Hechos 6:4 - Emberá Chamí

⁴ Maka wauduubʉrã daiba poyaa biꞌia Dachi Akõremaa ʉtaa id̶i panad̶ai maud̶e ichi bed̶ea jara panad̶ai.

Hechos 6:4 ပူးပေါင်းရင်းမြစ်များ

Lucas 1:23

Mau Dachi Akõre de mechiud̶e trajai ewari bad̶akare, Zacarías deed̶aa wãsii.

Hechos 1:14

Joma maarã Jesús ãbarã baara, ichi nawe María maud̶e waabena wẽrarã baara ãbua duanabachid̶au Dachi Akõremaa ʉtaa id̶id̶ai baita.

Hechos 2:42

Chi Jesusba bʉid̶arãba jaradea panuu ãchiba ãrea ũribachid̶au. Ãbua biꞌia duanabachid̶au. Pan b̶ʉad̶aped̶a, kobachid̶au. Maud̶e Dachi Akõremaa ʉtaa id̶i panabachid̶au.

Romanos 1:9

Dachi Akõreba kʉ̃ria b̶uu joma mʉ sõd̶eeba wau b̶uu chi bed̶ea bia ichi Warr ʉ̃rʉbena jaradea b̶uud̶eeba. Ichiba kuitaa b̶uu mʉʉba ʉtaa id̶iiruucha machi baita ʉtaa id̶ibarii.

1 Corintios 9:16

Mʉʉba chi bed̶ea bia Cristo ʉ̃rʉbena jaradea b̶umina mʉ chi mechiu akau, Dachi Akõréburu jaradeabi b̶uud̶eeba. Biawãra mau bed̶ea bia jaradeawẽebʉrã, mʉ miichuburi b̶eei.

Filipenses 1:4

Dachi Akõremaa ʉtaa id̶iiruucha mʉʉba machi baita kĩrajʉʉ ʉtaa id̶ibarii,

Colosenses 2:1

Mʉʉba kʉ̃ria b̶uu machiba nau kuitaad̶ai: mʉ dauchia jãadua ãrea traja b̶uu machi Colosad̶ebenarã, ãbarã Laodicea puurud̶ebenarã maud̶e joma ãbarã mʉ unud̶akau aid̶ai baita.

Colosenses 4:12

Machi puurud̶ebena Jesucristo baita bari trajabarii Epafrasba jarabʉi b̶uu machi biꞌia panad̶ai. Ichiba ewaricha Dachi Akõremaa ʉtaa id̶i b̶uabarii machi ne jomad̶e dauchia jãadua nuread̶amera, ãrea ijãa panad̶amera, maud̶e joma Dachi Akõreba waubi kʉ̃ria b̶uu kuitaad̶aped̶a waud̶amera.

Colosenses 4:17

Ãba Arquipomaa jarásturu: «Dachi Mechiuba waubi b̶uu joma wau b̶uase».

2 Timoteo 4:2

Dachi Akõre Bed̶ea jaradea b̶uase. Ẽbẽrarãba ũri kʉ̃ria panuud̶e maud̶e ũri kʉ̃riad̶awẽa panuud̶e jaradeai baita b̶uase. Biꞌiwãe wau nuree jipa waui kuitaabiáse. Kachirua wau nuree iadaase. Maud̶e ãbarã aid̶ase biꞌia ijãad̶amera. Joma jãadua b̶uud̶eeba, kauwa jaradea b̶uud̶eeba maka wause.