Hechos 8:39 - Emberá Chamí

³⁹ Baniad̶ebena awara wãsid̶aud̶e, Dachi Mechiu Jauriba Felipe ãyaa adoesii. Chi trajabarii mechiuba ichi waa unuubasii, maamina od̶e kĩrajʉʉ wãsii.

Hechos 8:39 ပူးပေါင်းရင်းမြစ်များ

Mateo 13:44

Bajãad̶e B̶uuba ichid̶irã ichi juad̶e ua b̶uu chi nejarra iorod̶e mera b̶ud̶a kĩra b̶uu. Mau chi nejarra ẽbẽraba unuped̶a chi b̶uad̶amaa mera b̶usii. Maabae kĩrajʉʉ wãped̶a joma ichiba uru b̶uu nedobʉiped̶a chi drua nedosii.

Mateo 3:16

Jesús boro ead̶akare doed̶abena wãaruud̶e bajãa ewa wãsii. Maud̶e Dachi Akõre Jauri paloma kĩra ichi ʉ̃rʉ neeruu unusii.

Marcos 1:10

Jesús doed̶abena wãaruud̶e bajãa ewaaruu unusii. Maud̶e Dachi Akõre Jauri paloma kĩra ichi ʉ̃rʉ neeruu unusii.

Hechos 13:52

Maamina chi Jesusd̶e ijãabadaurã Antioquiad̶e panuu ãrea kĩrajʉʉ panasid̶au maud̶e Dachi Akõre Jaurid̶eeba panasid̶au.

Hechos 16:34

Pablo maud̶e Silas ichi deed̶aa adoeped̶a kobiasii. Dachi Akõred̶e ijãasid̶aud̶eeba ichi maud̶e chi ichi ded̶ebenarã ãrea kĩrajʉʉsid̶au.

Hechos 8:29

Maka b̶uud̶e Dachi Akõre Jauriba Felipemaa jarasii: «Wãse jãu karreta kaita».

Hechos 8:38

Ara makʉd̶e ichi karreta b̶ari nub̶eebiped̶a, ãchi omea ed̶aa baniad̶e ed̶a wãsid̶au. Aria Felipeba ichi boro easii.

Hechos 8:8

Chi ẽbẽrarã mau puurud̶ebenarã ãrea kĩrajʉʉ duanasid̶au.

Romanos 5:2

Mau awara Jesucristod̶e ijãa panuud̶eeba Dachi Akõreba ichi sõbiad̶eeba dachi ewaricha aid̶abarii. Maud̶e kĩrajʉʉ panuu kuitaa panuud̶eeba Dachi Akõre biad̶ebena adaud̶ai.

Filipenses 3:3

Maamina dachi chi biawãra mukĩra chi kakua tõoped̶aad̶abʉ. Dachiaburu Dachi Akõre Jaurid̶eeba ichimaa biꞌia berreabadau. Maud̶e Jesucristoba dachi baita waud̶a biꞌia jarabadau. Dachiba kʉ̃risiad̶akau Dachi Akõreba dachi jipa nuree unui, dachiba wau panuu kakua.

Filipenses 4:4

Dachi Mechiu Jesucristo ome panuud̶eeba ewaricha kĩrajʉʉ panásturu. Mʉʉba waya jaraaruu: ¡Kĩrajʉʉ panásturu!

Santiago 4:16

Maamina machiba maka waud̶akau. Maumaarã chi mechiu nuree kʉ̃risia panuud̶eeba jarabadau machiba wau kʉ̃ria panuu poyaa waud̶ai. Biawãra mau kachirua b̶uu.