Hechos 7:51 - Emberá Chamí

⁵¹ »¡Machi sõ chaarea nuree! ¡Sõd̶eeba ijãad̶akau! Dachi Akõre bed̶ea ũri kʉ̃riad̶akau. Dachi Akõre Jauriba jara b̶uu machiba ewaricha ida b̶ubadau. Ara machi nabẽraed̶ebenarã kĩra nuree.

Hechos 7:51 ပူးပေါင်းရင်းမြစ်များ

Hechos 6:10

Maamina ãchiba Esteban ome poyaad̶aabasii, ichi Dachi Akõre Jauri kʉ̃risia kuitaad̶eeba berreabachiid̶eeba.

Hechos 7:27

Maamina chi sĩ b̶uad̶aba Moisés chĩataped̶a jarasii: “¿Kaiba bichi dai karr b̶usma? ¿Kaiba bichi dai juez b̶usma?

Hechos 7:35

»Israeld̶ebenarãba Moisés ida b̶usid̶au. Ichimaa naka jarasid̶au: “¿Kaiba bichi dai karr b̶usma? ¿Kaiba bichi dai juez b̶usma?” Maamina ara mau Moisés Dachi Akõreba Egiptod̶aa bʉisii israeld̶ebenarã jaradea ua b̶uabarii b̶uamera maud̶e ãchi mamauba adoemera. Chi ángel bakuru jeed̶aa nub̶uud̶e need̶a poyaad̶eeba maka wausii.

Hechos 7:39

»Maamina Moisesba jarad̶a dachi nabẽraed̶ebenarãba ijãa kʉ̃riad̶aabasii. Ichi ida b̶usid̶au. Egipto druad̶aa waya wã kʉ̃ria panasid̶au.

Hechos 7:9

»Mau maad̶akare Jacob warrarãba ãchi ãba José kĩramaa panuud̶eeba ichi nedobʉisid̶au Egipto druad̶e chibari baita bari trajabarii b̶uamera. Maamina aria Dachi Akõre ichi ome b̶uasii.

Romanos 2:25

Moisesba b̶ʉd̶a machiba wauduubʉrã, machi mukĩra chi kakua tõod̶a biꞌia b̶uu, ẽbẽrarã Dachi Akõred̶erã. Maamina mau Moisesba b̶ʉd̶a waud̶awẽebʉrã, machi Dachi Akõre daad̶e mukĩra chi kakua tõod̶awẽa nuree kĩra nuree.

Efesios 4:30

Kachirua wauduuba Dachi Akõre Jauri kĩra nomaabirã́sturu. Dachi Akõreba mau machimaa deasii ichid̶irã kuitaa panad̶amera. Ichi Jauri machi baara b̶uai ab̶a Dachi Akõreba ichi ẽbẽrarã joma biꞌia b̶ui ewarid̶aa.

Filipenses 3:3

Maamina dachi chi biawãra mukĩra chi kakua tõoped̶aad̶abʉ. Dachiaburu Dachi Akõre Jaurid̶eeba ichimaa biꞌia berreabadau. Maud̶e Jesucristoba dachi baita waud̶a biꞌia jarabadau. Dachiba kʉ̃risiad̶akau Dachi Akõreba dachi jipa nuree unui, dachiba wau panuu kakua.

Colosenses 2:11

Machi ichid̶irã nureed̶eeba, machi mukĩra chi kakua tõoped̶aad̶a kĩra nuree. Maamina ẽbẽra juaba maka waud̶aabasii. Maumaarã jara b̶uu dachi kakuaba kachirua wau kʉ̃ria b̶uud̶ebena karibasii. Mau mukĩra chi kakua tõod̶a Cristoba wausii.