Hechos 4:19 - Emberá Chamí

¹⁹ Maamina Pedroba maud̶e Juanba jarasid̶au: —Biꞌia kʉ̃risiásturu. ¿Biꞌia b̶uka Dachi Akõred̶e ijãad̶ai maebʉrã chi machiba jara panuu ijãad̶ai? Daimaarã biꞌia b̶uu Dachi Akõred̶e ijãad̶ai.

Hechos 4:19 ပူးပေါင်းရင်းမြစ်များ

Mateo 22:21

Ãchiba panausid̶au: —Romad̶ebena chi aude mechiu niid̶e. Maabae Jesusba jarasii: —Maka b̶uubʉrã deásturu Romad̶ebena chi aude mechiu niimaa chi mauba id̶iiruu, maud̶e ara mau kĩra deásturu Dachi Akõremaa chi mauba id̶iiruu.

Lucas 22:8

Maud̶eeba Jesusba Pedro maud̶e Juan bʉisiid̶e, naka jarasii: —Dachi Pascua ewarid̶e chi kobadau joma waud̶e wã́sturu.

Juan 7:24

Machiba unu panuu kakua kachirua berrearã́sturu, maumaarã arakʉd̶e berreásturu chi biawãra kuitaad̶aped̶a.

Hechos 4:13

Chi karrarãba Pedro maud̶e Juan wapeawẽa berrea panuu unusid̶aud̶e kuitaa kʉ̃risiad̶aabasii. Ãchiba kuitaa panasid̶au Pedro maud̶e Juan ãrea karta adua nuree. Mau awara kuitaasid̶au ãchi Jesús baara nibabachid̶au.

Hechos 5:28

—Naed̶e daiba ãrea jarasid̶au machiba jãu ẽbẽra trʉ̃d̶eeba waa jaradearãad̶amera. Maamina machiba joma Jerusalend̶ebenarãmaa jaradea panuu. Mau awara jãu ẽbẽra beaped̶aad̶a kakua, dai nebʉra baraasid̶au a jara kʉ̃ria panuu.

Hechos 5:29

Maud̶e Pedroba maud̶e chi waabenarã Jesusba bʉid̶arãba panausid̶au: —Ẽbẽrarãba jara panuu audeara Dachi Akõreba jara b̶uu ijãad̶ai panuu.

1 Corintios 10:15

Mʉʉba machimaa berrearuu kʉ̃risia kuitaa nureerãmaa berrearuu kĩra. Ãrea kʉ̃risiásturu mʉʉba jara b̶uu biawãra kuitaai.

2 Corintios 4:2

Ne joma kachirua ẽbẽrarãba mirubia waubadau maud̶e mia kĩra nejasia waubadau daiba ida b̶usid̶au. Waabenarã setaa kũruad̶akau. Dachi Akõre bed̶ea ãyaa jaradead̶akau, maumaarã chi biawãra bed̶ea arakʉd̶e jaradeabadau. Maka Dachi Akõre daad̶e jomaurãmaa kuitaabiabadau daiba jipa wau panuu.

Efesios 6:1

Warrarã, machi akõrerã bed̶ea ũribaba ũrísturu Dachi Mechiuba kʉ̃ria b̶uu kĩra, maka jipa b̶uud̶eeba.

1 Timoteo 2:3

Maka ʉtaa id̶i panad̶ai biꞌia b̶uu. Dachi Karibabarii Dachi Akõreba mau biꞌia unu b̶uu.

Hebreos 11:23

Moisés chi naweba adaud̶a ewarid̶e faraonba israeld̶ebenarã mukĩra warrarã joma kenabiasii. Maamina Moisés akõrerãba Dachi Akõred̶e ijãa panasiid̶eeba chi mauba jarad̶a wapead̶aabasii. Chi naweba Moisés adausiid̶e unusid̶au chi mau warr mipitaa nii. Mau bearãamera jed̶ako õbea miru uru panasid̶au.