Hechos 24:25 - Emberá Chamí

²⁵ Maka b̶uud̶e Pabloba dachi jipa nibai ʉ̃rʉbena, kakua jipa uru b̶uai ʉ̃rʉbena maud̶e Dachi Akõreba nebʉra kastikai ewari neei ʉ̃rʉbena berreasii. Felixba mau ʉ̃rʉbena ũrisiid̶e wapeaped̶a naka jarasii: «Jãabae wãse. Mʉ bari b̶uud̶e waya bichi iui».

Hechos 24:25 ပူးပေါင်းရင်းမြစ်များ

Mateo 22:5

Maamina ichiba iud̶arãba ijãad̶aabasii. Ab̶a ichi pead̶aa wãsii. Maud̶e ab̶a ichiba nedod̶okabariimaa wãsii.

Juan 16:8

Dachi Akõre Jauri neeruud̶e nau iujãad̶ebenarãmaa kuitaabiai kai chi kachirua waubarii, kai chi jipa nii maud̶e kai nebʉra wauped̶a nii. Kuitaabiai ãchiba joma mau arakʉd̶e kʉ̃risiad̶awẽa panuu.

Hechos 10:42

Jesusba dai bʉisii joma ẽbẽrarãmaa naka jarad̶amera: Dachi Akõreba ichi b̶usii chi chokae nuree maud̶e biuped̶aad̶a ãchi juez b̶uamera.

Hechos 17:13

Maumisa judiorã Tesalónica puurud̶ebenarãba kuitaasid̶au Pabloba Dachi Akõre bed̶ea Berea puurud̶e jaradea b̶uu. Maud̶eeba araa wãsid̶aud̶e arabenarã kĩrubikabiasid̶au kachirua waud̶amera.

Hechos 17:2

Pabloba waubarii kĩra chi judiorã araa ãbua imibadau deemaa wãsii. Misad̶e õbea bari panabadau ewaricha ãchi ome bed̶ea b̶uabachii.

Hechos 17:32

Mau biu b̶uad̶a chokae jiradubid̶a ʉ̃rʉbena ũrisid̶aud̶e chi nureerãba ʉisid̶au. Maamina waabenarãba jarasid̶au: —Jãad̶akare bichiba mau ʉ̃rʉbena berrea b̶uu waya ũrid̶ai.

Hechos 2:37

Mau ũrisid̶aud̶e joma ãchi sõd̶e ãrea kʉ̃risia baraa duaneesid̶au. Maud̶eeba ãchiba Pedromaa maud̶e chi waabenarã Jesusba bʉid̶arãmaa id̶isid̶au: —Ãbarã, ¿kãare waud̶ai panuma?

Hechos 24:15

Chi naarã judiorãba esed̶au panuu chi jipa nuree maud̶e chi jipawãe nuree biuped̶aad̶a Dachi Akõreba joma chokae jiradubiai. Mʉa bid̶a mau esed̶au b̶uu.

Hechos 24:26

Felixba kʉ̃risia b̶uasii Pabloba ichimaa chi nejarra deai ewa bʉimera. Maud̶eeba akabichia Pablo iubachii mau ome berreai baita.

Hechos 26:28

Agripaba Pablomaa jarasii: —¿Bichiba ara naka mʉ Cristod̶e ijãabii kʉ̃ria b̶uka?

Hechos 9:6

Jiraduped̶a Damasco puurud̶aa wãse. Jamaria ab̶auba jarai bichiba kãare waui b̶uu.

Romanos 12:1

Mauba ãbarã, Dachi Akõreba machi kĩra chuburiasiid̶eeba, mʉʉba machimaa chi chuburia id̶iiruu ara machi Dachi Akõremaa dead̶amera, ãnimara baa deabadau kĩra. Mau ãnimara biud̶a audeara, ichi baita biꞌia panásturu machi biꞌia unumera.

Romanos 14:12

Maka dachicha wauped̶aad̶a Dachi Akõremaa joma jarad̶ai.

Romanos 2:16

Jomaurãba chi ãchi sõd̶e mera uru panuu Dachi Akõreba nebʉra ichiai ewarid̶e Jesucristod̶eeba mau ichiai. Mʉʉba chi bed̶ea bia jaradea b̶uu kĩra ara maka b̶uai.

1 Corintios 4:5

Maud̶eeba ichiba nebʉra ichiai ewari naed̶e dachiba jarad̶aabai panuu ichi traju wau b̶uuba jipa wau b̶uu maebʉrã jipa wauwẽa b̶uu. Dachi Mechiu neeruud̶e dachi sõd̶e kʉ̃risia b̶uad̶a maud̶e ne joma dachi sõd̶e miru nuread̶a kuitaabii. Dachi Akõréburu dachicha biꞌia jarai dachiba biꞌia wauped̶aad̶a kĩra.

