Hechos 4:17 - Emberá Chamí

¹⁷ Maamina dachiba jarad̶ai ichi trʉ̃d̶eeba ab̶aumaa bid̶a waa berrearã́bad̶e ad̶ai, waabenarãba mau ʉ̃rʉbena ũrirãad̶amera».

Hechos 4:17 ပူးပေါင်းရင်းမြစ်များ

Mateo 27:64

Maud̶eeba chi jau b̶ubadau ewari õbead̶aa biꞌia nubiáse ichi baara nibabadaurãba ẽsabud̶e need̶aped̶a chi mau adoerãad̶amera. Maka maarãba poyaa jarad̶aabai puurud̶ebenarãmaa chi mau biu b̶uad̶a chokae jiradusii. Maarãba mau chokae jiradusii aaduubʉrã, mau setad̶eeba aude mau puuru bia setaa kũrua uru panad̶ai.

Mateo 9:30

Ara makʉd̶e unu kopaneesid̶au. Maabae Jesusba kĩrud̶eeba jarasii mau ʉ̃rʉbena ab̶aumaa bid̶a nebʉrʉrãad̶amera.

Juan 15:21

Machi mʉ kakua maka waud̶ai ãchiba chi mʉ Bʉid̶a adua panuud̶eeba.

Hechos 4:21

Maabae chi karrarã aria duanuuba maucha jarasid̶au maka jarabirãad̶amera. Ãchiba jidau panasmina kastikad̶ai baita, ẽbẽrarã kakua wapea duanuud̶eeba ida b̶usid̶au. Ẽbẽrarã joma Dachi Akõremaa biꞌia berreasid̶au,

Hechos 5:24

Mau ũrisid̶aud̶e, Dachi Akõre de mechiu nubadaurã chi jaradea ua b̶uabariiba maud̶e chi paare mechiurãba kãare kʉ̃risiad̶ai adua basii maud̶e jãabae kãare sãaima chiya maka a id̶isid̶au.

Hechos 5:28

—Naed̶e daiba ãrea jarasid̶au machiba jãu ẽbẽra trʉ̃d̶eeba waa jaradearãad̶amera. Maamina machiba joma Jerusalend̶ebenarãmaa jaradea panuu. Mau awara jãu ẽbẽra beaped̶aad̶a kakua, dai nebʉra baraasid̶au a jara kʉ̃ria panuu.

Efesios 6:9

Ara mau maka, machi chi chibarirã bid̶a chi machi baita bari trajabadaurã biꞌia wáusturu. Ãchi iadaad̶ai arã́sturu. Kĩrabásturu chi maarã Chibari bajãad̶ebena ara machi Chibaribʉ. Ichiba joma arab̶aud̶e ichiabarii.

1 Tesalonicenses 1:8

Maarãburu Dachi Mechiu ʉ̃rʉbena bed̶ea machid̶ebena ũriped̶aad̶awãe basii; maumaarã druacha ẽbẽrarãba kuitaasid̶au machiba Dachi Akõred̶e ijãa panuu. Maud̶eeba ¿daiba machi ʉ̃rʉbena kãare maucha jarad̶aima?

1 Pedro 2:23

Ẽbẽrarãba ichi kachirua jarasid̶aud̶e ichiba ãchimaa kachirua jaraabasii. Ichi kachirua wausid̶aud̶e ichiba waya ãchi kachirua waui a jaraabasii. Maumaarã Dachi Akõreba nebʉra jipa ichiabariid̶eeba ichi kachirua wau panuu Dachi Akõre juad̶e b̶ubachii.