Hechos 4:36 - Emberá Chamí

³⁶ Maka wausii ẽbẽra Levid̶ebena need̶a, Joseba. Mau mukĩra Chipre islad̶ebena basii. Mau chi Jesusba bʉid̶arãba Bernabé abachid̶au (mau jara b̶uu «Kĩrajʉʉbibarii»).

Hechos 4:36 ပူးပေါင်းရင်းမြစ်များ

Marcos 3:17

Zebedeo warr Santiago maud̶e chi ãba Juan. Mau omed̶ebena Jesusba trʉ̃ jarasii Boanerges, mau trʉ̃ «bã warrarã» jara b̶uud̶eeba.

Hechos 11:30

Mau chi nejarr peped̶aad̶akare, Bernabé maud̶e Saulomaa urubʉisid̶au chi Judead̶ebena ijãabadaurã nubadaurã baita.

Hechos 12:25

Bernabeba maud̶e Sauloba Jerusalend̶e chi nejarra ãbarã baita dead̶aped̶a waya wãsid̶au. Juan, ara mau Marcos abadau, adoesid̶au.

Hechos 13:1

Ãbarã Antioquía puurud̶ebena tãed̶e Dachi Akõre baita berreabadaurã, maud̶e Cristo ʉ̃rʉbena jaradeabadaurã nureasii. Bernabé, Saulo, Lucio Cirened̶ebena maud̶e Simón b̶uasii. Simón trʉ̃ «Chi Parr» abachid̶au. Manaén sid̶a b̶uasii. Ichi Galilea druad̶ebena jaradea ua b̶uabarii Herodes ome ãbua warisii.

Hechos 13:15

Maabae chi mechiurãba chi Moisesba b̶ʉd̶a maud̶e Dachi Akõre baita berreabadaurãba b̶ʉped̶aad̶a jĩwa ed̶a jarasid̶au. Maabae Pablo maud̶e Bernabé akʉ panuumaa naka jarad̶e wãbiasid̶au: —Ãbarã, machiba dai aid̶ad̶ai baita bed̶ea jarad̶ai uru panuubʉrã, jarásturu.

Hechos 13:2

Earab̶a ãbarãba chiko kod̶akau ewari wau panuud̶e Dachi Mechiumaa biꞌia berrea panasid̶au. Maka panuud̶e Dachi Akõre Jauriba ãchimaa jarasii: «Bernabé maud̶e Saulo mʉʉba iusii. Maud̶eeba ãchi awara adáusturu chi mʉʉba waubia b̶uu waud̶amera».

Hechos 13:4

Ãchi Dachi Akõre Jauriba bʉikasiid̶eeba Seleucia puurud̶aa wãsid̶au. Maad̶akare jãbad̶e Chipre isla kub̶uud̶aa wãsid̶au.

Hechos 15:12

Bernabé maud̶e Pabloba nebʉrʉsid̶au Dachi Akõreba ẽbẽrarãba ne poyaa waud̶akau ãchid̶eeba judiowãerã tãed̶e waud̶a. Mauba kuitaabiasii ichi ãchi ome b̶uasii. Maud̶e jomaurãba chũpea ũri duanasid̶au.

Hechos 15:2

Maud̶eeba Pablo maud̶e Bernabeba ãchi ome ãrea kĩru berreasid̶au. Ãbarãba Pablo, Bernabé maud̶e chi nuree ijãabadaurã Jerusalend̶aa bʉisid̶au mau ʉ̃rʉbena ãbua berread̶amera chi Jesusba bʉid̶arã ome maud̶e ijãabadaurã nubadaurã ome.

Hechos 15:37

Maud̶e Bernabeba Juan Marcos ãchi ome adoe kʉ̃ria b̶uasii.

Hechos 15:39

Pablo Bernabé ome mau kakua kĩru kopanuuba berread̶aped̶a ãchi o kawa wãsid̶au. Bernabeba Marcos jʉrʉped̶a jãbad̶e Chipre druad̶aa adoesii.

Hechos 21:16

Waabenarã Jesusd̶e ijãabadaurã Cesarea puurud̶ebena dai baara wãsid̶au. Ãchiba ẽbẽra Nasón abadaumaa adoed̶aped̶a dai ichi ded̶e paneesid̶au. Mau Chipred̶ebena basii. Jesusd̶e ijãa b̶uu ãrea ba b̶uasii.

Hechos 21:3

Wãaduud̶e Chipre isla mechiu jua sordoare unusid̶au maamina Siria druare wãsid̶au, aria Tiro puurud̶e chi trajabadaurãba chi jãbad̶ebena chi ne adoeduu awara jirakuad̶ai panasid̶aud̶eeba.

Hechos 27:4

Maabae Sidond̶ebena wãsid̶aud̶e Chipre isla kaita wãsid̶au, chi pũatu kĩramaa pũatu b̶uasiid̶eeba.

Hechos 9:27

Maamina Bernabeba Saulo adoesii chi Jesusba bʉid̶arãmaa. Maabae ichiba nebʉrʉsii saka Sauloba Dachi Mechiu od̶e unusii, Dachi Mechiu ichi ome berread̶a maud̶e saka Sauloba Damasco puurud̶e Jesús ʉ̃rʉbena wapeawẽa berreabachii.

1 Corintios 14:3

Maamina chi Dachi Akõre baita berrea b̶uuba ẽbẽrarãmaa berrea b̶uu biꞌia ijãad̶amera, chaarea nuread̶amera maud̶e sõbia panad̶amera.

1 Corintios 9:6

Bernabeba, mʉa bid̶a Dachi Akõre bed̶ea jaradea nibad̶ad̶e awara traju waubadau ne uru panad̶ai baita. Maamina ¿waabenarã kĩra daiba jaradea panuud̶eeba ne adau panad̶ai panuuwãeka?

Gálatas 2:1

Año 14 bad̶akare mʉ Bernabé ome waya Jerusalend̶aa wãsii. Tito sid̶a wãsii.

Gálatas 2:13

Maud̶e waabenarã ãbarã judiorãba chi ãbarã judiowãerã ida b̶usid̶au Pedroba biawãrawãe wau b̶uu kĩra. Maka wau panuud̶eeba Bernabé bid̶a ara mau kĩra kachirua wausii.

Gálatas 2:9

Ãbarã chi mechiurã Santiagoba, Pedroba maud̶e Juanba kuitaasid̶au Dachi Akõreba ichi sõbiad̶eeba biawãra mʉ judiowãerãmaa bʉisii. Maud̶e ãchi mʉ ome maud̶e Bernabé ome jua deasid̶au kuitaabid̶ai baita arab̶au kʉ̃risia uru panuu. Ãchiba jarasid̶au daiba judiowãerãmaa jaradea panad̶ai, maud̶e ãchiba judiorãmaa jaradea panad̶ai.

Colosenses 4:10

Ãba Aristarco mʉ baara jʉ̃a uru panuu. Mauba jarabʉi b̶uu machi biꞌia panad̶ai. Bernabé niu Marcosba jarabʉi b̶uu machi biꞌia panad̶ai. Ichi ʉ̃rʉbena mʉʉba naed̶e kartad̶e b̶ʉsii. Mau machimaa wãaruubʉrã, deed̶aa iu biꞌia iústuru.