Hechos 22:4 - Emberá Chamí

⁴ Mauba, mʉʉba chi O Wid̶i ijãa panuurã wãraa b̶uabachii. Mukĩrarã maud̶e wẽrarã jʉ̃a bʉikabiabachii. Maud̶e chi nuree beabiasii.

Hechos 22:4 ပူးပေါင်းရင်းမြစ်များ

Hechos 16:17

Mau ãwera dai kaad̶e b̶ia wãbachii: —Dachi Akõre Mechiuba nau ẽbẽrarã bʉikasii jaradead̶amera saka Dachi Akõreba chi ẽbẽrarã ichiba kastikai bad̶a karibabarii.

Hechos 18:26

Maud̶e Apolosba judiorã araa ãbua imibadau ded̶e wapeawãe jaradea b̶uasii. Ichiba jaradea b̶uu Aquilaba maud̶e Priscilaba ũrisid̶au. Maud̶eeba ichi ãyaa adoed̶aped̶a Dachi Akõre O ʉ̃rʉbena biꞌia jaradeasid̶au.

Hechos 19:23

Mau ewarid̶e Jesús Od̶e duanuu kakua ẽbẽrarã ãrea kĩrubikasid̶au.

Hechos 19:9

Maamina waabenarã sõ chaareakuad̶aped̶a ijãad̶aabasii. Ẽbẽrarã daad̶e Jesús chi O ʉ̃rʉbena kachirua berreabachid̶au. Maud̶eeba Pablo jãmabena ãyaa wãsii. Ichiba chi ijãabadaurã jaradeabadau deed̶aa adoesii. Mau de Tiranod̶e basii. Aria ewaricha jaradeabachii.

Hechos 24:14

Maamina mʉʉba bichimaa naka jaraaruu: mʉʉba Dachi Akõre nabẽraed̶ebenarãd̶e ijãa b̶uu. Mʉ chi O Wid̶i abadaud̶ebenabʉ. Ãchiba mau O Wid̶i seta b̶uu abadau, maamina mʉʉba Moisesba b̶ʉd̶a maud̶e Dachi Akõre baita berreabadaurãba b̶ʉped̶aad̶a joma ijãa b̶uu.

Hechos 7:58

Puuru awara adoed̶aped̶a mooba b̶ata kopaneesid̶au bead̶ayua. Chi ichi ʉ̃rʉbena jidea panaped̶aad̶aba ãchiba chi anab̶ari jʉ̃badau enad̶aped̶a kũudrãa kaita bʉikasid̶au numera. Mau kũudrãa Saulo abachid̶au.

Hechos 9:21

Joma mau ũriiduuba kuitaa kʉ̃risiad̶aabasii. Ãchiba naka id̶i duanasid̶au: «¿Nauwãeka chi Jerusalend̶e Jesusd̶e ijãabadaurã kenai baita wãraa b̶uad̶a? ¿Nama nee b̶uuwãeka ãchi paare mechiurãmaa jʉ̃a b̶uu adooi baita?»

1 Corintios 15:9

Biawãra chi Jesucristoba bʉid̶ad̶ebena mʉ chi aude kaebeu nii. Ẽbẽrarã Dachi Akõred̶erã kachirua waui baita wãraa b̶uasiid̶eeba biꞌia b̶uwãema ẽbẽrarãba mʉ ichiba bʉid̶a jarad̶ai.

Gálatas 1:13

Machiba ũrisid̶au mʉ saka nibasii judiorãba jaradeabadau joma wau b̶uasiid̶e. Machiba kuitaa panuu mʉʉba ẽbẽrarã Dachi Akõred̶erã ãrea kachirua waubachii. Joma perdonai kʉ̃ria b̶uasii.

Filipenses 3:6

Mau judiorã ley ãrea waubachiid̶eeba Cristod̶e ijãa nuree wãraabachii kachirua waui baita. Mau judiorã ley ãrea waubachiid̶eeba ab̶au bid̶a mʉ ʉ̃rʉbena kachirua jarad̶ayuswãe nii.

2 Pedro 2:2

Maarãba waabenarã daad̶e ãrea mianejasia waubadau, ẽbẽrarã ãreaba ara mau kĩra waud̶ai. Maarã ʉ̃rʉbena ẽbẽrarãba chi biawãra bed̶ea kakua kachirua berread̶ai.