Hechos 9:40 - Emberá Chamí

⁴⁰ Maud̶e Pedroba joma awara wãbiasii. Õdarrd̶e kob̶eeped̶a Dachi Akõremaa ʉtaa id̶isii Dorcas chokae jiradubimera. Ʉtaa id̶iped̶a chi biud̶a nub̶uumaa ichiaruud̶e jarasii: —Tabita, ¡jiraduse! Ara makʉd̶e mau chi dau bũasii. Pedro unusiid̶e akʉ b̶eesii.

Hechos 9:40 ပူးပေါင်းရင်းမြစ်များ

Mateo 6:6

Bichiba Dachi Akõremaa ʉtaa id̶iiruud̶e bichi ded̶e ed̶a wãse. Chi poraa jʉ̃aped̶a bichi du ab̶a bichi Akõremaa ʉtaa id̶ise. Bichiba chũpea bia wau b̶uu bichi Akõreba unubarii. Ichiaburu bichimaa ne bia deai.

Mateo 9:25

Maamina ẽbẽrarã duabʉikaped̶a Jesús deed̶a ed̶a wãsii. Maabae chi wẽrakau juad̶e jidauped̶a jiradubisii.

Marcos 9:25

Jesusba ẽbẽrarã araa pĩchuka imiiduu unusiid̶eeba chi jai kachirua naka iadaasii: —Jauri kachirua kʉʉrʉ kiapebibarii maud̶e bosara babibarii, mʉʉba bichimaa jaraaruu: nau warr kakuad̶ebena awara wãse. Waya ichi kakuad̶e ed̶a wãrã́se.

Lucas 22:41

Maabae Jesús ãchid̶ebena b̶aꞌãra waa wãsii. Õdarrd̶e kob̶eeped̶a Dachi Akõremaa naka ʉtaa id̶isii:

Lucas 8:54

Maamina Jesusba chi wẽrakau juad̶e jidauped̶a jarasii: —¡Wẽrakau, jiraduse!

Hechos 20:36

Maka jarasiid̶e Pablo õdarrd̶e kob̶eeped̶a joma ãchi baara Dachi Akõremaa ʉtaa id̶isid̶au.

Hechos 21:5

Maamina 7 ewari basiid̶e dai wãsid̶au. Joma ãbarã, ãchi wẽrarã maud̶e ãchi warrarã dai baara puuru awara wãsid̶au. Aria mar iikaa ibud̶e õdarrd̶e duaneed̶aped̶a Dachi Akõremaa ʉtaa id̶isid̶au.

Hechos 28:8

Maka panuud̶e Publio akõre ãmi che b̶uud̶eeba maud̶e kʉa b̶uud̶eeba kʉd̶ad̶e b̶uasii. Maud̶e Pabloba mau ichiad̶e wãsii. Dachi Akõremaa ʉtaa id̶iped̶a ichi jua ʉ̃rʉ kub̶uped̶a aribiabisii.

Hechos 7:60

Maabae õdarrd̶e kob̶eeped̶a jĩwa jarasii: «Mʉ Mechiu, naarã ẽbẽrarãba kachirua wau panuu kʉde uru b̶uarã́se». Maka jaraped̶a biusii.