Hechos 25:2 - Emberá Chamí

² Aria paare mechiurã maud̶e judiorã mechiurãba Festomaa Pablo jideasid̶au.

Hechos 25:2 ပူးပေါင်းရင်းမြစ်များ

Hechos 24:1

Ewari jua ab̶a bad̶akare paare mechiu Ananias chi nuree judiorã chõrarã baara Cesarea puurud̶e neesid̶au. Chi aid̶a berreabarii Tértulo adoesid̶au, mauba Félix daad̶e chi Pablo jideamera.

Hechos 25:15

Mʉ Jerusalend̶aa wã b̶uasiid̶e paare mechiurãba maud̶e judiorã mechiurãba mau ẽbẽra jidead̶aped̶a jarasid̶au ichi beamera.

Hechos 25:24

Festoba jarasii: —Rey Agripa maud̶e joma ẽbẽrarã nama dai ome ãbua panuu, cha b̶uu ẽbẽra machi daad̶e b̶uu joma judiorãba Jerusalend̶e maud̶e nau Cesarea puurud̶e bid̶a mau jidea panuu. Ãchiba mʉʉmaa b̶ia jara panasid̶au ichi beamera.

Hechos 28:17

Ewari õbea basiid̶e Pabloba Romad̶ebena judiorã chi mechiurã iubiasii. Joma imisid̶aud̶e Pabloba jarasii: —Ãbarã, mʉ ab̶au bid̶a dachi judiorãmaa biꞌiwãe wau b̶uasmina, maud̶e dachi nabẽraed̶ebenarãba waubadau kachirua berreawẽa b̶uasmina, mʉ Jerusalend̶e jʉ̃a b̶ud̶aped̶a, maabae romad̶ebenarã juad̶e b̶usid̶au.

1 Tesalonicenses 2:16

Dachi Akõreba karibamera daiba judiowãerãmaa jaradea kʉ̃ria panuud̶e, maarãba daiba jaradead̶ai ida kabid̶aabasii. Maka aude kachirua wau panuud̶eeba Dachi Akõreba ichi oa kachiruad̶eeba maarã ãrea kastikai.