Hechos 6:1 - Emberá Chamí

¹ Mau ewarid̶e chi Jesusd̶e ijãabadaurã maucha aude baraasii. Maud̶e chi griego bed̶ead̶e berreabadaurã judiorãba chi hebreo bed̶ead̶e berreabadaurã kachirua jara kopaneesid̶au. Jarasid̶au ãbarãba pẽdrãarã ewaricha aid̶aaduud̶e ãchi pẽdrãarã aid̶ad̶akau.

Hechos 6:1 ပူးပေါင်းရင်းမြစ်များ

Mateo 23:13

»¡Machi fariseorã, Moisesba b̶ʉd̶a jaradeabadaurã, setaa ẽbẽra bia nuree abadau, miichuburi nuree Dachi Akõreba kastikaid̶eeba! Machiba ẽbẽrarãmaa ida kuitaabiad̶akau Bajãad̶e B̶uuba ichid̶irã ichi juad̶e ua b̶uu ʉ̃rʉbena. Ichi juad̶e panad̶ai kʉ̃riad̶awẽa panuu maud̶e chi aria duanad̶ai kʉ̃ria panuurã ida b̶ud̶akau.

Hechos 11:20

Maka panuud̶e chi nuree Jesusd̶e ijãabadaurã Chipred̶ebena maud̶e Cirene puurud̶ebena Antioquiad̶e panad̶e wãsid̶au. Maarãba griegorãmaa chi bed̶ea bia Dachi Mechiu Jesús ʉ̃rʉbena jara kopaneesid̶au.

Hechos 11:26

Aria año ab̶a ijãabadaurã baara paneesid̶au, maud̶e ãrea ẽbẽrarãmaa Jesucristo ʉ̃rʉbena jaradeabachid̶au. Mau Antioquía puurud̶e ẽbẽrarãba chi Jesusd̶e ijãabadaurã “cristiano” abachid̶au. Mau chi nabena ewari basii maka trʉ̃aped̶aad̶a.

Hechos 11:29

Maud̶eeba Jesusd̶e ijãabadaurã Antioquiad̶e panuu bed̶ea deasid̶au chi nejarra ãbarã Judea druad̶e nuree baita urubʉid̶ai baita. Ãchicha poyaa deaduu kĩra dead̶ai asid̶au.

Hechos 2:41

Ãrea ẽbẽrarãba ichi bed̶ea ijãad̶aped̶a boro easid̶au. Mau ewarid̶e chi Jesusd̶e ijãaped̶aad̶a 3.000 panasid̶au.

Hechos 2:47

Ãchiba Dachi Akõremaa biꞌia berreabachid̶au. Maud̶e waabenarãba ãchi biꞌia unubachid̶au. Maud̶e Dachi Mechiuba ewaricha ẽbẽrarã karibabachii. Maka Dachi Akõreba ãchi ãrea bawaabiasii.

Hechos 4:4

Maamina chi Pedroba jaradea b̶uad̶a ũri panad̶a ãreaba Jesusd̶e ijãasid̶au. Chi maarã mukĩrarã 5.000 basii.

Hechos 5:14

Aude maucha Dachi Mechiud̶e ijãaduu ãrea neesid̶au, mukĩrarã maud̶e wẽrarã.

Hechos 5:28

—Naed̶e daiba ãrea jarasid̶au machiba jãu ẽbẽra trʉ̃d̶eeba waa jaradearãad̶amera. Maamina machiba joma Jerusalend̶ebenarãmaa jaradea panuu. Mau awara jãu ẽbẽra beaped̶aad̶a kakua, dai nebʉra baraasid̶au a jara kʉ̃ria panuu.

Hechos 6:2

Maud̶eeba chi Jesusba bʉid̶arã 12 panuuba joma Jesusd̶e ijãabadaurã ãbua duanuud̶e naka jarasid̶au: —Biꞌia b̶uwãema daiba Dachi Akõre bed̶ea jaradea panuu ida b̶ud̶ai pẽdrãarã aid̶ad̶ai baita.

