Hechos 6:12 - Emberá Chamí

¹² Maka ãchiba puurud̶ebenarã, judiorã chi chõrarã maud̶e chi Moisesba b̶ʉd̶a jaradeabadaurã kĩrubikasid̶au. Maud̶eeba Esteban jidaud̶aped̶a chi ẽbẽrarã araa ãbua imibiabadaurã duanuumaa adoesid̶au.

Hechos 6:12 ပူးပေါင်းရင်းမြစ်များ

Mateo 26:57

Maabae Jesús jidauped̶aad̶arãba ichi chi paare mechiu Caifasmaa adoesid̶au. Mau Caifás ded̶e Moisesba b̶ʉd̶a jaradeabadaurã, paare mechiurã baara araa ãbua imi nub̶uasii.

Mateo 5:22

Maamina mʉʉba jaraaruu: barikiu waabena ome kĩruuruubʉrã Dachi Akõreba kastikai. Barikiuba waabenamaa sũreena aaruubʉrã machi jaradea ua b̶uabadaurãba kastikad̶ai. Maud̶e barikiuba waabenamaa kachirua jaraaruubʉrã, Dachi Akõreba tʉbʉchia aoko kub̶uu kiikaud̶aa wãbii.

Lucas 20:1

Earab̶a Jesusba Dachi Akõre de mechiu dud̶a ẽbẽrarãmaa chi ichi ʉ̃rʉbena bed̶ea bia jaramaa b̶uasii. Maud̶e paare mechiurã, Moisesba b̶ʉd̶a jaradeabadaurã maud̶e judiorã mechiurã neesid̶au.

Hechos 13:50

Maamina judiorãba Dachi Akõre wapea nuree wẽrarã chi mechiurãmaa maud̶e mukĩra chi mechiurãmaa jarasid̶au Pablo maud̶e Bernabé kachirua waud̶amera. Maka ãchi puurud̶ebena duabʉisid̶au.

Hechos 14:2

Maamina judiorã Jesús ijãad̶akaurãba judiowãerãmaa chi ãbarã ʉ̃rʉbena kachirua kʉ̃risiabiasid̶au.

Hechos 17:13

Maumisa judiorã Tesalónica puurud̶ebenarãba kuitaasid̶au Pabloba Dachi Akõre bed̶ea Berea puurud̶e jaradea b̶uu. Maud̶eeba araa wãsid̶aud̶e arabenarã kĩrubikabiasid̶au kachirua waud̶amera.

Hechos 18:12

Galión abadau Acaya druad̶ebena chi karr b̶eesiid̶e chi judiorã chiya berread̶aped̶a Pablo jidaud̶aped̶a ichi mau Galión kĩraare adoesid̶au.

Hechos 21:27

Maamina 7 ewari bamaa b̶uud̶e waabenarã judiorã Asia druad̶ebena Dachi Akõre de mechiu dud̶a panasid̶au. Mau judiorãba Pablo unusid̶aud̶e joma ẽbẽrarã aria duanuu kĩrubikad̶aped̶a Pablo jidausid̶au.

Hechos 5:18

Maud̶eeba chi Jesusba bʉid̶arã jidaud̶aped̶a jʉ̃a bʉikasid̶au.

Hechos 5:27

Adoed̶aped̶a chi jaradea ua b̶uabadaurã daad̶e ʉkʉ nub̶ud̶aped̶a chi paare mechiuba ãchimaa jarasii:

Hechos 6:11

Maud̶eeba ãchiba waabenarã ẽbẽrarãmaa chi nejarra deasid̶au naka setaa waud̶amera: «Daiba ũrisid̶au jãu ẽbẽraba Moisés ʉ̃rʉbena maud̶e Dachi Akõre ʉ̃rʉbena kachirua berrea b̶uu».