̶ud̶aped̶a beabid̶ai. Maamina mʉ ewari õbead̶e chokae jiradui.

Marcos 9:12

Jesusba panausii: —Biawãra Elías naed̶e neei b̶uu ne joma biꞌia b̶ui baita. Maamina ¿sakãe Dachi Akõre bed̶ead̶e b̶ʉ kub̶uu chi Ẽbẽra Ba B̶uad̶a ãrea biꞌiwãe b̶uu maud̶e ẽbẽrarãba ida b̶ud̶aima?

Marcos 9:31

ichi baara nibabadaurãmáburu jaradead̶akai b̶uud̶eeba. Maud̶e ãchimaa jarasii: «Mʉ, chi Ẽbẽra Ba B̶uad̶a ẽbẽrarãmaa jidaubiai. Maarãba mʉ bead̶ai, maamina ewari õbead̶e mʉ chokae jiradui».

Lucas 23:21

Maamina waya jĩwa b̶ia jarasid̶au: —¡Cruzd̶e jirab̶u beabise, cruzd̶e jirab̶u beabise!

Lucas 9:22

Mau awara jarasii: —Mʉ, chi Ẽbẽra Ba B̶uad̶a ãrea biꞌiwãe b̶uai. Puurud̶ebena jaradea ua b̶uabadaurãba, paare mechiurãba maud̶e Moisesba b̶ʉd̶a jaradeabadaurãba mʉ ida b̶ud̶aped̶a beabid̶ai. Maamina mʉ ewari õbead̶e chokae jiradui.

Juan 18:28

Maabae daped̶eed̶e Jesús Caifás ded̶ebena Romad̶ebena chi karr de mechiud̶aa adoesid̶au. Chi Jesús adoeped̶aad̶a judiorã mau de Pretorio abadaud̶e ed̶a wãd̶aabasii ãchimaarã ed̶a wãaduubʉrã Dachi Akõre daad̶e kachirua b̶uai b̶uud̶eeba. Ichi daad̶e biꞌia panad̶ai kʉ̃ria panasid̶au Pascua ewarid̶e chi chiko kod̶ai baita.

Juan 18:32

Judiorãba maka jaraped̶aad̶aba kuitaabiasii Jesusba ichi saka biui b̶uu jarad̶a biawãra makasii.

Juan 19:11

Maud̶e Jesusba panausii: —Dachi Akõreba bichi chi Romad̶ebena karr b̶ud̶awãe basirã bichiba mʉ ab̶a bid̶a maka waubai basii. Mauburu chi mʉ bichi juad̶e dead̶aba bichi audeara kachirua aude wausii.

Hechos 13:27

Jerusalend̶ebenarãba maud̶e ãchi karrarãba Jesús dachi Karibabarii kuitaad̶aabasii. Dachi Akõre baita berreabadaurãba b̶ʉped̶aad̶a bari panabadau ewaricha jĩwa ed̶a jarabadamina ichi ʉ̃rʉbena b̶ʉped̶aad̶a kuitaad̶aabasii. Maumaarã Jesús beabisid̶aud̶e mau bed̶eaba jara b̶uu biawãra wausid̶au.

Hechos 20:22

»Jãabae Dachi Akõre Jauriba mʉ Jerusalend̶aa wãbi b̶uud̶eeba araa wãi. Maamina mʉʉba adua b̶uu aria mʉ kãare sãai.

Santiago 5:6

Machiba chi ẽbẽra jipa nii nebʉra barau ad̶aped̶a beasid̶au. Maud̶e mauba ne waubasii bearãad̶amera.