Hechos 24:24 - Emberá Chamí

²⁴ Mau maad̶akare Félix chi wẽra Drusila ome waya neesii. Mau wẽra judio basii. Maud̶e Felixba Pablo iusii ichiba Jesucristod̶e ijãad̶ai ʉ̃rʉbena berrea b̶uu ũrii baita.

Hechos 24:24 ပူးပေါင်းရင်းမြစ်များ

Marcos 6:20

Herodesba Juan wapea b̶uasii, mau ẽbẽra jipa nii maud̶e Dachi Akõre baita nii kuitaa b̶uasiid̶eeba. Maud̶eeba Juan nu uru b̶uasii. Maud̶e Juanba jaradea b̶uu ũrii kʉ̃ria b̶uabachimina ãrea apiid̶aubachii.

Lucas 19:3

Mauba Jesús unui kʉ̃ria b̶uasii. Maamina mau ẽbẽra kakatua nibasiid̶eeba poyaa unuubai b̶uasii ẽbẽrarã ãread̶eeba.

Lucas 23:8

Jesús trʉ̃ poa b̶uud̶eeba ãrea ba b̶uasii Herodesba ichi unu kʉ̃ria b̶uu. Maud̶eeba Jesús unusiid̶e ãrea kĩrajʉʉsii. Ichiba unu kʉ̃ria b̶uasii Jesusba wauruu ẽbẽrarãba ne poyaa waud̶akau.

Hechos 16:31

Ãchiba panausid̶au: —Bichiba maud̶e bichi ded̶ebenarãba Dachi Mechiu Jesucristo ijãaduubʉrã, ichiba machi karibai.

Hechos 20:21

Judiorãmaa maud̶e judiowãerãmaa mʉʉba jarasii kachirua waubadau ida b̶ud̶aped̶a Dachi Akõremaa need̶amera maud̶e Dachi Mechiu Jesucristod̶e ijãad̶amera.

Hechos 24:25

Maka b̶uud̶e Pabloba dachi jipa nibai ʉ̃rʉbena, kakua jipa uru b̶uai ʉ̃rʉbena maud̶e Dachi Akõreba nebʉra kastikai ewari neei ʉ̃rʉbena berreasii. Felixba mau ʉ̃rʉbena ũrisiid̶e wapeaped̶a naka jarasii: «Jãabae wãse. Mʉ bari b̶uud̶e waya bichi iui».

Hechos 26:22

Maamina mau ewarid̶ebena Dachi Akõreba mʉ aid̶a b̶uabariid̶eeba, chi mechiurãmaa maud̶e chi mechiuwãerãmaa wabid̶a Jesús ʉ̃rʉbena berrea b̶uu. Dachi Akõre baita berreabadaurãba jaraped̶aad̶a maud̶e Moisesba kãare makai b̶ʉd̶a mʉʉba mau jara b̶uu.

Gálatas 2:16

Maamina dachiba kuitaa panuu Dachi Akõreba ab̶a bid̶a b̶uwẽe chi jipa nuree baara, mau Moisesba b̶ʉd̶a wau b̶uud̶eeba. Maumaarã Jesucristoba mau Moisesba b̶ʉd̶a kĩra joma wausiid̶eeba, Dachi Akõreba dachi b̶ubarii chi jipa nuree baara. Maud̶eeba dachia bid̶a Jesucristod̶e ijãasid̶au maud̶e Jesucristod̶e ijãa b̶u kakua maka chi ichid̶irã jipa nuree baara duanubarii, ichiba mau b̶ʉd̶a kĩra joma waud̶a kakua. Biawãra Moisesba b̶ʉd̶a wau panuud̶eeba Dachi Akõreba dachi b̶ukau chi jipa nuree baara.

Gálatas 2:20

Mʉ Cristo ome cruzd̶e ãbua jirab̶usid̶au. Maud̶eeba ara mʉʉd̶eeba b̶uwãema, maumaarã Cristo mʉ sõd̶e b̶uu. Nau kakuad̶e chokae b̶uumisa mʉ Dachi Akõre Warr Jesusd̶eeba nibai. Ara mau Jesús, Dachi Akõreba waubi b̶uu wausiid̶eeba, mʉ kʉ̃riasii maud̶e mʉ kakua ichi ida beabisii.

Gálatas 3:2

Mʉʉba nau machimaa id̶iiruu: Dachi Akõre Jauri irsibisid̶aud̶e ¿machiba chi Moisesba b̶ʉd̶a wau panasid̶aka? Maebʉrã ¿chi bed̶ea Jesús ʉ̃rʉbena ũriped̶aad̶a ijãasid̶aka?

1 Juan 5:1

Jesús Dachi Akõreba Dachi Karibabarii deai jarad̶a ab̶auba ijãaruubʉrã, mau ẽbẽra Dachi Akõre warrbʉ. Dachi Bajãad̶ebena Akõre kʉ̃ria b̶uuba ichi warrarã sid̶a kʉ̃ria b̶uu.

Judas 1:3

Ãbarã, mʉʉba nau kartad̶e Dachi Akõreba dachi karibad̶a ʉ̃rʉbena b̶ʉ kʉ̃ria b̶uasii. Maamina mʉ baita, bibuara b̶uu jãabae b̶ʉi kauwa panad̶amera. Chi machiba ijãa panuu ab̶aumaa ida ãyaa jaradeabirã́sturu. Dachi Akõreba chi biawãra bed̶ea ichi ẽbẽrarãmaa b̶es ab̶aburu deasii. Diware deakau.

Apocalipsis 14:12

Maud̶eeba ẽbẽrarã Dachi Akõred̶erã ãrea dauchia jãadua panad̶ai panuu. Jesusd̶e ãrea ijãad̶aped̶a, ichiba waubi b̶uu bed̶ea ũribaba panad̶ai panuu.