Hechos 8:25 - Emberá Chamí

²⁵ Pedroba maud̶e Juanba chi bed̶ea Dachi Mechiu Jesús ʉ̃rʉbena jarad̶aped̶a Jerusalend̶aa waya wãsid̶au. Wãaduud̶e Samaria druad̶e ãrea puuru b̶eecha mau bed̶ea bia jara wãsid̶au.

Hechos 8:25 ပူးပေါင်းရင်းမြစ်များ

Mateo 10:5

Mau 12 ẽbẽrarã Jesusba bʉikasii. Maamina wãd̶ai naed̶e ichiba jarasii: «Judiowãerãmaa, Samaria druad̶ebena puurud̶aa bid̶a wãrã́sturu.

Juan 15:27

Machia bid̶a mʉ ʉ̃rʉbena berread̶ai, machi arab̶aed̶eed̶e mʉ baara panuud̶eeba.

Hechos 1:8

Maamina Dachi Akõre Jauri machi baara b̶uad̶e neeruud̶e machiba ichi poyaabarii adaud̶ai. Mauba machiba Jerusalend̶e, joma Judea druad̶e, Samaria druad̶e maud̶e drua kaitawẽ nureed̶e mʉ ʉ̃rʉbena berread̶ai.

Hechos 13:12

Sergio Pauloba mau unusiid̶e ãchiba Dachi Mechiu ʉ̃rʉbena jaradea panuu ãrea biꞌia ũrisiid̶eeba ijãasii.

Hechos 18:5

Maka b̶uud̶e Silas maud̶e Timoteo Macedonia druad̶ebena neesid̶au. Maad̶akare Pabloba ewaricha Dachi Akõre bed̶ea jaradea b̶uabachii. Ichiba judiorãmaa jarabachii Jesús biawãra Dachi Akõreba Dachi Karibabarii deai jarad̶a.

Hechos 20:21

Judiorãmaa maud̶e judiowãerãmaa mʉʉba jarasii kachirua waubadau ida b̶ud̶aped̶a Dachi Akõremaa need̶amera maud̶e Dachi Mechiu Jesucristod̶e ijãad̶amera.

Hechos 28:23

Maud̶e ãchiba ewari ab̶a b̶usid̶au. Mau ewari neesiid̶e ẽbẽrarã ãrea Pablo b̶uumaa neesid̶au. Daped̶eed̶ebena ab̶a kewaraad̶aa Pabloba berreamaa b̶uasii Dachi Akõreba ichid̶irã ichi juad̶e ua b̶uu ʉ̃rʉbena. Moisesba b̶ʉd̶ad̶eeba maud̶e Dachi Akõre baita berreabadaurãba b̶ʉped̶aad̶ad̶eeba jaradea b̶uasii Jesusd̶e ijãad̶amera.

Hechos 28:28

»Jãu kuitásturu: Dachi Akõreba dachi karibai ʉ̃rʉbena jara nuree judiowãerãmaa bʉisii. Ãchiba mau biꞌia ũrid̶ai.

Hechos 28:31

Ichiba wapeawẽa berreabachii Dachi Mechiu Jesucristod̶eeba, Dachi Akõreba ichid̶irã ichi juad̶e ua b̶uu ʉ̃rʉbena. Maud̶e ab̶au bid̶a ichimaa makarã́bad̶e ad̶aka basii.

Hechos 8:40

Maud̶e Felipe Azoto puurud̶e neesii. Maabae puurucha chi bed̶ea bia Jesús ʉ̃rʉbena jara wãsii ab̶a Cesarea puurud̶e neeruud̶aa.

1 Pedro 5:12

Ãba Silvanoba nau karta cheke aid̶a b̶ʉsii. Mʉʉba kuitaa b̶uu ara ichiba jara b̶uu kĩra joma waubarii. Nau kartad̶eeba mʉʉba machi aid̶a kʉ̃ria b̶uu biꞌia ijãad̶amera. Maud̶e kuitaabiai kʉ̃ria b̶uu biawãra Dachi Akõreba ichi sõbiad̶eeba aid̶a b̶uu. Mau ijãa panásturu.