Hechos 23:19 - Emberá Chamí

¹⁹ Maabae kokoroarã chi mechiuba kũudrãa juad̶e jidauped̶a ãyaa adoesii. Maabae id̶isii: —¿Kãare mʉʉmaa jara kʉ̃ria b̶uma?

Hechos 23:19 ပူးပေါင်းရင်းမြစ်များ

Marcos 10:51

Maud̶e Jesusba ichimaa id̶isii: —¿Kãare kʉ̃ria b̶uma mʉʉba waui? Chi dau pãriu niiba jarasii: —Jaradeabarii, mʉʉba unui kʉ̃ria b̶uu.

Marcos 8:23

Jesusba mau dau pãriu nii jua jidauped̶a puuru awara adoesii. Maabae chi ẽbẽra daud̶e id̶usii. Ichi jua ʉ̃rʉ kub̶uped̶a id̶isii: Jãabae ¿b̶aꞌãra unu b̶uka?

Marcos 9:27

Maamina Jesusba chi warr juad̶e jidauped̶a jiradubisii. Maud̶e chi warr ʉkʉ nub̶eesii.

Juan 18:12

Maabae Romad̶ebena kokoroarãba, ara ãchi mechiu maud̶e chi Dachi Akõre de nubadaurãba Jesús jidaud̶aped̶a jua jʉ̃sid̶au.

Hechos 17:19

Maabae Pablo chi ãchi araa ãbua imibadaumaa adoesid̶au. Mama chi «Areópago» abachid̶au. Naka jarasid̶au: —Bichiba jaradea b̶uu daimaarã kʉ̃risia wid̶ibʉ. Mau daiba wabid̶a ũrid̶akau. Maud̶eeba kuitaa kʉ̃ria panuu kãare jara b̶uu. ¿Bichiba daimaa jaradeawẽka?

Hechos 23:18

Ara makʉd̶e chi kũudrãa kokoroarã mechiumaa adoeped̶a jarasii: —Pablo, chi jʉ̃a b̶uuba mʉ iuped̶a jarasii nau kũudrãa bichimaa adoemera. Ichiba bichimaa ne kaebea jara kʉ̃ria b̶uu.

Hechos 23:20

Maud̶e kũudrãaba jarasii: —Judiorãba bed̶ea deasid̶au naka waud̶ai baita: ãchiba bichimaa chi chuburia id̶id̶ai Pablo nu chi judiorã mechiurã ãbua panuumaa adoebimera. Jarad̶ai ichi ʉ̃rʉbena kauwa id̶i kʉ̃ria panuu.