Hechos 6:7

Maud̶e ãbarãba Dachi Akõre bed̶ea aude jarasid̶au. Maka chi Jesusd̶e ijãabadaurã Jerusalend̶e maucha aude baraasii. Mau awara ãrea paarerã bid̶a ijãasid̶au.

Hechos 9:29

Judiorã chi griego bed̶ead̶e berreabadaurã ome Jesús ʉ̃rʉbena berreabachii maamina ichi bead̶ai kʉ̃ria panasid̶au.

Hechos 9:39

Ara makʉd̶e Pedro ãchi ome wãsii. Neesid̶aud̶e ichi chi biud̶a nub̶uumaa adoesid̶au. Aria joma pẽdrãarã jẽa duanasid̶au. Ãchiba Pedromaa Dorcasba paru kaapirukua b̶uad̶a unubisid̶au.

Hechos 9:41

Pedroba ichi juad̶e jidauped̶a jiradubisii. Maabae ãbarã maud̶e pẽdrãarã iukuaped̶a Dorcas chokae jiradud̶a unubiasii.

Romanos 12:7

Chi nureerãmaa deasii waabenarã aid̶ad̶amera. Maka dead̶akasiibʉrã, waabenarã aid̶ad̶ai panuu. Chi nureerãmaa deasii ichi bed̶ea jaradead̶amera. Maka dead̶akasiibʉrã, ichi bed̶ea jaradead̶ai panuu.

1 Corintios 10:10

Kĩrajʉʉwẽa panuud̶eeba Dachi Akõre ʉ̃rʉbena kachirua berrearã́sturu waabenarã chi nureeba wauped̶aad̶a kĩra. Maud̶eeba chi ángel dachi kinibibariiba ãchi ãrea kinibiasii.

2 Corintios 11:22

Ãchi hebreorã a panuu. ¿Mʉ sid̶a arab̶auwãeka? Ãchi Israeld̶ebenarã a panuu. ¿Mʉ sid̶a arab̶auwãeka? Ãchi Abrahamd̶ebena imiped̶aad̶arã a panuu. ¿Mʉ sid̶a arab̶auwãeka?

Filipenses 3:5

Mʉ danaba mʉ adaud̶a 8 ewari bad̶akare, mʉ mukĩra chi kakua tõosid̶au. Mʉ israeld̶ebenabʉ, Benjamind̶ebena need̶abʉ. Mʉ nabẽraed̶ebenarã chi biawãra hebreorã basii. Fariseo basiid̶eeba mʉʉba Moisesba b̶ʉd̶a kauwa waubachii.

1 Timoteo 5:3

Pẽdrãarã chi aid̶ad̶ayuswãe nuree aid̶ase.

1 Timoteo 5:9

Ãbarãba barikiu pẽdrãa trʉ̃ kartad̶e b̶ʉd̶aabai panuu aid̶ad̶ai baita. Maumaarã naka nuree b̶ʉd̶ai panuu: 60 año wãyaa nuree maud̶e mukĩra ab̶aburu uru panad̶a.

Hebreos 13:1

Machi ãbarã baerã chiya kʉ̃ria panásturu.

Santiago 1:27

Chi biawãra ijãa b̶uuba naka waui b̶uu Dachi Bajãad̶ebena Akõreba ichiba wau b̶uu biꞌia unumera maud̶e jipa unumera: jẽramara maud̶e pẽdrãarã ãrea biꞌiwãe panuu aid̶ai b̶uu, maud̶e nau iujãad̶e nuree kachirua wau b̶uabai b̶uu.

Santiago 4:5

Dachi Akõreba dachi sõd̶e b̶ud̶a Jauriba kʉ̃ria b̶uu Dachi Akõréturu kʉ̃ria panad̶amera. ¿Machiba kʉ̃risia panuka Dachi Akõre bed̶ead̶e bari ara jãka b̶ʉbisii?

Santiago 5:9

Ãbarã, waabena ʉ̃rʉbena kachirua jararã́sturu, Jesucristoba machi ichiarãamera. Jesucristo dachi nebʉra ichiabarii kãꞌãabariwãed̶e neei.