Hechos 22:16 - Emberá Chamí

¹⁶ ¡Waa esed̶ause! Jiraduped̶a bichi boro eabise. Ʉtaa id̶ise. Bichiba kachirua waud̶a ichiba joma perdonai”.

Hechos 22:16 ပူးပေါင်းရင်းမြစ်များ

Juan 13:8

Maamina Pedroba jarasii: —Mʉ jʉ̃rʉ bichiba ewari ab̶a bid̶a jeraabai. Jesusba jarasii: —Mʉʉba bichi jʉ̃rʉ jeraawẽebʉrã, bichi mʉʉd̶ewãe.

Hechos 2:21

Maamina chi Dachi Mechiumaa chi chuburia id̶iiduu joma karibai”.

Hechos 2:38

Maud̶e Pedroba panausii: —Kachirua ida b̶ud̶aped̶a Dachi Akõremaa nésturu. Jesucristo trʉ̃d̶eeba boro eásturu. Maud̶e machiba kachirua wauped̶aad̶a Dachi Akõreba perdonaped̶a ichi Jauri machimaa deai.

Hechos 7:59

Mooba b̶atamaa panuud̶e Estebanba Dachi Akõremaa ʉtaa naka id̶isii: «Mʉ Mechiu Jesús, mʉ jauri adoese».

Hechos 9:14

Mau awara paare mechiurã trʉ̃d̶eeba nau puurud̶aa nee b̶uu chi bichid̶e ijãa nuree joma jidau uad̶oi baita.

Hechos 9:18

Ara makʉd̶e Saulo daud̶ebena b̶eda kara kĩra panuu b̶aesid̶au. Maud̶e waya biꞌia unu b̶eesii. Jiraduped̶a boro eabisii.

1 Corintios 1:2

Mʉʉba nau karta b̶ʉʉruu chi ẽbẽrarã Dachi Akõred̶erã Corintod̶ebena baita. Jesucristod̶eeba Dachi Akõreba machi awara b̶usii ichi baita biꞌia nuread̶amera. Ara mau kĩra ichiba druacha joma Dachi Mechiu Jesucristomaa ʉtaa id̶ibadaurã awara b̶usii. Ichimaarã Mechiubʉ maud̶e Dachi Mechiubʉ.

1 Corintios 12:13

Chi nuree dachid̶ebena dachi judiorãbʉ, chi nuree dachid̶ebena judiowãerãbʉ, chi nuree dachid̶ebena chi chibari baita bari trajabadaurãbʉ, chi nuree dachid̶ebena chibariswãe nureerãbʉ. Maamina Dachi Akõre Jauri ara ab̶a niiba dachi jomaurã kakua ab̶ad̶e b̶usii. Joma dachiba Dachi Akõre Jauri arab̶au nii adausid̶au.

1 Corintios 6:11

Naed̶e machid̶ebena chi nuree maka nureasii. Maamina machiba kachirua wauped̶aad̶a Dachi Akõreba jeraasii, ichi baita biꞌia b̶usii, maud̶e nebʉraswãe nii asii Dachi Mechiu Jesucristod̶eeba maud̶e ichi Jaurid̶eeba.

Gálatas 3:27

Machi boro easid̶aud̶e Cristo kĩra paneesid̶au unubisid̶au.

Efesios 5:26

Ichiba maka wausii dachi Dachi Akõre baita biꞌia b̶ui baita. Ichi bed̶eaba dachi kachirua jeraasii baniaba jeraad̶a kĩra.

Tito 3:5

Mauba dachi karibasii. Dachiba biꞌia wauped̶aad̶a kakua karibaabasii, maumaarã ichi kĩra chuburiasiid̶eeba karibasii. Dachi kachirua jeraasii paru ea jeraad̶a kĩra nuread̶amera maud̶e Dachi Akõre Jauriba dachimaa chokae b̶uai chiwid̶i deasii.

Hebreos 10:22

Cristoba dachi kʉ̃risia kachirua panad̶a jipa b̶usii dachi sõ ichi oaba jĩtod̶okaaruu kĩra. Dachi Akõre daad̶e biꞌia duanuu dachi kakua bania pawãraaba jeraad̶a kĩra. Maud̶eeba kʉ̃risia ab̶ad̶eeba maud̶e biawãra ijãa panuud̶eeba wãd̶ai panuu.

1 Pedro 3:21

Mau baniaba nau ʉ̃raud̶e boro eabadau ʉ̃rʉbena jara b̶uu. Boro eaduud̶e Jesucristo chokae jiradusiid̶eeba dachi kariba b̶uu. Boro earuuba dachi kakua jayoa jeraakau, maumaarã maka waubadau dachi kʉ̃risia jipa b̶uuba, biawãra Dachi Akõre ome nibad̶ai kʉ̃ria panuud̶eeba.