Hechos 24:22 - Emberá Chamí

²² Felixba chi O Wid̶i ʉ̃rʉbena ãrea kuitaa b̶uasiid̶eeba Pablo nebʉra ichiai ida b̶ud̶auped̶a, naka jarasii: —Kokoroarã mechiu Lisias neeruud̶e mʉʉba machi nebʉra ichiai.

Hechos 24:22 ပူးပေါင်းရင်းမြစ်များ

Mateo 2:7

Maabae Herodesba pusterrearã kuitaabadaurã mirubia iukuasii. Ãchimaa id̶isii chi pusterrea sakaed̶e unusid̶au chi wãwa adaud̶a ewari kuitaad̶ai baita. Maud̶e chi ewari jarasid̶au.

Hechos 18:20

Ãchiba maumaa chi chuburia id̶isid̶au aria ãchi baara maucha ãrea b̶eemera, maamina b̶ee kʉ̃riabasii.

Hechos 19:40

Mau id̶i wauped̶aad̶a kakua Romad̶ebenarãba poyaa jarad̶ai daiba kĩrubikabiad̶ai panuu. Jãarãba sakãe maka wausid̶ama a id̶iiduubʉrã ¿saka panaud̶aima?»

Hechos 24:10

Maabae chi mechiuba juaba Pablomaa jarasii berreamera. Ara makʉd̶e Pabloba jarasii: —Mʉʉba kuitaa b̶uu bichi año ãrea nau druad̶ebena juez nii. Maud̶eeba mʉ ara mʉ ʉ̃rʉbena kĩrajʉʉ berrearuu.

Hechos 24:14

Maamina mʉʉba bichimaa naka jaraaruu: mʉʉba Dachi Akõre nabẽraed̶ebenarãd̶e ijãa b̶uu. Mʉ chi O Wid̶i abadaud̶ebenabʉ. Ãchiba mau O Wid̶i seta b̶uu abadau, maamina mʉʉba Moisesba b̶ʉd̶a maud̶e Dachi Akõre baita berreabadaurãba b̶ʉped̶aad̶a joma ijãa b̶uu.

Hechos 24:24

Mau maad̶akare Félix chi wẽra Drusila ome waya neesii. Mau wẽra judio basii. Maud̶e Felixba Pablo iusii ichiba Jesucristod̶e ijãad̶ai ʉ̃rʉbena berrea b̶uu ũrii baita.

Hechos 24:6

Mau awara Dachi Akõre de mechiud̶e chi daiba waud̶aabai panuu, mau ichiba waui kʉ̃riasii. Maud̶eeba daiba ichi jidausid̶au. [Moisesba b̶ʉd̶ad̶e jara b̶uu kĩra kastikad̶ai basii.

Hechos 25:26

Maamina mʉʉba biawãra kuitaawẽe kãare b̶ʉi ichi nebʉra ʉ̃rʉbena, chi aude mechiuba mau kuitaamera. Maud̶eeba ichi machi daad̶e eneebisii. Judiorã rey Agripa, mʉʉba kʉ̃ria b̶uu bichiaburu biꞌia ũrii. Maka machiba ichimaa ãrea id̶id̶aped̶a mʉʉba dachi aude mechiu baita ichiba kachirua waud̶a poyaa kartad̶e b̶ʉi.

Hechos 26:3

Bichiba ãrea kuitaa b̶uu dachi judiorã saka nureabadau maud̶e kĩra awara berreabadau. Maud̶eeba chi chuburia id̶iiruu mʉ bed̶ea kakua ãkaawẽa ũrimera.