Hechos 24:16 - Emberá Chamí

¹⁶ Maud̶eeba mʉʉba ne joma waubarii Dachi Akõre daad̶e maud̶e ẽbẽrarã daad̶e jipa nibai baita.

Hechos 24:16 ပူးပေါင်းရင်းမြစ်များ

Hechos 23:1

Pabloba judiorã karrarãmaa ichiaped̶a jarasii: —Mʉ ãbarã, mʉ jirukaraayuwãe b̶uu kuitaa b̶uud̶eeba id̶i bid̶a Dachi Akõre daad̶e biꞌia niba.

Romanos 2:15

Ara ãchiba wau panuud̶eeba unubia panuu mau Moisesba b̶ʉd̶ad̶e jara b̶uu sõd̶eeba kuitaa panuu. Ãchi kʉ̃risiad̶e kuitaa panuu biꞌia wauduud̶e jirukaraayuwãe panabadau. Maumaarã kachirua wauduud̶e, kĩra nomaa panabadau.

Romanos 9:1

Mʉ Cristod̶ed̶eeba biawãra jaraaruu. Setawãema. Dachi Akõre Jauriba mʉ sõd̶e nau bed̶ea biawãra arakʉd̶e kuitaabi b̶uu.

1 Corintios 10:32

Machiba wau panuud̶eeba judiorã, judiowãerã maud̶e ẽbẽrarã Dachi Akõred̶erã kachiruad̶e b̶aebirã́sturu.

1 Corintios 4:4

Mʉʉba ne ab̶a bid̶a biꞌiwãe wauwẽa b̶uu kuitaa b̶umina mauba jarawẽa b̶uu mʉʉba joma jipa wausii. Dachi Mechiúburu kuitaa jarai.

2 Corintios 1:12

Nau kakua kĩrajʉʉ panuu: daiba kuitaa panuu sõ jipa panuud̶eeba, kʉ̃risia biad̶eeba nau iujãad̶ebenarã tãed̶e, maud̶e machi tãed̶e biꞌia nibaped̶aad̶a. Mau sõ jipa b̶uai maud̶e kʉ̃risia bia Dachi Akõred̶ebenabʉ. Dai nau iujãad̶ebena kʉ̃risia kuitaad̶eeba maka nibad̶akau, maumaarã Dachi Akõreba ichi sõbiad̶eeba aid̶a b̶uud̶eeba maka nibabadau.

2 Corintios 4:2

Ne joma kachirua ẽbẽrarãba mirubia waubadau maud̶e mia kĩra nejasia waubadau daiba ida b̶usid̶au. Waabenarã setaa kũruad̶akau. Dachi Akõre bed̶ea ãyaa jaradead̶akau, maumaarã chi biawãra bed̶ea arakʉd̶e jaradeabadau. Maka Dachi Akõre daad̶e jomaurãmaa kuitaabiabadau daiba jipa wau panuu.

1 Tesalonicenses 2:10

Machiba kuitaa panuu maud̶e Dachi Akõreba kuitaa b̶uu dai machi chi Cristod̶e ijãabadaurã tãed̶e biꞌia, jipa maud̶e kachirua jarad̶ayuswãe nibasid̶au.

1 Timoteo 1:5

Mʉʉba maka jara b̶uu ãbarã kʉ̃risia sõbiad̶eeba, biawãra Dachi Akõred̶e ijãa panuud̶eeba chiya kʉ̃ria duanad̶amera.

1 Timoteo 3:9

Dachiba ijãa panuu bed̶ea Dachi Akõreba kuitaabiad̶a, kʉ̃risia biad̶eeba ãrea nud̶ai panuu.

2 Timoteo 1:3

Ãyadaa maud̶e ẽsabud̶e mʉʉba Dachi Akõremaa ʉtaa id̶iiruud̶e bichi baita ichíturu kid̶ibai abarii. Dachi Akõreba jara b̶uu mʉʉba waubarii, mʉ kʉ̃risiad̶e nebʉraswãe b̶uud̶eeba, mʉ nabẽrarãba maka wauped̶aad̶a kĩra.

Tito 1:15

Dachi Akõre daad̶e chi bia nuree baita ne joma Dachi Akõre daad̶e bia b̶uu. Maamina Dachi Akõred̶e ijãad̶akaurã baita ne ab̶a bid̶a biꞌiwãe b̶uu. Ãchiba kachirua kʉ̃risiabadau maud̶e ãchi sõd̶e nebʉra barauwãe nuree abadau.

Hebreos 10:22

Cristoba dachi kʉ̃risia kachirua panad̶a jipa b̶usii dachi sõ ichi oaba jĩtod̶okaaruu kĩra. Dachi Akõre daad̶e biꞌia duanuu dachi kakua bania pawãraaba jeraad̶a kĩra. Maud̶eeba kʉ̃risia ab̶ad̶eeba maud̶e biawãra ijãa panuud̶eeba wãd̶ai panuu.

Hebreos 13:18

Dai baita Dachi Akõremaa ʉtaa id̶ísturu. Dai ne jomad̶e jipa nibad̶ai kʉ̃ria panuu maud̶e kuitaa panuu kachirua waud̶awẽa panuu.

Hebreos 9:14

Maka baibʉrã, ¿Cristo oaba dachi biꞌia b̶uwẽka? Cristo kachiruaswãe nibasii. Dachi Akõre Jauri biukauba karibasiid̶eeba ara ichi ida beabisii ãnimara Dachi Akõremaa baa dearuu kĩra. Kachirua wau panuu kakua dachi biud̶ai panasid̶au. Maamina Cristoba ara ichi ida beabisiid̶eeba dachiba kachirua wauped̶aad̶a Dachi Akõreba perdonaped̶a dachi kʉ̃risia jipa b̶usii. Maka chi Dachi Akõre chokae niiba kʉ̃ria b̶uu, mau dachiba poyaa waud̶ai.

1 Pedro 2:19

B̶esed̶e biꞌia wau b̶uud̶eeba dachi ãrea biꞌiwãe panabadau. Maamina Dachi Akõreba dachi biꞌiwãe panuu kuitaa b̶uu. Dachiba mau ʉ̃rʉbena kʉ̃risiaduud̶e, mau joma dauchia jãadua panuubʉrã, Ichiba biꞌia unui.

1 Pedro 3:16

Ara machi du ab̶a kuitaa panásturu kachirua waud̶awẽa nuree. Maka machi Cristo kakua biꞌia nibabadau ʉ̃rʉbena kachirua berreabadaurã perad̶ai.

1 Pedro 3:21

Mau baniaba nau ʉ̃raud̶e boro eabadau ʉ̃rʉbena jara b̶uu. Boro eaduud̶e Jesucristo chokae jiradusiid̶eeba dachi kariba b̶uu. Boro earuuba dachi kakua jayoa jeraakau, maumaarã maka waubadau dachi kʉ̃risia jipa b̶uuba, biawãra Dachi Akõre ome nibad̶ai kʉ̃ria panuud̶eeba.