Marcos 1:14 - Emberá Chamí

¹⁴ Juan chi Boro Eabarii jʉ̃a b̶uasiid̶e Jesús Galilea druad̶aa wãped̶a chi bed̶ea bia Dachi Akõre ʉ̃rʉbena jaradeabachii.

Marcos 1:14 ပူးပေါင်းရင်းမြစ်များ

Mateo 11:2

Juan chi Boro Eabarii chi jʉ̃abadau ded̶e jʉ̃a b̶uasiid̶e ũrisii Dachi Akõreba Dachi Karibabarii deai jara b̶uad̶a wauruu ʉ̃rʉbena. Maud̶eeba ichi baara nibabadaurã ome bʉikasii Jesusmaa naka id̶id̶amera:

Mateo 14:2

Maud̶eeba ichiba chi trajabadaurãmaa jarasii: «¡Jãu Juan chi Boro Eabarii chokae jiradud̶a! Maud̶éburu joma ẽbẽrarãba ne poyaa waud̶akau poyaa waubarii».

Mateo 4:12

Juan chi Boro Eabarii jʉ̃a uru panuu ũrisiid̶e Jesús Galilea druad̶aa waya wãsii.

Mateo 4:17

Mau ewari tõpe Jesusba naka jara nibasii: «Bajãad̶e B̶uu neeruu ichid̶irã ichi juad̶e ua b̶uai baita. Maud̶eeba machiba kachirua waubadau ida b̶ud̶aped̶a ichimaa nésturu».

Mateo 4:23

Jesús joma Galilea druad̶e nibasii. Judiorã araa ãbua imibadau decha jaradeabachii Bajãad̶e B̶uu neeruu ichid̶irã ichi juad̶e ua b̶uai ʉ̃rʉbena. Mau bed̶ea bia jaradead̶e wãaruucha joma ẽpermo nuree aribiabiabachii.

Mateo 9:35

Mau maad̶akare Jesús puuru mechiu b̶eecha maud̶e puuru kaebe b̶eecha nibabachii. Judiorã araa ãbua imibadau ded̶e chi bed̶ea bia jaradeabachii Bajãad̶e B̶uu neeruu ichid̶irã ichi juad̶e ua b̶uai ʉ̃rʉbena. Maud̶e joma ẽpermo nuree maud̶e chi kakua pira nuree aribiabiabachii.

Lucas 3:20

Herodesba mau kachirua wau b̶uu awara nau kachirua sid̶a wausii: Juan jʉ̃abisii ichi kastikai baita.

Lucas 8:1

Mau maad̶akare Jesús puuru mechiu b̶eecha maud̶e puuru kaebeu b̶eecha wãsii. Maud̶e jarabachii Dachi Akõreba ichid̶irã ichi juad̶e ua b̶uai baita neeruu. Mau bed̶ea bia jaradea niid̶e ichiba 12 jʉrʉ adaud̶arã ichi baara nibabachid̶au.

Hechos 20:25

»Dachi Akõreba ichid̶irã ichi juad̶e ua b̶uai ʉ̃rʉbena mʉʉba machimaa jara b̶uabachii. Maamina jãabae kuitaa b̶uu machiba mʉ waa unud̶aabai.

Hechos 28:23

Maud̶e ãchiba ewari ab̶a b̶usid̶au. Mau ewari neesiid̶e ẽbẽrarã ãrea Pablo b̶uumaa neesid̶au. Daped̶eed̶ebena ab̶a kewaraad̶aa Pabloba berreamaa b̶uasii Dachi Akõreba ichid̶irã ichi juad̶e ua b̶uu ʉ̃rʉbena. Moisesba b̶ʉd̶ad̶eeba maud̶e Dachi Akõre baita berreabadaurãba b̶ʉped̶aad̶ad̶eeba jaradea b̶uasii Jesusd̶e ijãad̶amera.

Romanos 1:1

Mʉ Pablobʉ, Jesucristo baita bari trajabariibʉ. Dachi Akõreba mʉ jʉrʉ adausii Jesucristoba bʉid̶a b̶uamera maud̶e b̶usii chi bed̶ea bia Dachi Akõre ʉ̃rʉbena jaradead̶e wãmera.

Efesios 2:17

Cristo neesii, chi bed̶ea bia Dachi Akõre ome jirukaraayuwãe b̶uai ʉ̃rʉbena machimaa jarai baita, chi Dachi Akõred̶ebena kaitawẽ panad̶amaa maud̶e chi Dachi Akõre kaita panad̶amaa.