Marcos 10:18 - Emberá Chamí

¹⁸ Jesusba panausii: —¿Sakãe mʉʉmaa biꞌia nii a b̶uma? Mae, ab̶a bid̶a chi bia nii wãꞌãe, ab̶aburu Dachi Akõréturu chi bia nii.

Marcos 10:18 ပူးပေါင်းရင်းမြစ်များ

Mateo 19:17

Jesusba panausii: —¿Sakãe mʉʉmaa ne bia ʉ̃rʉbena id̶i b̶uma? Ab̶aburu Dachi Akõréturu biꞌia nii. Bichi Dachi Akõre ome ewaricha chokae b̶uai kʉ̃ria b̶uubʉrã, ichiba waubi b̶uu bed̶ea wause.

Marcos 10:17

Maad̶akare Jesús wãaruud̶e ẽbẽra ichimaa pira neesii. Mau ẽbẽra Jesús daad̶e õdarrd̶e kob̶eeped̶a id̶isii: —Jaradeabarii bia nii, Dachi Akõre ome ewaricha chokae b̶uai baita ¿mʉʉba kãare waui b̶uma?

Marcos 10:19

Bichiba kuitaa b̶uu Dachi Akõreba waubi b̶uu bed̶ea: mia bearã́se, junebena miakãid̶a ome kãi b̶eerã́se, nechiruarã́se, setaa jararã́se waabenarã ʉ̃rʉbena, waabenarã setaa kũruarã́se, bichi akõre maud̶e bichi nawe wapeadee b̶uase.

Lucas 18:19

Jesusba ichimaa jarasii: —¿Sakãe mʉʉmaa biꞌia nii a b̶uma? Mae, ab̶a bid̶a chi bia nii wãꞌãe; ab̶aburu Dachi Akõréturu chi bia nii.

Romanos 3:12

Joma o ãyare wãsid̶au. Joma Dachi Akõre daad̶e kachirua paneesid̶au. Ẽbẽra ab̶a bid̶a biꞌia waukau. Biꞌia waubarii ab̶a bid̶a wãꞌãe.

Santiago 1:17

Ʉtareeba Dachi Bajãad̶ebena Akõreba ne joma ãrea biꞌia b̶ee dachimaa deabarii. Ichiaburu ne joma bajãad̶e koabadau waukuasii. Maarã ewaricha arab̶aud̶e koad̶akau. Maumaarã Dachi Akõre kĩra awara b̶uakau maud̶e diware waukau.

1 Juan 4:16

Dachiba kuitaa panuu maud̶e ijãa panuu Dachi Akõreba dachi kʉ̃riakua b̶uu. Dachi Akõreba ne jomad̶e kʉ̃ria b̶uu. Biawãra kʉ̃ria uru b̶uu Dachi Akõre ome b̶uu maud̶e Dachi Akõre ichi ome b̶uu.

1 Juan 4:8

Dachi Akõreba ne jomad̶e kʉ̃riakua b̶uud̶eeba chi ab̶au kʉ̃riawẽa b̶uuba Dachi Akõre unukau.