Lucas 16:21 - Emberá Chamí

²¹ Ichiba chi nejarra barau nii kobariimared̶ebena chiko b̶aed̶a ko kʉ̃ria b̶uabachii. Maud̶e usa need̶aped̶a ichi kakua chau nii senabachid̶au.

Lucas 16:21 ပူးပေါင်းရင်းမြစ်များ

Mateo 15:27

Maud̶e wẽraba jarasii: —Bichiba biawãra jara b̶uu, mʉ Mechiu, maamina usarãba chi chibari chiko jurrchoabiped̶aad̶a mesad̶ebena b̶aeped̶aad̶a kobadau.

Marcos 7:28

Maud̶e chi wẽraba panausii: —Bichiba jara b̶uu biawãrabʉ, mʉ Mechiu, maamina warrarãba chiko jurrchoabiped̶aad̶a usarãba mesa ekare kobadau.

Lucas 16:20

Maud̶e ẽbẽra chi nejarr barauwãe nii Lázaro abadau b̶uasii. Lázaro chi nejarra barau nii de poraad̶e jeed̶a akʉ b̶uabachii. Mau chi kakua joma chau b̶uasii.

Lucas 16:22

»Maka panuud̶e mau chi nejarr barauwãe nii biusii. Ara makʉd̶e angelerãba ichi Abraham b̶uumaa adoesid̶au. Mau maad̶akare chi nejarra barau nii sid̶a biusii. Maabae mau jau b̶usid̶au.

Juan 6:12

Jomaurãba jãwaa kosid̶aud̶e Jesusba ichi baara nibabadaurãmaa jarakuasii: —Chi ʉ̃rʉ b̶eed̶a joma araa pésturu ab̶a b̶istĩika bid̶a jirakuarãad̶amera.

1 Corintios 4:11

Id̶ibaed̶aa dai jarrba wau panuu, obisia wau panuu maud̶e paru sore uru panuu. Dai dewãe panuu maud̶e ẽbẽrarãba dai kachirua waubadau.

2 Corintios 11:27

Traja b̶uud̶e mʉ ãrea biꞌiwãe b̶uabachii. B̶es ãrea kãi b̶eeka basii, jarrbaa b̶uabachii, obisia b̶uabachii, kowẽa b̶uabachii. Kũrasãaba mʉ uri b̶uabachii maud̶e paruswãe b̶uabachii.