Judas 1:20 - Emberá Chamí

²⁰ Maamina ãbarã, machicha aid̶ásturu Cristod̶e ãrea ijãad̶amera. Dachi Akõremaa ichi Jaurid̶eeba ʉtaa id̶ísturu.

Judas 1:20 ပူးပေါင်းရင်းမြစ်များ

Hechos 15:9

Dachi Akõreba dachi ãchi ome kĩra aꞌawaraa waubasii. Ãchiba ijãasid̶aud̶e ãchi sõ jeraasii.

Hechos 6:7

Maud̶e ãbarãba Dachi Akõre bed̶ea aude jarasid̶au. Maka chi Jesusd̶e ijãabadaurã Jerusalend̶e maucha aude baraasii. Mau awara ãrea paarerã bid̶a ijãasid̶au.

Hechos 9:31

Maumisa Judea druad̶e, Galilea druad̶e maud̶e Samaria druad̶e ãbarã jirukaraayuwãe duanasid̶au maud̶e ne baraakuasid̶au. Dachi Mechiu wapea panuud̶eeba nibasid̶au maud̶e Dachi Akõre Jauri poyaad̶eeba ãbarã aude baraasii.

Romanos 15:2

Maumaarã waabenarãba kʉ̃ria panuu waud̶ai panuu maarã biꞌia nuread̶amera maud̶e biꞌia ijãad̶amera.

Romanos 8:15

Machiba Dachi Akõre Jauri adausid̶aud̶e machi wapeabiabasii, chi chibari baita bari trajabarii makabarii kĩra. Maumaarã machi duanusii Dachi Akõre warrarã bad̶amera maud̶e «Chacha» ad̶amera.

1 Corintios 1:8

Maud̶eeba Dachi Akõreba machi meserãa dea ua b̶uai ab̶a nau ewari wãꞌãeruud̶aa. Maka Dachi Mechiu Jesucristo neeruud̶e machi ʉ̃rʉbena kachirua jarad̶ayuswãe nuread̶ai.

1 Corintios 10:23

Waabenarãba jara panuu «Cristod̶e ijãa b̶uud̶eeba mʉʉba kʉ̃ria b̶uu kĩra joma waui b̶uu». Maamina mʉʉba jaraaruu: ne joma waui b̶umina joma dachiba wau kʉ̃ria b̶uuba dachi aid̶akau. Biawãra joma dachiba wau kʉ̃ria b̶uu waui b̶umina joma mauba ãbarã aid̶akau.

1 Corintios 14:15

Makarã ¿sakaima? Mʉ jauriba Dachi Akõremaa ʉtaa id̶ii maamina mʉʉba chi mau kuitaa b̶uu bed̶ead̶e bid̶a ʉtaa id̶ii. Mʉ jauriba Dachi Akõremaa biꞌia karii, maamina chi mʉʉba kuitaa b̶uu bed̶ead̶e bid̶a karii.

1 Corintios 14:26

Maud̶eeba ãbarã, ¿saka arakʉd̶e waud̶aima? Machi araa ãbua imiiduud̶e ab̶auba Dachi Akõre bed̶ead̶ebena kari karii b̶uu, ab̶auba Dachi Akõre bed̶ea jaradeai b̶uu, ab̶auba Dachi Akõreba unubid̶a jarai b̶uu, ab̶auba dachiba ũrid̶akau bed̶ead̶e berreai b̶uu maud̶e ab̶auba mau berread̶a kuitaa jarai b̶uu. Maamina joma mau waud̶ai panuu ãbarãba biꞌia ijãad̶amera.

Gálatas 4:6

Machi Dachi Akõre warrarãd̶eeba ichi Warr Jauri bʉisii machi sõd̶e b̶uamera. Ichi Jauri dachi sõd̶e b̶uuba «¡Mʉ Chacha!» abarii kuitaad̶amera dachi Ichi warrarãbʉ.

Efesios 4:12

Ichiba maka b̶usii ẽbẽrarã Dachi Akõred̶erã aid̶ad̶amera, ãchia bid̶a Dachi Akõre baita poyaa biꞌia waud̶amera. Maka joma Cristo ẽbẽrarã ichi kakua abadau chaarea warimaa panuu,

Efesios 4:16

Ichid̶eeba joma dachi ichi kakuabʉ. Chi dachi kakuad̶e jid̶iu kara b̶eeba chiya aid̶ad̶ai. Dachicha waud̶ai panuu kĩra wauduud̶e jomaurã kʉ̃riad̶eeba biꞌia wari kãri bad̶ai.

