Hechos 24:5 - Emberá Chamí

⁵ Daiba kuitaa panuu nau ẽbẽraba nebʉra wau b̶uabarii. Ichiba joma nau druad̶e judiorã kĩrubika b̶uabiabarii. Ichi nazarenod̶ebenarã chi jaradea ua b̶uabariibʉ.

Hechos 24:5 ပူးပေါင်းရင်းမြစ်များ

Mateo 2:23

Aria baaruud̶e Nazaret puurud̶e b̶uad̶e wãsii. Joma makasii Dachi Akõre baita berreabadaurã jaraped̶aad̶a kĩra: “Ichi Nazaretd̶ebena ad̶ai”.

Marcos 1:24

—¡Jesús Nazaretd̶ebena! ¡Dai ida b̶use! ¿Dai kenad̶e neeska? Mʉʉba kuitaa b̶uu bichi kai: ¡Bichi Dachi Akõreba bʉid̶a!

Lucas 23:19

Mau Barrabás jʉ̃a uru panasii puuru kĩrubikabid̶a kakua maud̶e mia bead̶a kakua.

Lucas 23:2

Maabae Jesús Pilato daad̶e naka jidea kopaneesid̶au: —Daiba ũrisid̶au nau mukĩraba dai puuru kĩrubikabi b̶uu. Mau Jesusmaarã, Romad̶ebena chi aude mechiu nii baita pebadau chi nejarra paad̶aabai b̶uu. Mau awara jara b̶uu ichi Dachi Akõreba chi Karibabarii deai jarad̶a. Mauba ichi jomaurã rey a b̶uu.

Lucas 23:25

Barrabasba puurud̶ebenarã kĩrubikabid̶amina maud̶e mia bead̶amina Pilatoba mau chi jʉ̃abadau ded̶ebena enatasii ẽbẽrarãba id̶isid̶aud̶eeba. Maabae ãchiba kʉ̃ria panuu kĩra Jesús makabiasii.

Lucas 23:5

Maamina waya jara kopaneesid̶au: —Jãuba jaradea b̶uuba dai judiorã kĩrubikabi b̶uu. Nau Galilea druad̶e maka wausii maud̶e nau puurud̶e bid̶a maka wau b̶uu.

Hechos 15:5

Maamina chi nuree fariseorã Jesusd̶e ijãabadaurãba jiradud̶aped̶a jarasid̶au: —Joma ãbarã judiowãerã mukĩra chi kakua tõod̶ai panuu. Ãchimaa jaradead̶ai panuu Moisesba b̶ʉd̶a waud̶amera.

Hechos 21:28

Maud̶e jĩwa jara panasid̶au: «¡Israeld̶ebenarã, dai aid̶ásturu! Nau ẽbẽraba druacha jaradea b̶uu dachi israeld̶ebenarã, Moisesba b̶ʉd̶a maud̶e Dachi Akõre de mechiu sid̶a kachirua b̶eei. ¡Mau awara griegorã Dachi Akõre de mechiu ed̶a adoesii! ¡Ichiba nau de ab̶aburu Dachi Akõre baita b̶uu kachirua b̶eebisii!»

Hechos 22:22

Pabloba jara b̶uu judiorãba chũpea ũri duanasid̶au. Maamina Dachi Mechiuba ichi judiowãerãmaa bʉii asiid̶e, b̶ia bara b̶eesid̶au: «¡Jãu ẽbẽra nibaabai b̶uu! ¡Beásturu!»

Hechos 24:14

Maamina mʉʉba bichimaa naka jaraaruu: mʉʉba Dachi Akõre nabẽraed̶ebenarãd̶e ijãa b̶uu. Mʉ chi O Wid̶i abadaud̶ebenabʉ. Ãchiba mau O Wid̶i seta b̶uu abadau, maamina mʉʉba Moisesba b̶ʉd̶a maud̶e Dachi Akõre baita berreabadaurãba b̶ʉped̶aad̶a joma ijãa b̶uu.

Hechos 24:4

Maamina waa ãrea jaraamaaba, michuburia id̶iiruu bichi sõbia niid̶eeba, dai bed̶ea ũrimera.

Hechos 25:7

Pablo adoesid̶aud̶e judiorã Jerusalend̶ebena neeped̶aad̶aba ichi ad̶u jũrasid̶au. Maud̶e ichi jideasid̶au maamina poyaa kuitaabiad̶aabasii chi ãchiba jara panuu biawãra b̶uu.

Hechos 26:5

Ãchiba kuitaa panuu mʉ fariseo nii. Barikiuba mau bichi daad̶e jara kʉ̃ria b̶uubʉrã mau jarai b̶uu. Bichiba kuitaa b̶uu Moisesba b̶ʉd̶a waud̶ai baita fariseorãba kauwa waubadau.

Hechos 28:22

Maamina daiba kuitaa panuu joma druacha mau kʉ̃risia wid̶i ʉ̃rʉbena kachirua berrea panuu. Maud̶eeba ũri kʉ̃ria panuu bichiba saka kʉ̃risia b̶uu.

Hechos 5:17

Chi paare mechiuba maud̶e saduceorã chi ichi baara duanad̶aba chi Jesusba bʉid̶arã jiwaa kopaneesid̶au.

Hechos 6:13

Maud̶e waabenarã ẽbẽrarã araa adoesid̶au setaa jarad̶amera. Maarãba naka jarasid̶au: «Jãu ẽbẽraba Dachi Akõre de mechiu biꞌia b̶uu ʉ̃rʉbena maud̶e chi Moisesba b̶ʉd̶a ʉ̃rʉbena kachirua berrea b̶uabarii.

1 Corintios 11:19

Biawãra machi kʉ̃risia aꞌawaraa panuud̶eeba unubid̶ai kairã Dachi Akõreba biꞌia unu b̶uu.

1 Corintios 4:13

Setad̶eeba daimaa kachirua jaraaduud̶e bed̶ea biad̶eeba panaubadau. Id̶ibaed̶aa ẽbẽrarãba dai nejarr kĩra unubadau maud̶e ne miadaa kĩra unubadau.

1 Pedro 2:19

B̶esed̶e biꞌia wau b̶uud̶eeba dachi ãrea biꞌiwãe panabadau. Maamina Dachi Akõreba dachi biꞌiwãe panuu kuitaa b̶uu. Dachiba mau ʉ̃rʉbena kʉ̃risiaduud̶e, mau joma dauchia jãadua panuubʉrã, Ichiba biꞌia unui.