Hechos 4:21 - Emberá Chamí

²¹ Maabae chi karrarã aria duanuuba maucha jarasid̶au maka jarabirãad̶amera. Ãchiba jidau panasmina kastikad̶ai baita, ẽbẽrarã kakua wapea duanuud̶eeba ida b̶usid̶au. Ẽbẽrarã joma Dachi Akõremaa biꞌia berreasid̶au,

Hechos 4:21 ပူးပေါင်းရင်းမြစ်များ

Mateo 15:31

Ẽbẽra aria panuurãba unusid̶au chi bosara nuread̶a berreaduu, chi jua morraa nuread̶a aribiaduu, jʉ̃rʉ nʉka nuread̶a biꞌia nibad̶eaduu maud̶e dau pãriu nuread̶a unu panuu. Jomaurãba kãare kʉ̃risiad̶ai adua panasid̶aud̶eeba israeld̶ebenarã Akõremaa biꞌia berreasid̶au.

Mateo 21:46

Maud̶eeba ãchiba Jesús jidau kʉ̃ria panasid̶au. Maamina puurud̶ebenarã wapea panuud̶eeba ida b̶usid̶au. Puurud̶ebenarãba kʉ̃risia panasid̶au Jesús Dachi Akõre baita berreabarii.

Mateo 26:5

Maamina jarasid̶au: —Bari panabadau ewarid̶e jidaud̶aabai ẽbẽrarã kĩrubid̶aabayua».

Mateo 9:33

Jesusba mau jai kachirua duabʉisiid̶e chi bosara nibad̶a berrea kob̶eesii. Mau unusid̶aud̶e, chi aria panad̶aba kãare kʉ̃risiad̶ai adua basiid̶eeba jarasid̶au: —¡Israeld̶e wabid̶a nau unud̶akau!

Mateo 9:8

Mau unusid̶aud̶e chi aria duanuu pera duanuu kĩra bara b̶eesii. Maamina Dachi Akõremaa bed̶ea bia berreasid̶au, ichiba chi poyaabarii ẽbẽramaa deasiid̶eeba, kakua kachirua panuu aribiabimera.

Lucas 13:17

Jesusba mau jarasiid̶e chi ichi ʉ̃rʉbena kachirua jara panuu ãrea perasid̶au, maamina ichiba ne kaebea bia wausiid̶eeba puurud̶ebenarã ãrea kĩrajʉʉ panasid̶au.

Lucas 20:19

Paare mechiurãba maud̶e Moisesba b̶ʉd̶a jaradeabadaurãba kuitaasid̶au Jesusba mau nebʉrʉ b̶uud̶eeba ãchi ʉ̃rʉbena berreasii. Maud̶eeba Jesús jidau kʉ̃ria panasid̶au. Maamina puurud̶ebenarã wapea panasid̶au.

Lucas 20:6

Maamina ẽbẽraba bʉisii aaduubʉrã, puurud̶ebenarãba dachi mokaraba b̶ata bead̶ai. Puurud̶ebenarãmaarã Juan Dachi Akõre baita berreabarii basii».

Lucas 22:2

Maud̶e paare mechiurãba maud̶e Moisesba b̶ʉd̶a jaradeabadaurãba Jesús bead̶ai baita kʉ̃risia jʉrʉ panasid̶au. Maamina puurud̶ebenarã wapea panuud̶eeba maarã daad̶e waud̶ai kʉ̃riawẽa panasid̶au.

Lucas 5:26

Mau unusid̶aud̶e joma pera duanuu kĩra duaneesid̶au. Maud̶eeba Dachi Akõre ãrea biꞌia jarasid̶au. Dachi Akõre wapead̶eeba jarasid̶au: —¡Id̶i biawãra ẽbẽrarãba ne poyaa waud̶akau mechiu unusid̶au!

Hechos 4:17

Maamina dachiba jarad̶ai ichi trʉ̃d̶eeba ab̶aumaa bid̶a waa berrearã́bad̶e ad̶ai, waabenarãba mau ʉ̃rʉbena ũrirãad̶amera».

Hechos 4:22

chi ẽbẽrarãba ne poyaa waud̶akauba aribiabisiid̶e, mau ẽbẽra 40 años wãyaa uru b̶uasiid̶eeba.

Hechos 5:13

Chi waabenarã wapeaba maarã baara araa ãbua imid̶akabasii. Maamina jomaurãba maarã ʉ̃rʉbena biꞌia berreabachid̶au.

Hechos 5:26

Ara makʉd̶e Dachi Akõre de mechiu nubadaurã chi jaradea ua b̶uabarii chi waabenarã nubadaurã baara jidaud̶e wãd̶aped̶a, wapeaba maarã kĩra jipa eneesid̶au, ẽbẽrarãba ãchimaa mokaraba b̶atad̶ai a kʉ̃risiasid̶aud̶eeba.

Hechos 5:40

Maabae Jesusba bʉid̶arã waya iusid̶au. Pebewad̶aped̶a, jarasid̶au waa Jesús trʉ̃d̶eeba ẽbẽrarãmaa berrearãad̶amera. Mau maad̶akare enatasid̶au.