Hechos 24:11 - Emberá Chamí

¹¹ 12 ewari basii mʉ Jerusalend̶aa wã b̶uad̶a Dachi Akõremaa biꞌia berreai baita. Bichiba barikiamaa id̶iiruu kuitaai mau biawãra b̶uu.

Hechos 24:11 ပူးပေါင်းရင်းမြစ်များ

Hechos 21:18

Norema Pablo dai ome Santiago ichiad̶e wãsid̶au. Ãbarã nubadaurã sid̶a joma aria duanasid̶au.

Hechos 22:30

Norema kokoroa chi aude mechiuba wabid̶a kuitaa kʉ̃ria b̶uasii sakãe judiorãba Pablo jidea panasid̶au. Maud̶eeba ichi kaenaba jʉ̃ b̶uad̶a ena b̶usii. Maabae ichiba joma paare mechiurã maud̶e judiorã mechiurã araa ãbua imibiasii. Maud̶e Pablo adoeped̶a ãchi daad̶e b̶usii.

Hechos 23:11

Mau ẽsabud̶e Dachi Mechiu Pablomaa unubiped̶a naka jarasii: «Pablo, kĩrajʉʉse. Mʉ ʉ̃rʉbena nama Jerusalend̶e berread̶a kĩra Roma puurud̶e bid̶a berreai b̶uu».

Hechos 23:23

Maabae kokoroarã mechiuba chi jaradea ua b̶uabadau ome iuped̶a maabae jarasii: —Jʉrʉ adause, 200 kokoroarã, 70 kokoroarã murad̶e wãbadaurã maud̶e 200 miasuba tĩubadaurã, maabae nau ẽsabud̶e las 9d̶e Cesarea puurud̶aa wã́sturu.

Hechos 24:1

Ewari jua ab̶a bad̶akare paare mechiu Ananias chi nuree judiorã chõrarã baara Cesarea puurud̶e neesid̶au. Chi aid̶a berreabarii Tértulo adoesid̶au, mauba Félix daad̶e chi Pablo jideamera.

Hechos 24:17

»Mʉ Jerusalend̶ebena ãyaa wãd̶a año ãrea bad̶akare, waya araa neesii, chi mʉ puurud̶ebenarã chi nejarr barauwãe nureemaa chi nejarra deai baita maud̶e Dachi Akõremaa ãnimara baa deai baita.