Hechos 5:26 - Emberá Chamí

²⁶ Ara makʉd̶e Dachi Akõre de mechiu nubadaurã chi jaradea ua b̶uabarii chi waabenarã nubadaurã baara jidaud̶e wãd̶aped̶a, wapeaba maarã kĩra jipa eneesid̶au, ẽbẽrarãba ãchimaa mokaraba b̶atad̶ai a kʉ̃risiasid̶aud̶eeba.

Hechos 5:26 ပူးပေါင်းရင်းမြစ်များ

Mateo 14:5

Juan beabii kʉ̃ria b̶uasmina puurud̶ebenarã wapea b̶uasiid̶eeba poyaa makawẽa b̶uasii. Puurud̶ebenarãba kʉ̃risia panasii Juan Dachi Akõre baita berreabarii.

Mateo 21:26

Maamina ¿saka jarad̶aima mau ẽbẽrarãba bʉiped̶aad̶a?» Chi ẽbẽrarã wapea panasid̶au, Juan biawãra Dachi Akõre baita berreabarii basii a kʉ̃risiasid̶aud̶eeba.

Mateo 26:5

Maamina jarasid̶au: —Bari panabadau ewarid̶e jidaud̶aabai ẽbẽrarã kĩrubid̶aabayua».

Mateo 26:58

Maabae Pedro kaitawẽeba kaad̶e niiba chi paare mechiu deemaa neesii. Chi de dud̶a ed̶a wãped̶a Dachi Akõre de nubadaurã baara ãbua akʉ b̶eesii Jesús saka waud̶ai kuitaai baita.

Lucas 20:19

Paare mechiurãba maud̶e Moisesba b̶ʉd̶a jaradeabadaurãba kuitaasid̶au Jesusba mau nebʉrʉ b̶uud̶eeba ãchi ʉ̃rʉbena berreasii. Maud̶eeba Jesús jidau kʉ̃ria panasid̶au. Maamina puurud̶ebenarã wapea panasid̶au.

Lucas 20:6

Maamina ẽbẽraba bʉisii aaduubʉrã, puurud̶ebenarãba dachi mokaraba b̶ata bead̶ai. Puurud̶ebenarãmaarã Juan Dachi Akõre baita berreabarii basii».

Lucas 22:2

Maud̶e paare mechiurãba maud̶e Moisesba b̶ʉd̶a jaradeabadaurãba Jesús bead̶ai baita kʉ̃risia jʉrʉ panasid̶au. Maamina puurud̶ebenarã wapea panuud̶eeba maarã daad̶e waud̶ai kʉ̃riawẽa panasid̶au.

Lucas 22:4

Judas paare mechiurãmaa maud̶e Dachi Akõre de mechiu nubadaurã jaradea ua b̶uabadaurãmaa wãsii. Maarãmaa jarasii saka Jesús jidaubii.

Hechos 4:21

Maabae chi karrarã aria duanuuba maucha jarasid̶au maka jarabirãad̶amera. Ãchiba jidau panasmina kastikad̶ai baita, ẽbẽrarã kakua wapea duanuud̶eeba ida b̶usid̶au. Ẽbẽrarã joma Dachi Akõremaa biꞌia berreasid̶au,

Hechos 5:13

Chi waabenarã wapeaba maarã baara araa ãbua imid̶akabasii. Maamina jomaurãba maarã ʉ̃rʉbena biꞌia berreabachid̶au.

Hechos 5:22

Maamina chi mau de nubadaurãba aria jʉrʉd̶e wãsid̶aud̶e, unud̶aabasii. Maud̶eeba waya wãsid̶aud̶e naka jarasid̶au:

Hechos 5:24

Mau ũrisid̶aud̶e, Dachi Akõre de mechiu nubadaurã chi jaradea ua b̶uabariiba maud̶e chi paare mechiurãba kãare kʉ̃risiad̶ai adua basii maud̶e jãabae kãare sãaima chiya maka a id̶isid̶au.

Hechos 5:25

Maka b̶uud̶e mukĩra ab̶a neesii maabae jarakuasii: —¡Chi machiba jʉ̃a b̶uped̶aad̶arã Dachi Akõre de mechiu dud̶a ẽbẽrarãmaa jaradeamaa panuu!