Hechos 24:27 - Emberá Chamí

²⁷ Maka b̶uu año ome wãyaasii. Mau maad̶akare Félix neei bad̶a june neesii chi mechiu b̶uai baita. Mau Porcio Festo abadau. Maamina mauba judiorã ome biꞌia b̶uai kʉ̃ria b̶uasiid̶eeba, Pablo jʉ̃a b̶ʉisii.

Hechos 24:27 ပူးပေါင်းရင်းမြစ်များ

Marcos 15:15

Pilato ẽbẽrarã ome kachirua b̶eebayua, Barrabás enatasii. Maamina Jesús pebiped̶a kokoroarãmaa deasii cruzd̶e jirab̶u bead̶amera.

Hechos 12:3

Herodesba unusii judiorã mau kakua kĩrajʉʉsid̶au. Maud̶eeba Pedro sid̶a jidaubisii. Maka wausii pan ẽesãabibariiwãe kobadau ewarid̶e.

Hechos 25:1

Festo mau druad̶aa neeped̶a chi mechiu bai baita, ewari õbea baaruud̶e, Cesarea puurud̶ebena Jerusalend̶aa wãsii.

Hechos 25:14

Ãchi aria panuu ãrea basiid̶eeba Festoba Agripamaa Pablo ʉ̃rʉbena naka jarasii: —Felixba ab̶a jʉ̃a b̶uu b̶ʉid̶a nama b̶uu.

Hechos 25:4

Maamina Festoba panausii: —Pablo Cesarea puurud̶e jʉ̃a b̶uu. Mʉ kãꞌãabariwãed̶e araa wãi.

Hechos 25:9

Maamina Festo judiorã ome biꞌia b̶eei kʉ̃ria b̶uud̶eeba Pablomaa id̶isii: —¿Bichi Jerusalend̶aa wãi kʉ̃ria b̶uka mʉʉba jamaria bichi nebʉra ichiamera?

Hechos 26:32

Maabae Agripaba Festomaa jarasii: —Jãu ẽbẽraba Romad̶ebena chi aude mechiumaa ichi nebʉra ʉ̃rʉbena id̶id̶aa basirã, bichiba ichi poyaa wãbii basii.

Hechos 28:30

Mau maad̶akare Pablo año ome Romad̶e b̶uasii. Chi de chibarimaa chi nejarra deabachii aria b̶uai baita. Chi ichi ichiad̶e wãaduu joma biꞌia irsibibachii.

Gálatas 1:10

Maka jara b̶uud̶eeba mʉʉba jʉrʉwẽa b̶uu ẽbẽrarãba mʉ biꞌia unud̶amera, maumaarã kʉ̃ria b̶uu Dachi Akõréburu mʉ biꞌia unumera. Cristod̶e ijãai naed̶e mʉʉba jʉrʉ b̶uabachii ẽbẽrarãba mʉ biꞌia unud̶amera. Wabid̶a maka wau b̶uasirã, mʉ Cristo baita bari trajabarii b̶uabai basii.