Hechos 4:27 - Emberá Chamí

²⁷ Ara mau kĩra nau puurud̶e Herodes, Poncio Pilato, judiowãerã maud̶e Israel puurud̶ebenarãba bed̶ea deasid̶au chi bichi baita bari trajabarii jipa nii Jesús bead̶ai baita. Bichiba ichi Dachi Mechiu b̶ud̶amina,

Hechos 4:27 ပူးပေါင်းရင်းမြစ်များ

Mateo 14:1

Mau ewarid̶e Herodes Galilea druad̶ebena chi jaradea ua b̶uabarii basii. Mau Herodesba Jesusba waud̶a ʉ̃rʉbena ũrisii.

Mateo 14:3

Herodesba mau jarasii Juan beabisiid̶eeba. Mau naka b̶uasii: Herodesba ara ichi ãba Felipe wẽra Herodías abadau adausii. Maamina Juanba ichimaa jarabachii: «Moisesba b̶ʉd̶ad̶e jara b̶uu bichi ãba wẽra adaubai b̶uu». Maud̶eeba Herodesba Juan jidaubiped̶a kaenaba jʉ̃biped̶a jʉ̃abadau ded̶e jʉ̃abisii.

Mateo 14:6

Herodes chi naweba adaud̶a ewari kĩrajʉʉ wau panuud̶e Herodías kau jomaurã daad̶e baerasii. Mauba Herodes ãrea kĩrajʉʉsii.

Mateo 21:28

Maka panuud̶e Jesusba paare mechiurãmaa, judiorã mechiurãmaa bid̶a jarasii: —Machiba nau nebʉrʉ ʉ̃rʉbena ¿saka kʉ̃risia panuma? Ẽbẽra b̶uasii. Mau ẽbẽraba warr ome uru b̶uasii. Ewari ab̶aud̶e chi naa b̶uumaa naka jarasii: “Warr, mʉ uva uu nub̶uud̶aa trajad̶e wãse”.

Mateo 23:37

»¡Jerusalén, Jerusalén, machiba Dachi Akõre baita berreabadaurã beabadau! ¡Dachi Akõreba bʉid̶arã sid̶a mooba b̶ata beabadau! Mʉʉba b̶es ãrea machi ãbua jʉrʉ adau kʉ̃ria b̶uasii eterr wẽraba ichi warrarã ikia ekare adaubarii kĩra. Maamina machiba kʉ̃riad̶aabasii.

Mateo 27:2

Maabae jʉ̃d̶aped̶a, Romad̶ebena ẽbẽra Poncio Pilato abadaumaa adoesid̶au. Mau Pilato Judea druad̶ebena jaradea ua b̶uabarii basii.

Marcos 10:33

—Ũrísturu, dachi Jerusalend̶aa wãaduu. Jamaria ab̶aba mʉ, chi Ẽbẽra Ba B̶uad̶a jidaubii paare mechiurãba maud̶e Moisesba b̶ʉd̶a jaradeabadaurãba jidaumera. Mʉ biui b̶uu jarad̶aped̶a judiowãerãmaa dead̶ai.

Marcos 15:31

Ara mau kĩra paare mechiurãba maud̶e Moisesba b̶ʉd̶a jaradeabadaurãba Jesús atua jajarabachid̶au: —Jãuba waabenarã karibasii, maamina ara ichi du ab̶a poyaa karibawẽe.

Lucas 1:35

Mau angelba panausii: —Dachi Akõre Jauri bichimaa neeped̶a chi poyaabarii bichi baara b̶uai. Maud̶eeba ichiba dea b̶uu warr bichiba adauruu Dachi Akõreba ichi Warr ai.

Lucas 22:63

Maabae Jesús jidau uru panuu ẽbẽrarãba mau atua jara kopaneesid̶au maud̶e sĩ kopaneesid̶au.

