Hechos 23:17 - Emberá Chamí

¹⁷ Maud̶eeba Pabloba kokoroarã chi jaradea ua b̶uabarii ab̶a iuped̶a jarasii: —Nau kũudrãa chi mechiu b̶uumaa adoese. Ichiba ne jara kʉ̃ria b̶uu.

Hechos 23:17 ပူးပေါင်းရင်းမြစ်များ

Mateo 10:16

»Mʉʉba machi ẽbẽra kachirua tãed̶e bʉikaaruu. Ãchiba machi kachirua waud̶ai usa kachiruaba oejarã orrabarii kĩra. Maud̶eeba ãchi tãed̶e panuud̶e dama kĩra kʉ̃risia kauwa nibásturu, maamina paloma kĩra ʉmʉmʉrʉa nibásturu.

Juan 18:12

Maabae Romad̶ebena kokoroarãba, ara ãchi mechiu maud̶e chi Dachi Akõre de nubadaurãba Jesús jidaud̶aped̶a jua jʉ̃sid̶au.

Hechos 22:26

Mau ũrisiid̶e kokoroa chi aude mechiumaa wãped̶a jarasii: —¿Bichiba kuitaa b̶uka kãare wauruu? Jãu ẽbẽra romad̶ebenabʉ.

Hechos 23:16

Maamina Pablo neekau warr aria b̶uasii. Mau kũudrãaba chi ãchimaa jara panuu ũriped̶a kokoroarã duanabadaumaa Pablomaa jarad̶e wãsii.

Hechos 23:18

Ara makʉd̶e chi kũudrãa kokoroarã mechiumaa adoeped̶a jarasii: —Pablo, chi jʉ̃a b̶uuba mʉ iuped̶a jarasii nau kũudrãa bichimaa adoemera. Ichiba bichimaa ne kaebea jara kʉ̃ria b̶uu.

Hechos 23:23

Maabae kokoroarã mechiuba chi jaradea ua b̶uabadau ome iuped̶a maabae jarasii: —Jʉrʉ adause, 200 kokoroarã, 70 kokoroarã murad̶e wãbadaurã maud̶e 200 miasuba tĩubadaurã, maabae nau ẽsabud̶e las 9d̶e Cesarea puurud̶aa wã́sturu.