Lucas 2:46 - Emberá Chamí

⁴⁶ Ewari õbea baaruud̶e ichi unusid̶au Dachi Akõre de mechiu dud̶a Moisesba b̶ʉd̶a jaradeabadaurã tãed̶e akʉ b̶uu. Ãchiba jaradea panuu ũri b̶uasii maud̶e maarãmaa ne id̶imaa b̶uasii.

Lucas 2:46 ပူးပေါင်းရင်းမြစ်များ

Mateo 12:40

Jonás b̶eda mechiu b̶id̶e ewari õbea maud̶e ẽsabud̶e b̶uad̶a kĩra mʉ, chi Ẽbẽra Ba B̶uad̶a ewari õbea maud̶e ẽsabud̶e, ioro ekare b̶uai.

Mateo 16:21

Mau tõpe Jesusba jara kob̶eesii ichi baara nibabadaurãmaa ichi Jerusalend̶aa wãd̶akare, ãrea biꞌiwãe b̶uai b̶uu. Naka jarasii: —Mʉ puurud̶ebena jaradea ua b̶uabadaurã juad̶e, paare mechiurã juad̶e maud̶e Moisesba b̶ʉd̶a jaradeabadaurã juad̶e bid̶a ãrea biꞌiwãe b̶uai. Mʉ beabid̶ai maamina ewari õbead̶e chokae jiradui.

Lucas 2:47

Maud̶e ãchiba id̶i panuu ichiba biꞌia panausii. Joma mau ũri panuuba kauwa kʉ̃risiad̶aabasii ichi kʉ̃risia kuitaad̶eeba panau b̶uasiid̶eeba.

Lucas 5:17

Earab̶a Jesusba jaradea b̶uud̶e fariseorã maud̶e Moisesba b̶ʉd̶a jaradeabadaurã aria sĩu panasid̶au. Ãchi Galilea druad̶ebena, Judea druad̶ebena maud̶e Jerusalén puurud̶ebena neeped̶aad̶a basii. Maud̶e Dachi Mechiu poyaad̶eeba Jesusba ẽpermo nuree aribiabiabachii.

Juan 3:10

Jesusba panausii: —Bichi Israeld̶ebenarãmaa Dachi Akõre bed̶ea jaradeabarii mechiumina ¿mau adua b̶uka?

Hechos 5:34

Aria fariseo Gamaliel abadau b̶uasii. Mau Gamaliel judiorã Moisesba b̶ʉd̶a jaradeabarii chi mechiu basii. Jomaurãba ichi ãrea wapea panasid̶au. Gamaliel jiraduped̶a Jesusba bʉid̶arã awara wãbiad̶ausii.

1 Timoteo 1:7

Ãchiba Moisesba b̶ʉd̶a jaradeabadaurã ba kʉ̃ria panuu, maamina ãrea kuitaa panuu kĩra jaradeabadamina adua panuu kãare jaradea panuu.