Hechos 27:34 - Emberá Chamí

³⁴ Mʉʉba chi chuburia id̶iiruu kod̶amera. Maka chi kakua meserãa nuread̶ai poyaa nibad̶ai baita. Ab̶a bid̶a biubai».

Hechos 27:34 ပူးပေါင်းရင်းမြစ်များ

Mateo 10:30

Maud̶e Dachi Akõreba kuitaa b̶uu machiba bud̶a sãabe uru panuu.

Mateo 15:32

Maka panuud̶e Jesusba ichi baara nibabadaurã iukuaped̶a jarasii: —Mʉʉba nau ẽbẽrarã kĩra chuburia b̶uu, mʉ baara panuu ewari õbea baaruud̶eeba. Ãchiba kod̶ai wãꞌãesii. Mʉʉba jãarã ãchi deed̶aa kod̶awẽa wãd̶ai kʉ̃riawẽe. Mʉʉba bari ara jãka wãd̶ai ida b̶uuruubʉrã od̶e wawa did̶id̶ai.

Lucas 12:7

Mau awara Dachi Akõreba kuitaa b̶uu machiba bud̶a sãabe uru panuu. Dachi Akõre baita machi ibana ãrea audeara biꞌia nureed̶eeba wapead̶awẽa panásturu.

Lucas 21:18

Maamina machi jauri mʉʉba ewaricha ãrea nu uru b̶uai.

Hechos 27:33

Ewarimaa b̶uud̶e Pabloba jomaurãmaa jarasii kod̶amera: «Dachi sakad̶ai adua panuud̶eeba misa ome baaruu machi kod̶awẽa panuu.

Filipenses 2:5

Jesucristoba kʉ̃risia b̶uad̶a kĩra kʉ̃risiásturu:

1 Timoteo 5:23

Bichi barikia kakua kachirua b̶uabariid̶eeba baníaturu dorã́se. Maumaarã uva b̶aa sid̶a bichi b̶i baita b̶istĩika dose.