Hechos 8:7 - Emberá Chamí

⁷ Ãrea ẽbẽrarã jai kachirua bara nuree aribiakuasid̶au. Mau jai kachiruarã ãchi kakuad̶ebena b̶ia wãuribachid̶au. Maud̶e ãrea b̶akara bʉʉ nuree maud̶e jʉ̃rʉ nʉka nuree aribiakuabachid̶au.

Hechos 8:7 ပူးပေါင်းရင်းမြစ်များ

Mateo 10:1

Jesusba ichi baara nibabadaurã 12 ãbua iukuasii. Maabae ãchimaa chi poyaabarii dead̶akasii jai kachiruarã ichi trʉ̃d̶eeba duabʉikad̶amera, kakua kachirua nuree maud̶e kakua puꞌua nuree aribiabiad̶amera.

Mateo 11:5

Dau pãriu nuread̶a unu panuu; nʉka nuread̶a biꞌia nuree; kakua chau nuread̶a anid̶aped̶a nuree; kʉʉrʉ kiape nuread̶a jãabae ũri panuu; biuped̶aad̶arã waya chokae nuree. Mau awara chi nejarr barauwãe nureerãmaa chi bed̶ea bia Dachi Akõre karibai ʉ̃rʉbena ũri panuu.

Mateo 4:24

Maud̶eeba ichi joma Siria druad̶ebenarãba trʉ̃ poasid̶au. Maud̶eeba ẽbẽrarãba joma barikiu ẽpermo nureerã eneebachid̶au, kakua puꞌua nuree, jai kachirua bara nuree, kakua wawaaduuba biꞌiwãe nuree maud̶e b̶akara suriidu nuree ichimaa eneebachid̶au. Jesusba ãchi joma aribiabibachii.

Marcos 9:26

Ara makʉd̶e chi jai kachirua b̶iaped̶a waya chi warr ãrea wawabisii. Maabae ichi kakuad̶ebena wãsii maamina chi warr biud̶a kĩra b̶aesii. Maud̶eeba chi aria panuuba jarasid̶au: —¡Ay, jãu warr biusii!

Lucas 10:17

Jesusba 70 bʉid̶a ãrea kĩrajʉʉ waya neesid̶au. Maabae ãchiba Jesusmaa naka jarasid̶au: —¡Dai Mechiu, bichi trʉ̃d̶eeba chi jai kachiruarã duabʉikasid̶aud̶e ãchi wãsid̶au daiba jaraped̶aad̶a kĩra!

Juan 14:12

Mʉʉba biawãra jaraaruu: barikiuba mʉʉd̶e ijãa b̶uubʉrã, mʉʉba wau b̶uu ichiba waui. Biawãra mʉʉba wau b̶uu audeara ichiba waui, mʉ, mʉ Chachamaa b̶uad̶e wãid̶eeba.

Hechos 5:16

Maud̶e Jerusalén kaita puurud̶ebenarãba ẽpermo nureerã ãrea eneebachid̶au maud̶e ãchi kakuad̶e jai kachirua nuree miru b̶ee sid̶a eneebachid̶au. Maabae maarã joma aribiabiabachid̶au.

Hechos 8:6

Felipeba jara b̶uu ũrisid̶aud̶e maud̶e ẽbẽrarãba ne poyaa waud̶akau wau b̶uu unusid̶aud̶e jomaurãba kauwa ũribachid̶au.

Hebreos 2:4

Mau awara Dachi Akõreba ẽbẽrarãba ne poyaa waud̶akau mechiu aꞌawaraa waubiasii. Ichiba kʉ̃ria b̶uad̶a kĩra ichi Jauriba waubi b̶uu ichid̶irãcha dead̶akasii. Joma maud̶eeba kuitaabiasii mau bed̶ea biawãrabʉ.