Judas 1:6 - Emberá Chamí

⁶ Maud̶e kĩrabásturu chi nuree angelerã Dachi Akõreba duanud̶a kĩra paneed̶aabasii. Maumaarã chi panad̶amaa ida b̶usid̶au. Maud̶eeba Dachi Akõreba chob̶ea pãriud̶e jʉ̃akuasii ewaricha paneed̶amera chi ichiba kastikai ewarid̶aa.

Judas 1:6 ပူးပေါင်းရင်းမြစ်များ

Mateo 10:15

Mʉʉba biawãra jaraaruu: Dachi Akõreba kastikai ewarid̶e Sodomd̶ebenarã maud̶e Gomorrad̶ebenarã audeara mau puuru aude kastikai.

Mateo 25:41

»Maabae mʉ jua sordoare panuurãmaa jarai: “Machi, chi Dachi Akõreba nebʉra barau abadaurã, mʉ jãkaabena ãyaa wã́sturu tʉbʉchia kiikaud̶aa. Mau Dachi Akõreba b̶usii jʉbawãe nii, ichid̶irã baara kastikai baita.

Mateo 8:29

Maud̶e Jesusmaa jĩwa b̶ia jarasid̶au: —¡Dachi Akõre Warr! ¿Sakãe dai joe b̶uma? ¿Dai biꞌiwãe panabiai ewari neei naed̶e, bichi neeruka?

Juan 8:44

Machi akõre chi jʉbawãe niibʉ. Maud̶eeba ichiba kʉ̃ria b̶uu machiba waud̶ai kʉ̃ria panuu. Mau arab̶aed̶eed̶e mia beabariibʉ. Biawãrad̶eeba b̶uakau, chi biawãra ichid̶e wãꞌãed̶eeba. Setaa jaraaruud̶e, ara ichi kĩra setaa jarabarii, setaa jarabariid̶eeba maud̶e seta akõred̶eeba.

Romanos 2:5

Maamina sõ chaarea niid̶eeba bichiba kachirua ida b̶ukau Dachi Akõremaa neebai baita. Maud̶eeba Dachi Akõreba kastikai ewarid̶e ichi kĩrubid̶eeba aude kastikai. Mau ewarid̶e Dachi Akõreba unubii saka jomaurã jipa kastikai.

Efesios 6:12

Ẽbẽrarã ome chĩo panuuwãema. Maumaarã jai kachiruarã nau iujãa pãriud̶ebenarã ómeburu chĩo panuu. Maarã dachiba unud̶akau chi mechiu nureerãbʉ, chi ʉtarebena jai kachiruarã karrarãbʉ.

Hebreos 10:27

Chi maka wau b̶uuba ab̶a wapead̶eeba esed̶au b̶uai b̶uu Dachi Akõreba mau kastikamera. Mau ewarid̶e Dachi Akõreba joma ichi kĩramaarã tʉbʉ aoko nub̶uud̶e jirakuai ewaricha baa nub̶eemera.

2 Pedro 2:4

Angelerãba kachirua wausid̶aud̶e Dachi Akõreba kĩra chuburiabasii. Maumaarã chob̶ea pãriu b̶uud̶e jirakuasii. Mama kaenaba jʉ̃ panuu ab̶a Dachi Akõreba ãchi nebʉra ichiai ewarid̶aa.

2 Pedro 2:9

Mauba unubi b̶uu Dachi Mechiuba chi jipa wau nuree ãrea biꞌiwãe panuud̶ebena kariba kuitaa b̶uu. Maud̶e kuitaa b̶uu chi jipa wauwẽa nuree saka uru b̶uai ab̶a ichiba kastikai ewarid̶aa.

Judas 1:13

Mard̶ebena ʉ̃rape meserãa kĩra nuree. Marba ichi ʉ̃raped̶ebena kõpepeabibarii kĩra, naarãba ne barikia nejasia waubadau. O kachiruad̶e wãaduud̶eeba, pusterrea aoko barikiud̶e wãaruu kĩra nuree. Dachi Akõreba chob̶ea pãriu kub̶usii ewaricha kastikakuai baita.

Apocalipsis 20:10

Mau maad̶akare Dachi Akõreba jʉbawãe nii ẽbẽrarã setaa kũrua uru b̶uad̶a chob̶ea mar kĩra azufre bara aoko nub̶uud̶e jiratai. Naed̶e Dachi Akõreba ãnimara kachirua b̶uu, Dachi Akõre baita berreabarii chi biawãrawãe sid̶a mau tʉbʉ aokod̶e jiratasii. Chi maarã maud̶e jʉbawãe nii sid̶a ewaricha ãyadaa maud̶e ẽsabud̶e ãrea biꞌiwãe panad̶ai.

Apocalipsis 20:2

Chi dragón jidadauped̶a 1.000 años jʉ̃ kub̶usii. Mau dragón nabẽraed̶ebena damabʉ. Jʉbawãe nii maud̶e Satanás abadau.