Hechos 7:36 - Emberá Chamí

³⁶ Moisesba ẽbẽrarãba ne poyaa waud̶akau ãrea wau b̶uud̶eeba dachi nabẽraed̶ebenarãba Egiptod̶ebena karibasii. Mar Puriad̶e ẽbẽrarãba ne poyaa waud̶akau wausii kĩaraa biꞌia wãd̶ai baita. Maud̶e 40 años drua sirua wãꞌãe b̶uud̶e ẽbẽrarãba ne poyaa waud̶akau waubachii.

Hechos 7:36 ပူးပေါင်းရင်းမြစ်များ

Juan 4:48

Jesusba ichimaa jarasii: —Machiba ẽbẽrarãba ne poyaa waud̶akau unud̶awẽebʉrã mʉʉba jara b̶uu ijãad̶aabai.

Hechos 13:18

Mau maad̶akare ãchi drua sirua wãꞌãe b̶uud̶e Dachi Akõreba ãchi 40 años dauchia jãadua b̶uasii.

Hechos 7:42

Maud̶eeba Dachi Akõreba ãchi ida nuisii. Maud̶eeba maarãba ʉtaa id̶ibachid̶au chi bajãad̶e nub̶uu nekaebeamaa. Mau ʉ̃rʉbena Dachi Akõre baita berreabadaurã kartad̶e naka b̶ʉ kub̶uu: “Israeld̶ebenarã, machi 40 años drua sirua wãꞌãe b̶uud̶e duanasid̶aud̶e ¿ãnimara mʉʉmaa baa deabachid̶aka?

Hebreos 3:9

Aria ichiba waud̶a 40 añosd̶aa unu panasmina ãchiba ijãad̶aabasii kãare wau b̶uu kuitaad̶ai baita.

Hebreos 8:9

Mau bed̶ea chiwid̶i machi nabẽraed̶ebenarãmaa bed̶ea dead̶a kĩra b̶uabai. Maarãmaa bed̶ea deasii, Egiptod̶ebena uad̶osiid̶e. Maamina biawãra ijãad̶aabasiid̶eeba mʉʉba ãchi ida b̶usii. Maka jara b̶uu Dachi Mechiuba.