Hechos 26:29 - Emberá Chamí

²⁹ Pabloba jarasii: —Mʉʉba Dachi Akõremaa ʉtaa id̶i b̶uu kãꞌãabariwãed̶e maebʉrã ewari ãread̶e bichi maud̶e joma chi mʉ bed̶ea ũri panuu, mʉ kĩra panad̶amera, maamina nau kaenawãe.

Hechos 26:29 ပူးပေါင်းရင်းမြစ်များ

Juan 5:34

Mʉʉba jʉrʉwẽa b̶uu ẽbẽraba mʉ ʉ̃rʉbena berreamera. Maamina Juanba mʉ ʉ̃rʉbena jarad̶a mʉa bid̶a machimaa jara b̶uu karibad̶amera.

Hechos 12:6

Herodesba chi Pedro nebʉra jarai naed̶e, mau ẽsabud̶e Pedro kokoroarã ome panuu ẽsa kãi b̶uasii. Kaena omeeba jʉ̃ b̶uasii. Chi jʉ̃abadaumare poraa chi nuree kokoroarãba nu panasid̶au.

Hechos 21:33

Kokoroa chi aude mechiu araa neesiid̶e, Pablo jidauped̶a kaena omeeba jʉ̃bisii. Maabae ẽbẽrarã pĩchua imi nub̶uumaa id̶isii Pablo kai maud̶e kãare wausii kuitaai.

Hechos 25:14

Ãchi aria panuu ãrea basiid̶eeba Festoba Agripamaa Pablo ʉ̃rʉbena naka jarasii: —Felixba ab̶a jʉ̃a b̶uu b̶ʉid̶a nama b̶uu.

Romanos 10:1

Ãbarã, mʉʉba sõd̶eeba kʉ̃ria b̶uu Dachi Akõreba israeld̶ebenarã karibai. Maud̶eeba mʉʉba ichimaa ʉtaa id̶i b̶uabarii.

1 Corintios 4:8

Dachi Akõred̶eeba adau kʉ̃ria panad̶a machiba joma uru panuu abadau. Dachi Akõreba dea b̶uu ãrea uru panuu abadau. Dai ida b̶ud̶aped̶a machi du ab̶a chi mechiurã paneed̶ai a kʉ̃risia panuu. Maamina makawãema. Machi biawãra chi mechiurã paneed̶a basirã biꞌia b̶uai basii. Makara dai sid̶a machi ome ãbua chi mechiurã paneed̶ai basii.

1 Corintios 7:7

Mʉʉmaarã, biꞌia b̶uai jomaurã mʉ kĩra du nuread̶ai. Maamina Dachi Akõreba dachicha saka nuread̶ai deasii. Dachi Akõreba chi nureemaa du nuread̶ai dea b̶uu. Maud̶e chi nureemaa kima adaud̶ai dea b̶uu.

2 Corintios 11:1

Mʉ kʉ̃risiaswãe nii kĩra berrea b̶umina kʉ̃ria b̶uu machiba dauchia jãadua panad̶ai. Mʉ chi chuburia id̶iiruu mʉʉba jaraaruu ũrísturu.

Efesios 6:20

Cristoba mʉ bʉisii mau bed̶ea jaradeamera. Jaradea b̶uu kakua mʉ jʉ̃a uru panuu. Dachi Akõremaa ʉtaa id̶ísturu mʉʉba mau bed̶ea bia ʉ̃rʉbena wapeawẽa berreai baita mʉʉba maka waui b̶uud̶eeba.

Colosenses 1:28

Joma kʉ̃risia kuitaad̶ebena daiba Cristo ʉ̃rʉbena jomaurãmaa jaradea panuu jipa nibad̶amera. Maka daiba ẽbẽrarã joma Cristod̶eeba jomad̶e jipa panuu Dachi Akõremaa unubiad̶ai.