Hechos 23:6 - Emberá Chamí

⁶ Maka b̶uud̶e Pabloba kuitaasii chi mechiurã waabenarã saduceorã, waabenarã fariseorã. Maud̶eeba ãchimaa jĩwa jarasii: —Ãbarã, mʉ fariseobʉ. Mʉ nabẽraed̶ebenarã fariseorã basii. Maud̶eeba ijãa b̶uu biud̶arã chokae jiradud̶ai. Maud̶eeba waabenarãba mʉ kastika kʉ̃ria panuu.

Hechos 23:6 ပူးပေါင်းရင်းမြစ်များ

Mateo 10:16

»Mʉʉba machi ẽbẽra kachirua tãed̶e bʉikaaruu. Ãchiba machi kachirua waud̶ai usa kachiruaba oejarã orrabarii kĩra. Maud̶eeba ãchi tãed̶e panuud̶e dama kĩra kʉ̃risia kauwa nibásturu, maamina paloma kĩra ʉmʉmʉrʉa nibásturu.

Mateo 22:23

Ara mau ewarid̶e waabenarã saduceorã Jesusmaa neesid̶au. Saduceorãba jarabadau biuped̶aad̶a chokae jiradud̶akau. Maud̶eeba Jesusmaa naka jarasid̶au:

Mateo 3:7

Maka b̶uud̶e waabenarã Moisesba b̶ʉd̶a jaradeabadau neesid̶au Juanba boro eamera. Waabenarã fariseorã basii; waabenarã saduceorã basii. Maamina Juanba ãchi unuuruud̶e jarasii: «Ẽbẽrarã dama kĩra nuree, ¿kaiba jarasma machi Dachi Akõre kĩruuruud̶e poyaa mirud̶ayu?

Hechos 22:3

«Mʉ judiobʉ. Cilicia druad̶e Tarso puurud̶e mʉ danaba mʉ adausii. Maamina mʉ nama Jerusalend̶e warisii. Jaradeabarii Gamalielba mʉʉmaa joma dachi nabẽraed̶ebenarã Moisesba b̶ʉd̶a ãrea jaradeasii. Mʉʉba Dachi Akõre ãrea ijãa b̶uabachii machiba ijãabadau kĩra.

Hechos 22:30

Norema kokoroa chi aude mechiuba wabid̶a kuitaa kʉ̃ria b̶uasii sakãe judiorãba Pablo jidea panasid̶au. Maud̶eeba ichi kaenaba jʉ̃ b̶uad̶a ena b̶usii. Maabae ichiba joma paare mechiurã maud̶e judiorã mechiurã araa ãbua imibiasii. Maud̶e Pablo adoeped̶a ãchi daad̶e b̶usii.

Hechos 22:5

Mau chi paare mechiuba maud̶e joma judio mechiurãba kuitaa panuu. Ãchiba mʉʉmaa karta deasid̶au judiorã Damasco puurud̶ebenarãba mʉʉba chi O Wid̶i ijãabadaurã jidaui b̶uu mau kuitaad̶amera. Maud̶e mʉ Damasco puurud̶aa wãsii ãchi nama Jerusalend̶aa eneeped̶a chi mechiurãba kastikad̶amera.

Hechos 23:1

Pabloba judiorã karrarãmaa ichiaped̶a jarasii: —Mʉ ãbarã, mʉ jirukaraayuwãe b̶uu kuitaa b̶uud̶eeba id̶i bid̶a Dachi Akõre daad̶e biꞌia niba.

Hechos 23:15

Maud̶eeba naka wáusturu. Machiba chi kokoroa chi aude mechiumaa id̶ísturu nu Pablo waya machimaa adoebimera. Jarásturu machiba ichi ʉ̃rʉbena kauwa id̶i kʉ̃ria panuu. Adoeduud̶e nama neei naed̶e daiba ichi bead̶ai.

Hechos 23:20

Maud̶e kũudrãaba jarasii: —Judiorãba bed̶ea deasid̶au naka waud̶ai baita: ãchiba bichimaa chi chuburia id̶id̶ai Pablo nu chi judiorã mechiurã ãbua panuumaa adoebimera. Jarad̶ai ichi ʉ̃rʉbena kauwa id̶i kʉ̃ria panuu.

Hechos 23:7

Pabloba maka jarad̶a kakua fariseorã saduceorã ome kĩru berread̶aped̶a aꞌawaraa kʉ̃risia duaneesid̶au.

Hechos 24:15

Chi naarã judiorãba esed̶au panuu chi jipa nuree maud̶e chi jipawãe nuree biuped̶aad̶a Dachi Akõreba joma chokae jiradubiai. Mʉa bid̶a mau esed̶au b̶uu.

Hechos 24:21

Ab̶aburu poyaa jarad̶ai mʉʉba naka jĩwa jarasii: “Id̶i machiba mʉ kachirua jara panuu chi biud̶arã chokae jiradud̶ai ijãa b̶uu kakua”.

Hechos 28:20

Maud̶eeba mʉʉba machi unu kʉ̃ria b̶uasii machi ome berreai baita. Dachi Akõreba Dachi Karibabarii deai jarad̶a joma israeld̶ebenarãba esed̶au panuu. Ichi kakua mʉ naka kaenaba jʉ̃ b̶uu.

Filipenses 3:5

Mʉ danaba mʉ adaud̶a 8 ewari bad̶akare, mʉ mukĩra chi kakua tõosid̶au. Mʉ israeld̶ebenabʉ, Benjamind̶ebena need̶abʉ. Mʉ nabẽraed̶ebenarã chi biawãra hebreorã basii. Fariseo basiid̶eeba mʉʉba Moisesba b̶ʉd̶a kauwa waubachii.

Colosenses 1:5

Machi maka panuu, kuitaa panuud̶eeba Dachi Akõreba machi baita ne bia bajãad̶e nu uru b̶uu. Mau machiba naed̶e ũrisid̶au chi bed̶ea biawãra Jesucristo ʉ̃rʉbena machimaa neesiid̶e. Mau bed̶ea bia

Hebreos 6:19

Mauba dachi aid̶a b̶uu ãrea ijãa panad̶amera anclaba jãba jãaduabarii kĩra. Dachiba adaud̶ai panuu biawãra kuitaa panuu Jesús bajãad̶aa dachi naa wãsiid̶eeba. Ichi Dachi Akõre de ed̶are paru eab̶ari jira b̶uare wãyaa wãsii dachi karibai baita. Aria ichi dachi Paare mechiu b̶eesii Melquisedec nibad̶a kĩra. Ewaricha maka nii.