Hechos 28:16 - Emberá Chamí

¹⁶ Roma puurud̶e neesid̶aud̶e chi jʉ̃a duanuu kokoroarã jaradea ua b̶uabarii juad̶e duanusii. Ichiba Pablo du ab̶a ichi ded̶e ida b̶eebisii. Kokoroa ab̶a b̶usii ichi nu b̶uamera.

Hechos 28:16 ပူးပေါင်းရင်းမြစ်များ

Hechos 18:2

Aria judio Aquila abadau unusii. Mau Aquila Ponto druad̶ebena basii. Chi kima Priscila ome Italia druad̶ebena neeped̶aad̶a b̶aꞌãra ba b̶uasii. Italiad̶ebena nee panasii, Romad̶ebena chi karr Claudioba joma judiorã Romad̶e nuree duabʉikasiid̶eeba. Corintod̶e Pablo ãchimaa wãsii ãchi kĩra paru de wau kuitaa b̶uud̶eeba. Maabae ãchi baara b̶eesii ãbua trajai baita.

Hechos 19:21

Mau maad̶akare Pabloba ichi sõd̶e kʉ̃risiasii Macedonia druad̶e maud̶e Acaya druad̶e nibaped̶a Jerusalén puurud̶aa wãi. Maud̶e jarasii: «Jerusalend̶e b̶uaped̶a mʉ Roma puurud̶aa wãi b̶uu».

Hechos 2:10

Frigiad̶ebena, Panfiliad̶ebena, Egiptod̶ebena, Libia druad̶e Cirene puuru kaitad̶ebena maud̶e Romad̶ebena nama panuu. Dachi chi judiorã maud̶e chi griegorã judiorã kĩra panabadaurã nama panuu.

Hechos 23:11

Mau ẽsabud̶e Dachi Mechiu Pablomaa unubiped̶a naka jarasii: «Pablo, kĩrajʉʉse. Mʉ ʉ̃rʉbena nama Jerusalend̶e berread̶a kĩra Roma puurud̶e bid̶a berreai b̶uu».

Hechos 24:23

Maabae ichiba kokoroarã chi jaradea ua b̶uabariimaa Pablo nubisii, maamina jarasii chi Pabloba wau kʉ̃ria b̶uu ida waubimera. Maud̶e ida b̶usii Pablo kõpaerorãba ichi aid̶ad̶e need̶amera.

Hechos 27:3

Norema Sidón puurud̶e neesid̶au. Maud̶e Julioba ichi sõbiad̶eeba Pablo ichi kõpaerorãmaa ida wãbisii maarãba ichi irsibid̶amera.

Hechos 27:31

Maamina Pabloba kokoroarã jaradea ua b̶uabariimaa maud̶e ichi kokoroarãmaa jarasii: «Jãarã jãba mechiud̶e paneeduuwãebʉrã machi kinid̶ai».

Hechos 27:43

Maamina kokoroarã jaradea ua b̶uabariiba Pablo karibai kʉ̃ria b̶uasii. Maud̶eeba ida kenabiabasii, maumaarã joma chi ũu kuitaa nuree naa mard̶e wãbiakuasii ibud̶aa ũu wãd̶amera.

Apocalipsis 17:18

Chi bichiba unud̶a wẽra aud̶uabarii puuru mechiu jara b̶uu. Mau puurud̶ebena reyba drua jomad̶ebena reyrã ichi juad̶e ua b̶uu».

Apocalipsis 17:9

»Chi bichiba unud̶a kauwa ũrii baita chi kuitaa ãrea nibai. Chi 7 boro, 7 ea jara b̶uu. Chi wẽra aud̶uabarii mau 7 ea ʉ̃rʉ akʉ b̶uu.