Hechos 25:23 - Emberá Chamí

²³ Norema Agripa Berenice ome chi juez ded̶e ed̶a wãsid̶aud̶e paru bia jʉ̃ panasid̶au. Maud̶e kokoroarã mechiurã maud̶e puurud̶ebena chi mechiurã ed̶a wãurisid̶au. Maabae Festoba Pablo eneebisii.

Hechos 25:23 ပူးပေါင်းရင်းမြစ်များ

Marcos 6:21

Kaad̶aa Herodiasba Juan saka beabii kuitaasii. Naka b̶uasii: chi jaradea ua b̶uabarii Herodes chi naweba adaud̶a ewari neesiid̶e chiko kobadau ãrea waubiasii. Ichid̶irã chi mechiurã, chi kokoroarã jaradea ua b̶uabadaurã maud̶e Galilea druad̶ebena chi mechiu nuree iukuasii ichi baara kod̶amera.

Hechos 12:21

Herodesba ewari jarad̶a neesiid̶e, ichi paru bia jʉ̃ped̶a, chi rey ãkaud̶e sĩu b̶uad̶e wãped̶a maabae puurud̶ebenarãmaa berreamaa b̶eesii.

Hechos 25:13

Mau maad̶akare judiorã rey Agripa ichi neekau Berenice ome Cesarea puurud̶aa Festo ichiad̶e wãsid̶au.

Hechos 26:30

Maka jarasiid̶e Agripa, Festo, Berenice maud̶e joma aria akʉ b̶ee jiradusid̶au.

Hechos 9:15

Maamina Dachi Mechiuba jarasii: —Wãse. Mʉʉba ichi jʉrʉ adausii mʉ ʉ̃rʉbena berreamera judiowãerãmaa, ãchi reyrãmaa maud̶e israeld̶ebenarãmaa.

1 Corintios 7:31

Chi nau iujãa dachiba unu panuu joma wãꞌãemaa b̶uud̶eeba chi ne barau nureeba ne barauwãe nuree kĩra kʉ̃risia nuread̶ai panuu.

Santiago 1:11

Ʉmada neeruud̶e pisiaba nepono kidua bʉʉbarii. Maabae chi nepono b̶aeped̶a chi mipitaa wãꞌãebarii. Ara mau kĩra ẽbẽra barau nii ewaricha chi nejarra adaui baita b̶uu biui.

1 Pedro 1:24

Dachi Akõre bed̶ead̶e naka b̶ʉ kub̶uu: «Jomaurã sirua kĩra nureebʉ. Ãchi mipitaa nepono kĩra nuree. Sirua poaped̶a chi nepono b̶aebarii.

1 Juan 2:16

Nau iujãad̶ebena kachirua naubʉ: dachi kakuaba kachirua wau kʉ̃ria b̶uabarii, dachi dauba unu panuu kʉ̃ria panabadau, maud̶e dachiba uru panuu kakua maebʉrã wau panuu kakua ara dachi waabenarã audeara aude nuree kʉ̃risia panad̶ai. Joma mau Dachi Bajãad̶ebena Akõred̶ebenawãe, maumaarã nau iujãad̶ebenabʉ.