Lucas 23:1

Ara makʉd̶e joma chi araa ãbua duanuu judiorã mechiurã jiradud̶aped̶a Jesús Pilatomaa adoesid̶au.

Lucas 4:18

«Dachi Akõre Jauri mʉ ome b̶uu. Mauba mʉ b̶usii chi ne wãꞌãe nureerãmaa jaramera Dachi Akõreba ãchi karibai. Ichiba mʉ bʉisii chi kĩra nomaa nuree sõbia paneebiamera, jidau adoeped̶aad̶arã enatad̶ai jaramera, dau pãriu nureerã unubiamera, chi barau nuree juad̶e biꞌiwãe nuree juakaa adaud̶amera, maud̶e jaramera Dachi Mechiuba ẽbẽrarã ne bia waui ewari basii».

Lucas 9:22

Mau awara jarasii: —Mʉ, chi Ẽbẽra Ba B̶uad̶a ãrea biꞌiwãe b̶uai. Puurud̶ebena jaradea ua b̶uabadaurãba, paare mechiurãba maud̶e Moisesba b̶ʉd̶a jaradeabadaurãba mʉ ida b̶ud̶aped̶a beabid̶ai. Maamina mʉ ewari õbead̶e chokae jiradui.

Juan 1:11

Ichi druad̶ebenarãmaa neesii. Maud̶e ichi biꞌia irsibid̶aabasii.

Juan 10:36

¿sakãe mʉʉba ichi ʉ̃rʉbena kachirua jarasii a panuma, mʉʉba bari ichi Warr a b̶uasiid̶eeba? Dachi Akõreba mʉ ara ichi báitaburu awara b̶usii maud̶e nau iujãad̶aa bʉisii.

Juan 18:28

Maabae daped̶eed̶e Jesús Caifás ded̶ebena Romad̶ebena chi karr de mechiud̶aa adoesid̶au. Chi Jesús adoeped̶aad̶a judiorã mau de Pretorio abadaud̶e ed̶a wãd̶aabasii ãchimaarã ed̶a wãaduubʉrã Dachi Akõre daad̶e kachirua b̶uai b̶uud̶eeba. Ichi daad̶e biꞌia panad̶ai kʉ̃ria panasid̶au Pascua ewarid̶e chi chiko kod̶ai baita.

Juan 18:29

Maud̶eeba Pilato ãchimaa awara wãped̶a id̶isii: —Nau ẽbẽra, machiba kachirua jara panuuba ¿kãare kachirua wausma?

Juan 19:34

Maka b̶uud̶e kokoroaba Jesús orrd̶e miasuba susii biawãra biusii kuitaa. Ara makʉd̶e oa bania baara chesii.

Hechos 10:38

Mau ewarid̶e Dachi Akõreba ichi Jauri maud̶e ichi poyaabarii Jesús Nazaretd̶ebenamaa deasii. Dachi Akõre ichi ome b̶uasiid̶eeba Jesusba ne bia wau nibasii maud̶e ẽbẽrarã jʉbawãe niiba kachirua uru panuu joma aribiabiabachii.

Hechos 2:27

Mʉʉba kuitaa b̶uu bichiba mʉ biud̶arã panabadaud̶e nub̶uubai. Mʉ, chi bichi baita bari trajabarii jipa nii ida b̶eraabiibai.

Hechos 4:30

Bichi poyaabarii sid̶a dease chi ẽpermo nuree aribiabiad̶ai baita maud̶e bichi baita bari trajabarii jipa nii Jesús trʉ̃d̶eeba ẽbẽrarãba ne poyaa waud̶akau waud̶ai baita».

Hebreos 7:26

Dachi Paare Mechiu Jesusba ne jomad̶e dachi poyaa aid̶ai. Kachirua waukau, ne jomad̶e jipa nii. Dachi Akõreba mau biꞌia unu b̶uu. Kachirua waubadaurã tãed̶ebena awara b̶uped̶a bajãad̶e chi mechiu b̶usii.