Efesios 4:29

Bed̶ea kachirua berrearã́sturu. Maumaarã bed̶ea biáturu berreásturu waabenarã aid̶ad̶ai baita. Maka machi bed̶ea ũri nuree biꞌia panad̶ai.

Efesios 6:18

Ewaricha ne joma baita Dachi Akõre Jaurid̶eeba ʉtaa id̶i panásturu. Dau ʉ̃rʉma panuud̶eeba, joma ichi ẽbẽrarã baita kakua ãkaad̶awẽa ʉtaa id̶i panásturu.

Colosenses 2:7

Ichid̶eeba chaarea panásturu ãrea karr jidau panuu kĩra maud̶e de bia waud̶a kĩra. Ichid̶e ãrea ijãa panásturu ãbarãba jaradeaped̶aad̶a kĩra. Ewaricha Dachi Akõremaa ichíturu kid̶ibai ásturu.

1 Tesalonicenses 5:11

Maud̶eeba chiya kĩrajʉ́sturu. Maud̶e chiya aid̶ásturu biꞌia ijãad̶ai baita machiba wau panuu kĩra.

1 Timoteo 1:4

Ãchimaa jarase nabẽraed̶ebena nebʉrʉ maud̶e dachi nabẽraed̶ebenarã trʉ̃ ãrea jaradeabadau ʉ̃rʉbena ãrea kʉ̃risiarãad̶amera. Maud̶eeba oa kachirua berrea duaneebiabarii. Mauba dachi aid̶akau Dachi Akõreba waubi b̶uu waud̶amera. Ab̶a ichi bed̶ea ijãa panuud̶eeburu poyaa waud̶ai.

2 Timoteo 1:5

Mʉʉba kĩraba b̶uabarii bichiba Cristod̶e biawãra ijãa b̶uu bichi tata Loida maud̶e bichi nawe Eunice bichi naed̶e ijãa panad̶a kĩra. Mʉʉba kuitaa b̶uu bichia bid̶a arab̶aud̶e Cristod̶e ijãa b̶uu.

Tito 1:1

Mʉ Pablobʉ, Dachi Akõre baita bari trajabarii maud̶e Jesucristoba bʉid̶a. Mʉ bʉisii Dachi Akõreba jʉrʉ adaud̶arãba ichid̶e ijãad̶amera maud̶e chi biawãra bed̶ea kuitaad̶aped̶a Dachi Akõreba kʉ̃ria b̶uu kĩra nuread̶amera.

Santiago 2:22

Bichiba kuitaa b̶uu Abrahamba maka wausii, biawãra Dachi Akõred̶e ijãasiid̶eeba. Maud̶e maka wausiid̶eeba unubisii Dachi Akõred̶e biawãra ijãa b̶uu.

2 Pedro 1:1

Mʉ Simón Pedrobʉ, Jesucristo baita bari trajabariibʉ maud̶e ichiba bʉid̶abʉ. Mʉʉba nau karta b̶ʉʉruu chi Dachi Akõred̶e maud̶e Dachi Karibabarii Jesucristod̶e ijãabadaurã baita. Ichi jipa niid̶eeba, dai ome arab̶aud̶e biꞌia ijãa panuu.

1 Juan 5:4

Joma Dachi Akõre warrarãba nau iujãad̶ebena kachirua ida b̶ubadau. Biawãra dachiba Jesucristod̶e ijãa panuud̶eeba mau poyaa ida b̶ud̶ai.

Judas 1:3

Ãbarã, mʉʉba nau kartad̶e Dachi Akõreba dachi karibad̶a ʉ̃rʉbena b̶ʉ kʉ̃ria b̶uasii. Maamina mʉ baita, bibuara b̶uu jãabae b̶ʉi kauwa panad̶amera. Chi machiba ijãa panuu ab̶aumaa ida ãyaa jaradeabirã́sturu. Dachi Akõreba chi biawãra bed̶ea ichi ẽbẽrarãmaa b̶es ab̶aburu deasii. Diware deakau.

Apocalipsis 13:10

«Chi jʉ̃ad̶ai panuu, mau jʉ̃ad̶ai. Chi espadaba biud̶ai panuu, mau espadaba biud̶ai». Maud̶eeba ẽbẽrarã Dachi Akõred̶erã ãrea ijãad̶aped̶a ãrea dauchia jãadua panad̶ai panuu.