Hechos 25:12 - Emberá Chamí

¹² Maud̶e Festo chi ichimaa kʉ̃risia deabadaurã ome berreaped̶a Pablomaa jarasii: —Bichiba kʉ̃ria b̶uu Romad̶ebena chi aude mechiuba bichi nebʉra ichiai. Maka b̶uubʉrã, ichimaa bʉi.

Hechos 25:12 ပူးပေါင်းရင်းမြစ်များ

Mateo 22:17

Maka b̶uubʉrã daimaa jarase, Romad̶ebena baita chi nejarra paai b̶uu ¿dachi judiorãba paad̶ai b̶uka maebʉrã ¿biꞌiwãe b̶uka?

Hechos 19:21

Mau maad̶akare Pabloba ichi sõd̶e kʉ̃risiasii Macedonia druad̶e maud̶e Acaya druad̶e nibaped̶a Jerusalén puurud̶aa wãi. Maud̶e jarasii: «Jerusalend̶e b̶uaped̶a mʉ Roma puurud̶aa wãi b̶uu».

Hechos 23:11

Mau ẽsabud̶e Dachi Mechiu Pablomaa unubiped̶a naka jarasii: «Pablo, kĩrajʉʉse. Mʉ ʉ̃rʉbena nama Jerusalend̶e berread̶a kĩra Roma puurud̶e bid̶a berreai b̶uu».

Hechos 25:11

Mʉʉba kachirua waud̶a basirã, bichiba mʉ beai basii. Maamina naarã ẽbẽrarãba mʉ jidea panuu biawãrawãed̶eeba, ab̶au bid̶a mʉ ãchi juad̶e b̶uubai b̶uu. Maud̶eeba mʉʉba kʉ̃ria b̶uu Romad̶ebena chi aude mechiuba mʉ nebʉra ichiamera.

Hechos 25:13

Mau maad̶akare judiorã rey Agripa ichi neekau Berenice ome Cesarea puurud̶aa Festo ichiad̶e wãsid̶au.

Hechos 25:21

Maamina ichiba kʉ̃ria b̶uasii Romad̶ebena chi aude mechiu niiba ichi nebʉra ichiamera. Maud̶eeba mʉʉba ichi nama jʉ̃abisii ab̶a chi maumaa bʉiruud̶aa.

Hechos 26:32

Maabae Agripaba Festomaa jarasii: —Jãu ẽbẽraba Romad̶ebena chi aude mechiumaa ichi nebʉra ʉ̃rʉbena id̶id̶aa basirã, bichiba ichi poyaa wãbii basii.

Hechos 27:1

Mau ewarid̶e chi jaradea ua b̶uabariiba dai Italia druad̶aa wãd̶ai panuu a jaraped̶a Pablo maud̶e chi nuree jʉ̃a b̶uped̶aad̶a Julio juad̶e b̶usii. Mau Julio kokoroarã Augusto abadaud̶ebena chi jaradea ua b̶uabarii basii.

Hechos 28:16

Roma puurud̶e neesid̶aud̶e chi jʉ̃a duanuu kokoroarã jaradea ua b̶uabarii juad̶e duanusii. Ichiba Pablo du ab̶a ichi ded̶e ida b̶eebisii. Kokoroa ab̶a b̶usii ichi nu b̶uamera.

Filipenses 1:20

Cristo kakua mʉ ne ab̶a bid̶a nejasiai kʉ̃riawẽa b̶uu, maumaarã ichi ʉ̃rʉbena berreai baita kĩra nejasiaswãe b̶uai kʉ̃ria b̶uu. Maka mʉʉba jomaurãmaa Cristo chi mechiu nii kuitaabiai, ewaricha wau b̶uabarii kĩra. Chokae b̶eeruubʉrã maebʉrã biuruubʉrã, mʉʉba kʉ̃ria b̶uu jomaurãba mʉʉd̶eeba kuitaad̶ai Cristo chi mechiu nii.