Hechos 23:11 - Emberá Chamí

¹¹ Mau ẽsabud̶e Dachi Mechiu Pablomaa unubiped̶a naka jarasii: «Pablo, kĩrajʉʉse. Mʉ ʉ̃rʉbena nama Jerusalend̶e berread̶a kĩra Roma puurud̶e bid̶a berreai b̶uu».

Hechos 23:11 ပူးပေါင်းရင်းမြစ်များ

Mateo 14:27

Ara makʉd̶e Jesusba jarasii: —¡Apísturu, perarã́sturu! ¡Mʉʉbʉ!

Mateo 28:20

Maarãmaa jaradeásturu mʉʉba machimaa jarad̶a joma waud̶amera. Maud̶e mʉ machi baara ewaricha b̶uai nau ewari wãꞌãeruud̶aa.

Mateo 9:2

Aria ẽbẽra ab̶a b̶akara bʉʉ nii ichi jira adoebadaud̶e Jesusmaa eneesid̶au. Jesusba unusiid̶e mau ẽbẽra eneeped̶aad̶aba biawãra ijãa panuu ichiba chi b̶akara bʉʉ nii poyaa aribiabii b̶uu. Maud̶eeba Jesusba chi b̶akara bʉʉ niimaa jarasii: —Kĩrajʉʉse kũudrãa, bichiba kachirua waud̶a mʉʉba perdonasiid̶eeba.

Juan 14:18

»Mʉʉba machi jẽramara kĩra b̶ʉiwẽe. Mʉ waya machimaa neei.

Juan 16:33

Joma mau mʉʉba machimaa jarasii mʉʉd̶eeba jirukaraayuwãe nuread̶amera. Nau iujãad̶e ãrea biꞌiwãe nuread̶ai, maamina wapearã́sturu: nau iujãad̶ebena kachiruarã mʉʉba poyaasii.

Hechos 18:9

Ewari ab̶aud̶e ẽsabud̶e Dachi Akõreba Pablo daumaa unubisii Dachi Mechiuba ichimaa naka jaraaruu: «Wapearã́se. Jaradea b̶uase. Maud̶e chũpearã́se.

Hechos 19:21

Mau maad̶akare Pabloba ichi sõd̶e kʉ̃risiasii Macedonia druad̶e maud̶e Acaya druad̶e nibaped̶a Jerusalén puurud̶aa wãi. Maud̶e jarasii: «Jerusalend̶e b̶uaped̶a mʉ Roma puurud̶aa wãi b̶uu».

Hechos 2:25

»Davidba ichi ʉ̃rʉbena naka jarasii: “Mʉʉba unusii Dachi Mechiu ewaricha mʉ ome b̶uu. Ichi mʉ jua biare b̶uud̶eeba wapeawẽa b̶uu.

Hechos 20:22

»Jãabae Dachi Akõre Jauriba mʉ Jerusalend̶aa wãbi b̶uud̶eeba araa wãi. Maamina mʉʉba adua b̶uu aria mʉ kãare sãai.

Hechos 22:15

Joma bichiba unud̶a maud̶e ũrid̶a jomaurãmaa jarai.

1 Corintios 9:1

¿Mʉʉba wau kʉ̃ria b̶uu wauwẽa b̶uka? ¿Mʉ Jesucristoba bʉid̶awãeka? ¿Mʉa bid̶a Dachi Mechiu Jesús unusiiwãeka? ¿Machiba mʉʉd̶eeba Dachi Mechiud̶e ijãaped̶aad̶awãeka?

Filipenses 1:13

Romad̶ebena jaradea ua b̶uabarii de nubadau kokoroarãba maud̶e waabenarãba kuitaa panuu mʉ Cristo kakua jʉ̃a b̶uu.

2 Timoteo 4:17

Maamina Dachi Mechiu mʉ ome b̶uasii. Mʉ poyaabarii deasii ichi bed̶ea jaramera. Maka joma judiowãerã aria panuuba ũrisid̶au. Maud̶e Dachi Mechiuba mʉ imama okarrd̶ebena karibasii.