2 Corintios 5:10

Biawãra Cristoba joma dachiba wauped̶aad̶a ichiai. Ichiba dachicha deai dachiba nau kakuad̶e wau b̶uad̶a kĩra. Biꞌia wau b̶uasiibʉrã, ara mau kĩra deai. Kachirua wau b̶uasiibʉrã, ara mau kĩra deai.

2 Corintios 6:2

Dachi Akõre bed̶ead̶e naka jara b̶uu: «Chi mʉʉba karibai baita b̶ud̶a ewarid̶e bichiba id̶id̶a mʉʉba ũrisii. Mau ewarid̶e mʉʉba bichi karibasii». Mʉʉba biawãra jaraaruu: Mau ewari neesii. Id̶i Dachi Akõreba dachi karibabarii.

Gálatas 3:22

Maamina Dachi Akõre bed̶ead̶e b̶ʉ kub̶uu kachiruaba jomaurã jʉ̃a uru b̶uu. Maka Jesucristoba ichi Akõreba jarad̶a wausiid̶eeba, chi ichid̶e ijãaduurãba mau Dachi Akõreba deai jarad̶a adaud̶ai.

Gálatas 5:23

waabenarã audeara biꞌia nuree kʉ̃risiad̶akau maud̶e dachi kakua jipa uru nureabadau. Mau ley wãꞌãe, joma mau jarad̶a «kachirua» ai baita.

2 Timoteo 4:1

Jesucristo neei ichid̶irã ichi juad̶e ua b̶uai baita. Maud̶e ẽbẽrarã chokae nuree maud̶e biuped̶aad̶a nebʉra ichiai. Maud̶eeba Jesucristo daad̶e maud̶e Dachi Akõre daad̶e mʉʉba nau bed̶ea jaraaruu bichiba waumera:

Tito 1:8

Maumaarã ichi ded̶e needuu sõbiad̶eeba urúbad̶e ad̶ai b̶uu, ne joma biꞌia wau kʉ̃ria nibai b̶uu, kʉ̃risia sõbiad̶eeba b̶uai b̶uu, jipa b̶uai b̶uu, Dachi Akõre baita b̶uai b̶uu, maud̶e ara ichi kakua jipa uru b̶uai b̶uu.

Hebreos 12:21

Israeld̶ebenarãba ichiamaa panuu ãrea kachirua b̶uud̶eeba Moisesba naka jarasii: «Wapeaba mʉ kakua urimaa b̶uu».

Hebreos 3:13

Wabid̶a ãyadaa b̶uud̶eed̶e ewaricha chiya aid̶a panásturu biꞌia ijãad̶ai baita. Maka ab̶a bid̶a kachiruaba setaa kũruaped̶a sõ chaarea nureabai.

Hebreos 4:1

Dachi Akõreba biawãra jara b̶uu dachi wabid̶a ichiba kʉrrjĩrubiaimaa poyaa wãd̶ai panuu. Maamina kauwa panásturu. Makawãebʉrã machid̶ebena ab̶a bid̶a aria wãabai.

Hebreos 9:27

Joma b̶es ab̶aburu biud̶ai. Mau maad̶akare Dachi Akõreba nebʉra ichiai.

Santiago 2:19

Bichiba ijãa b̶uu Dachi Akõre ab̶aburu nii. ¡Ãrea biꞌia b̶uu! Jai kachiruarã bid̶a maka ijãa panuu, maamina Dachi Akõre wapeaba uribadau.

1 Pedro 3:15

Cristo machi Mechiud̶eeba, sõd̶eeba mau wapeásturu. Chi Cristod̶e adaud̶ai baita esed̶au panuud̶eeba mau ʉ̃rʉbena berread̶ayu panásturu. Maka ab̶auba id̶iiruubʉrã, poyaa ijarra berread̶awẽa arakʉd̶e panaud̶ai.

2 Pedro 1:6

kʉ̃risia kuitaa panuud̶e jʉrʉ́sturu machi kakua kĩra jipa nuread̶ai baita; machi kakua kĩra jipa panuud̶e jʉrʉ́sturu joma jãaduad̶ai baita; joma jãadua panuud̶e jʉrʉ́sturu Dachi Akõreba kʉ̃ria b̶uu kĩra nuread̶ai baita;

1 Juan 3:10

Naud̶eeba dachiba kuitaa panuu kairã Dachi Akõre warrarã maud̶e kairã jʉbawãe nii warrarã. Chi jipa wauwẽa b̶uu Dachi Akõre warrwãe. Maud̶e chi ichi ãba kʉ̃riawẽa b̶uu Dachi Akõre warrwãe.

1 Juan 3:7

Mʉ warrarã, ab̶aumaa ida setaa kũruabiarã́sturu. Chi jipa wau b̶uu Dachi Akõre daad̶e jipa nii, Cristo jipa nii kĩra.