Hechos 27:17 - Emberá Chamí

¹⁷ Mau jãba kaebeu ʉtaa jira adaud̶aped̶a, chi jãba mechiu ekare jʉ̃karaba bʉra jʉ̃sid̶au, toapebiimaaba. Mau awara wapea panasid̶au, mard̶e ibu ʉ̃rʉ Sirte abadaumare wãd̶ai. Maud̶eeba chi bela ed̶aa adaud̶aped̶a nub̶usid̶au maabae chi pũatumaa ida adoebisid̶au.

Hechos 27:17 ပူးပေါင်းရင်းမြစ်များ

Hechos 27:16

Cauda isla wãyaa wãsid̶aud̶e, chi pũatu ãrea pũatuubasii. Maud̶e chi jãba kaebeu doed̶a jʉ̃ nub̶uad̶a, poyaa jirad̶aabai panuud̶e, ʉtaa jirasid̶au.

Hechos 27:26

Maamina barikia isla ibud̶aa wãd̶ai panuu».

Hechos 27:29

Moomaa trʉd̶e wãd̶ai wapead̶eeba, ancla kimare chi jãba ãdawaare taa bʉikasid̶au. Maabae ãrea perad̶eeba id̶i panasid̶au isa ewarimera.

Hechos 27:40

Maud̶eeba ancla jʉ̃kara tõokuad̶aped̶a mard̶e joma b̶ʉisid̶au. Maud̶e chi jãba pʉrra adoebarii jʉ̃ b̶uad̶a enasid̶au. Maabae kũd̶ebena vela ʉtʉ eab̶ari nub̶usid̶au pũatuba ibud̶aa adoemera.

Hechos 27:41

Maamina chi jãba ibu ara ʉ̃rʉ b̶uud̶eeba drʉ nub̶uad̶e wãsii. Chi jãba kũ ibud̶e ãrea troa nub̶eesii, ãyaa poyaa wãi karaa. Maabae chi mar ʉ̃rapeba chi ãdawaarebena toawãsii.