Hechos 26:24 - Emberá Chamí

²⁴ Pabloba wabid̶a mau jaramaa b̶uud̶e, Festo kĩru berreasii: —Pablo, bichi kĩranema b̶uu, karta ãrea kuitaasiid̶eeba.

Hechos 26:24 ပူးပေါင်းရင်းမြစ်များ

Marcos 3:21

Jesús ãbarãba mau kuitaasid̶aud̶e ichi adoed̶ai baita neesid̶au ichi kĩranema b̶uu a jarasid̶aud̶eeba.

Juan 7:15

Maka b̶uud̶e judiorã aria duanuu kʉ̃risia bia baraa bara b̶eesii maabae id̶isid̶au: «¿Sakaburu nau ẽbẽraba ãrea kuitaa nima, Dachi Akõre bed̶ea kawad̶awãe niikaud̶e waabenarã kĩra?»

Juan 8:48

Maabae judiorãba Jesusmaa jarasid̶au: —¿Bichi Samariad̶ebenawãeka maud̶e jai kachirua uru b̶uu? ¿Daiba arakʉd̶e jarad̶awẽa panuka?

Juan 8:52

Maud̶e judiorãba Jesusmaa jarasid̶au: —Jãabáeburu daiba kuitaaduu bichiba jai kachirua bichi kakuad̶e uru b̶uu. Abraham biusii. Joma Dachi Akõre baita berreabadaurã sid̶a biusid̶au, maamina bichiba jara b̶uu: “Chi mʉ bed̶ea ijãa nii biukaraa nibai”.

Hechos 17:32

Mau biu b̶uad̶a chokae jiradubid̶a ʉ̃rʉbena ũrisid̶aud̶e chi nureerãba ʉisid̶au. Maamina waabenarãba jarasid̶au: —Jãad̶akare bichiba mau ʉ̃rʉbena berrea b̶uu waya ũrid̶ai.

Hechos 22:1

Pabloba jarasii: «Ãbarã maud̶e chõrarã, ũrísturu. Ara mʉ ʉ̃rʉbena jaraaruu».

Hechos 24:25

Maka b̶uud̶e Pabloba dachi jipa nibai ʉ̃rʉbena, kakua jipa uru b̶uai ʉ̃rʉbena maud̶e Dachi Akõreba nebʉra kastikai ewari neei ʉ̃rʉbena berreasii. Felixba mau ʉ̃rʉbena ũrisiid̶e wapeaped̶a naka jarasii: «Jãabae wãse. Mʉ bari b̶uud̶e waya bichi iui».

Hechos 24:27

Maka b̶uu año ome wãyaasii. Mau maad̶akare Félix neei bad̶a june neesii chi mechiu b̶uai baita. Mau Porcio Festo abadau. Maamina mauba judiorã ome biꞌia b̶uai kʉ̃ria b̶uasiid̶eeba, Pablo jʉ̃a b̶ʉisii.

Hechos 26:11

Judiorã araa ãbua imibadau decha mʉʉba ãchi biꞌiwãe panabiabachii. B̶es ãrea ãchimaa Jesús ʉ̃rʉbena kachirua berreabiasii. Mʉʉba maarã joma kĩramaa b̶uasiid̶eeba ãibena druad̶ebena puurud̶e bid̶a jʉrʉ nibabachii.

1 Corintios 1:23

Maamina daiba Cristo cruzd̶e biud̶a jaradea panuu. Mau bed̶ea judiorãba biꞌia ũrid̶akau. Judiowãerãba mau biꞌiwãe b̶uu kʉ̃risiabadau.

1 Corintios 4:10

Ẽbẽrarãmaarã dai Cristo baita ne adua nuree maud̶e meserãaswãe nuree. Maamina machi Cristo ome panuud̶eeba chi ne kuitaa nuree abadau maud̶e chi meserãa nuree abadau. Ẽbẽrarãba machi ʉ̃rʉbena biꞌia berrea panuu, maamina dai ida b̶u panuu.

2 Corintios 5:13

Waabenarãba jara panuu dai kĩranema nuree. Dai kĩranema panuubʉrã, Dachi Akõreba jara b̶uu waud̶ai baita maka panuu. Dai kĩrabia panuubʉrã, machi aid̶ad̶ai baita maka panuu.

2 Timoteo 3:15

Warraed̶e Dachi Akõre Bed̶ea kuitaasii. Mau Bed̶eaba bichimaa kuitaabi b̶uu ab̶auba Cristod̶e ijãaruubʉrã Dachi Akõreba mau karibai.