Lucas 24:36 - Emberá Chamí

³⁶ Wabid̶a chi makad̶a ʉ̃rʉbena berreamaa panuud̶e Jesús ãchi ẽsa neesii. Maabae ãchimaa jarasii: —¡Jirukaraayuwãe panásturu!

Lucas 24:36 ပူးပေါင်းရင်းမြစ်များ

Mateo 10:13

Mau ded̶e panabadaurãba machi biꞌia irsibiiduubʉrã, mau berrea bia jaraped̶aad̶a kĩra ãchimaa ara mau kĩra wãd̶ai. Maamina biꞌia irsibid̶aabʉrã, mau berrea bia jaraped̶aad̶a kĩra maka wãd̶aabai.

Marcos 16:14

Mau maad̶akare chi Jesús baara nibabadaurã 11 komaa panuud̶e, Jesusba ichi unubiasii. Ãchi sõ chaaread̶eeba ijãad̶aabasiid̶eeba maud̶e chi ichi chokae jiradud̶a unuped̶aad̶aba ãchimaa jarad̶a ijãad̶aabasiid̶eeba ichiba ãchi iadaasii.

Lucas 10:5

»Deed̶a wãaduud̶e mau ded̶ebenarãmaa naka jarásturu: “Dachi Akõre trʉ̃d̶e apii jirukaraayuwãe panásturu”.

Juan 14:27

»Mʉʉba machi sõd̶e jirukaraayuwãe duanubiai. Maamina mʉʉba makaabai, chi nau iujãad̶ebenarãba makabadau kĩra. Maud̶eeba ãrea jirukaraarã́sturu. Wapearã́sturu.

Juan 16:33

Joma mau mʉʉba machimaa jarasii mʉʉd̶eeba jirukaraayuwãe nuread̶amera. Nau iujãad̶e ãrea biꞌiwãe nuread̶ai, maamina wapearã́sturu: nau iujãad̶ebena kachiruarã mʉʉba poyaasii.

Juan 20:26

8 ewari bad̶akare Jesús baara nibabadaurã waya deed̶a araa ãbua duanasii. Maud̶e Tomás sid̶a b̶uasii. Maka panuud̶e chi poraa biꞌia jʉ̃a nub̶umina Jesús maka b̶uud̶e neesii. Ãchi ẽsa neeped̶a jarasii: —¡Jirukaraayuwãe duanásturu!

Hechos 1:3

Jesús biusiid̶e ãchimaa ara ichi b̶es ãrea unubiasii kuitaad̶amera ichi biawãra chokae jiradusii. Maud̶e ãchimaa jaradeabachii ichid̶eeba, Dachi Akõreba ichid̶irã ichi juad̶e ua b̶uu ʉ̃rʉbena. Cuarenta ewari maka wausii.

1 Corintios 15:5

Chokae jiradusiid̶e Pedromaa unubisii. Mawãare ichiba 12 jʉrʉ adaud̶arãmaa unubiasii.

1 Corintios 15:7

Mau 500 ãbarãba Jesús unuped̶aad̶akare Santiagomaa unubisii. Mau maad̶akare joma ichiba bʉid̶arãmaa unubiasii.

2 Tesalonicenses 3:16

Daiba kʉ̃ria panuu Dachi Mechiu jirukaraayuwãe panabibariiba machimaa ewaricha jirukaraayuwãe ne jomad̶e panabiamera. Kʉ̃ria panuu Dachi Mechiu machi ome b̶uamera.

Apocalipsis 1:4

Mʉ Juanbʉ. Nau karta b̶ʉmaa b̶uu ãbarã Asia druad̶e 7 puurud̶ebenarã baita. Mʉʉba kʉ̃ria b̶uu Dachi Akõreba ichi sõbiad̶eeba machi aid̶a b̶uai maud̶e jirukaraayuwãe b̶uabiai. Mau chi nibad̶abʉ, chi niibʉ maud̶e chi neei baita b̶uubʉ. Maud̶e mʉʉba kʉ̃ria b̶uu Dachi Akõre rey ãkau bia b̶uu daad̶e 7 jauri panuuba maka wau panad̶ai.