Hechos 6:7 - Emberá Chamí

⁷ Maud̶e ãbarãba Dachi Akõre bed̶ea aude jarasid̶au. Maka chi Jesusd̶e ijãabadaurã Jerusalend̶e maucha aude baraasii. Mau awara ãrea paarerã bid̶a ijãasid̶au.

Hechos 6:7 ပူးပေါင်းရင်းမြစ်များ

Mateo 19:30

Maka chi naa nuree kaad̶e nuread̶ai, maud̶e chi kaad̶eare nuree naa nuread̶ai.

Lucas 2:34

Maud̶e Simeonba ãchimaa biꞌia jaraped̶a Mariamaa naka jarasii: —Dachi Akõreba nau warr deasii israeld̶ebenarã ãrea biꞌia b̶umera maud̶e ãrea biꞌiwãe b̶umera. Kuitaabiai ichi Dachi Akõred̶ebena nee b̶uu, maamina ichi ʉ̃rʉbena kachirua jarad̶ai.

Juan 12:42

Isaiasba maka b̶ʉsmina ãrea judiorã maud̶e paare mechiurãba Jesusd̶e ijãasid̶au. Maamina waabenarãmaa mau jarad̶aabasii. Wapea panasid̶au fariseorãba ãchi araa ãbua imibadau ded̶ebena duabʉid̶ai.

Hechos 12:24

Chi Dachi Mechiu bed̶ea kaitawẽ jaradead̶e wãbachid̶au maud̶e ãreaba mau ijãasid̶au.

Hechos 13:8

Maamina ãchiba jaradea panuud̶e jaibana Barjesusba setaa jarabachii chi jaradea ua b̶uabariiba Dachi Akõre bed̶ea ijãarãamera. (Barjesús trʉ̃ griego bed̶ead̶e Elimas abadau).

Hechos 14:22

Puurucha ãbarã aid̶abachid̶au Jesusd̶e biꞌia ijãad̶amera. Ãchiba Jesusd̶e ijãa panuu ida b̶urãad̶amera naka jarabachid̶au: «Ãrea biꞌiwãe panad̶ai panuu, Dachi Akõre juad̶e panad̶ai baita, ichid̶irã baara».

Hechos 19:20

Maka Dachi Akõreba ichi poyaad̶eeba waud̶a kakua chi Dachi Mechiu Jesús ʉ̃rʉbena bed̶ea kaitawẽ trʉ̃ poasii. Maud̶e Jesusd̶e ijãabadaurã aude baraasii.

Hechos 2:47

Ãchiba Dachi Akõremaa biꞌia berreabachid̶au. Maud̶e waabenarãba ãchi biꞌia unubachid̶au. Maud̶e Dachi Mechiuba ewaricha ẽbẽrarã karibabachii. Maka Dachi Akõreba ãchi ãrea bawaabiasii.

Hechos 21:20

Mau ũrisid̶aud̶e ãbarãba Dachi Akõremaa biꞌia berreasid̶au. Maabae ãchiba Pablomaa jarasid̶au: —Ãba, bichiba kuitaa b̶uu judiorã ãreaba Jesusd̶e ijãa panuu. Maud̶e Moisesba b̶ʉd̶a ãchiba ãrea ijãabadau.

Hechos 6:1

Mau ewarid̶e chi Jesusd̶e ijãabadaurã maucha aude baraasii. Maud̶e chi griego bed̶ead̶e berreabadaurã judiorãba chi hebreo bed̶ead̶e berreabadaurã kachirua jara kopaneesid̶au. Jarasid̶au ãbarãba pẽdrãarã ewaricha aid̶aaduud̶e ãchi pẽdrãarã aid̶ad̶akau.

Romanos 1:5

Jesucristod̶eeba Dachi Akõreba mʉ b̶usii ichiba bʉid̶a b̶uamera. Ichid̶eeba maka b̶usii joma druachabenarãba Jesucristod̶e ijãad̶amera, ichi bed̶ea waud̶amera maud̶e ichimaa biꞌia berread̶amera.

Gálatas 1:23

Ãchiba naka jaraadúturu ũribachid̶au: «Dachi kachirua waui baita wãraa b̶uad̶aba jãabae jaradea b̶uu jomaurãba Cristod̶e ijãad̶amera. Naed̶e mau ichiba joma wãꞌãebii kʉ̃ria b̶uasii».

Gálatas 6:10

Maud̶eeba dachiba poyaaduucha, jomaurã biꞌia aid̶ad̶ai panuu. Chi Jesusd̶e ijãabadaurã maka aude aid̶ad̶ai panuu.

Colosenses 1:6

machimare ũrisid̶aud̶e Dachi Akõreba ichi sõbiad̶eeba machi biawãra karibai b̶uu joma kuitaasid̶au. Ara mau kĩra mau ewarid̶eed̶ebena joma druacha ẽbẽrarãba mau bed̶ea ãrea ijãamaa duanuu nejõo bakuru chaubarii kĩra.

2 Timoteo 2:9

Mau jaradea b̶uu kakua mʉ ãrea biꞌiwãe b̶uu. Mʉ ẽbẽra kachirua kĩra kaenaba jʉ̃ uru panuu. Maamina Dachi Akõre bed̶ea jʉ̃ uru panuuwãema.

Hebreos 11:8

Dachi Akõreba Abrahammaa jarasii ichiba deai jarad̶a druad̶aa wãmera. Abrahamba Dachi Akõred̶e ijãasiid̶eeba samaa wãaruu adua b̶umina ichi drua b̶ʉiped̶a wãsii.

Hebreos 5:9

Ne jomad̶e biꞌia wausiid̶eeba, joma chi ũribaba ũriiduu poyaa karibai b̶uu ewaricha chokae nuread̶amera.

Judas 1:20

Maamina ãbarã, machicha aid̶ásturu Cristod̶e ãrea ijãad̶amera. Dachi Akõremaa ichi Jaurid̶eeba ʉtaa id̶ísturu.

Judas 1:3

Ãbarã, mʉʉba nau kartad̶e Dachi Akõreba dachi karibad̶a ʉ̃rʉbena b̶ʉ kʉ̃ria b̶uasii. Maamina mʉ baita, bibuara b̶uu jãabae b̶ʉi kauwa panad̶amera. Chi machiba ijãa panuu ab̶aumaa ida ãyaa jaradeabirã́sturu. Dachi Akõreba chi biawãra bed̶ea ichi ẽbẽrarãmaa b̶es ab̶aburu deasii. Diware deakau.