Hechos 26:13 - Emberá Chamí

¹³ Maamina, mʉ rey, od̶e wãsiid̶e ãsa baaruud̶e mʉ maud̶e chi mʉ baara wãaduurãba bajãad̶ebena ʉ̃d̶aaruu unusid̶au. Mau ʉ̃d̶aa ʉmada aude ted̶echoasii.

Hechos 26:13 ပူးပေါင်းရင်းမြစ်များ

Mateo 17:2

Aria ãchi daad̶e Jesús kĩra awara did̶isii. Ichi kĩedarr ʉmada kĩra ted̶echoa did̶isii maud̶e ichi paru ʉ̃d̶aa kĩra torroa did̶isii.

Hechos 22:6

»Maamina Damasco puurud̶e neeruud̶e ʉmada jipa baaruud̶e bajãad̶ebena mʉ ad̶u ãrea ʉ̃d̶aa puri chebiwãsii.

Hechos 22:9

Chi mʉ ome nibaped̶aad̶aba mau ʉ̃d̶aa ted̶echoaruu unusid̶aud̶e perasid̶au, maamina chi mʉ ome berrearuu ũrid̶aabasii.

Hechos 26:12

»Ewari ab̶a paare mechiurãba mʉ Damasco puurud̶aa bʉisid̶au ãchi trʉ̃d̶eeba Jesusd̶e ijãabadaurã jidaud̶akad̶amera.

Hechos 26:14

Joma dai jeed̶a b̶aesid̶au. Maud̶e mʉʉba mimi ũrisii. Mau mimiba mʉʉmaa hebreo bed̶ead̶e naka jarasii: “Saulo, Saulo, ¿sakãe mʉ kachirua waui baita wãraa b̶uma? Chi subariimaa ʉ̃rʉ tʉaruud̶e, bichi ara du ab̶a puꞌuai”.

Hechos 9:3

Sauloba mau karta adoeped̶a wãsii. Damasco puuru kaita neeruud̶e maka b̶uud̶e bajãad̶ebena ichi ad̶u ʉ̃d̶aa puri chebiwãsii.

Apocalipsis 1:16

Ichi jua biare pusterrea 7 uru b̶uasii. Ichi okarrd̶ebena espada kid̶a muriacha peed̶ea era b̶uu neesii. Ichi kĩedarr ʉmada ted̶echoa kĩra b̶uasii.

Apocalipsis 21:23

Ʉmadaswãe, jed̶akoswãe mau puuru ʉ̃d̶aa nub̶uabarii Dachi Akõre kĩrawãreaba maud̶e Oeja Kaebe Niiba ʉ̃d̶aa b̶uuba.