Judas 1:8 - Emberá Chamí

⁸ Chi machi tãed̶e neeped̶aad̶a maarã ẽbẽrarã kĩra nuree. Maarãba chi kamokaraaduu ijãabadau. Chi kakuaba waubi kʉ̃ria b̶uu waubadau, Dachi Mechiu ida b̶ubadau, maud̶e chi bajãad̶ebenarã ʉ̃rʉbena kachirua jarabadau.

Judas 1:8 ပူးပေါင်းရင်းမြစ်များ

Lucas 11:25

Ara baaruud̶e kʉd̶a biꞌia nejarr wãꞌãe b̶uu maud̶e joma biꞌia kub̶uu unubarii.

Lucas 12:11

»Machi mʉʉd̶e ijãa panuu kakua judiorã araa ãbua imibadau deemaa adoeped̶aad̶akare, maebʉrã chi juezrã daad̶e maebʉrã chi jaradea ua b̶uabadaurãmaa jideai baita, jirukaraarã́sturu saka panaud̶ayu maebʉrã kãare jarad̶ayu.

Lucas 19:14

Maamina ichi druad̶ebenarãba mau ãrea kĩramaa panuud̶eeba, ẽbẽrarã bʉisid̶au jomaurã jaradea ua b̶uabariimaa naka jarad̶amera: “Daiba kʉ̃riawẽa panuu jãu dai rey bayu”.

Hechos 23:5

Pabloba jarasii: —Ãbarã, mʉʉba adua b̶uasii ichi paare mechiu nii. Kuitaad̶a basirã mʉʉba maka jarad̶aabai basii, Dachi Akõre bed̶ead̶e naka b̶ʉ kub̶uud̶eeba: “Machi karr ʉ̃rʉbena kachirua jararã́sturu”.

Hechos 7:27

Maamina chi sĩ b̶uad̶aba Moisés chĩataped̶a jarasii: “¿Kaiba bichi dai karr b̶usma? ¿Kaiba bichi dai juez b̶usma?

Hechos 7:39

»Maamina Moisesba jarad̶a dachi nabẽraed̶ebenarãba ijãa kʉ̃riad̶aabasii. Ichi ida b̶usid̶au. Egipto druad̶aa waya wã kʉ̃ria panasid̶au.

1 Corintios 3:17

Ab̶auba Dachi Akõre de ãriiruubʉrã Dachi Akõreba ãrea kastikai, ichi de ichi baitabena b̶uud̶eeba. Machi mau deebʉ.

1 Tesalonicenses 4:8

Chi mau mʉʉba jaradead̶a ida b̶u b̶uuba ẽbẽraba jarad̶a ida b̶uwẽa b̶uu, maumaarã Dachi Akõreba jara b̶uu ida b̶u b̶uu. Ara mau Dachi Akõreba ichi Jauri machimaa deasii kachiruaswãe panad̶amera.

1 Timoteo 1:10

junebena ome kãi topaneebadaurã baita, ãchi arab̶aurã ome mia pera waubadaurã baita, ẽbẽrarã jidaud̶aped̶a nedobʉibadaurã baita, setaa jarabadaurã baita, chi juez kĩraare setaa jarabadau baita maud̶e chi biawãra bed̶ea jara b̶uu waud̶akaurã baita.

Hebreos 13:17

Ãbarã, machi karrarãba jara panuu ijã́sturu. Machi nu panuud̶eeba ãchi juad̶e panásturu. Ãchiba kuitaa panuu Dachi Akõreba ichiaruud̶e joma ãchiba wauped̶aad̶a ichimaa arakʉd̶e jarad̶ai. Maud̶eeba ãchiba jara panuu ijã́sturu. Maka ãchiba kĩrajʉʉ maud̶e kĩra nomaad̶awẽa joma waud̶ai. Machiba maka waud̶awẽa panuud̶eeba ãchi kĩra nomaabiiduubʉrã, machi poyaa biꞌia aid̶abiabasii.

1 Pedro 2:17

Jomaurã wapeásturu. Ãbarã ãrea kʉ̃riásturu. Dachi Akõre wapeásturu. Nau iujãad̶ebena karr chi mechiu sid̶a wapeásturu.