Hechos 21:8 - Emberá Chamí

⁸ Norema wãd̶aped̶a Cesarea puuru mechiud̶e neesid̶au. Aria Felipe ded̶e paneesid̶au. Mau Felipe chi bed̶ea bia Jesús ʉ̃rʉbena jarabarii basii. Ãbarã aid̶abadaurã 7 jʉrʉ adauped̶aad̶ad̶ebena ab̶a basii.

Hechos 21:8 ပူးပေါင်းရင်းမြစ်များ

Hechos 10:1

Cesarea puurud̶e ẽbẽra Cornelio abadau b̶uasii. Ichi Italia druad̶ebena kokoroarã chi jaradea ua b̶uabarii basii.

Hechos 16:10

Pabloba mau unusiid̶eeba daiba kuitaasid̶au Dachi Akõreba dai iukua b̶uasii chi bed̶ea bia Jesús ʉ̃rʉbena Macedoniad̶ebenarãmaa jarad̶amera. Ara makʉd̶e wãd̶ai baita paneesid̶au.

Hechos 16:13

Bari panabadau ewarid̶e dai puuru awara wãd̶aped̶a doed̶aa wãsid̶au. Kʉ̃risiasid̶au aria judiorãba Dachi Akõremaa ʉtaa id̶ibadau. Wãaduud̶e wẽrarã ãbua panuu unusid̶au. Jeed̶a akʉ paneed̶aped̶a daiba ãchimaa berreasid̶au.

Hechos 16:16

Ewari ab̶ad̶e Dachi Akõremaa ʉtaa id̶ibadaumaa wãaduud̶e daiba chi bari trajabarii ãwera jai kachirua uru b̶uu unusid̶au. Mau chi ãweraba chi jai kachiruad̶eeba ne jarabachii kãare sãai b̶uu. Maud̶eeba ichi chibarirãba ãrea chi nejarra adaubachid̶au.

Hechos 18:22

Cesarea puurud̶e neeped̶a Pablo Jerusalend̶aa chi ãbarã ichiad̶e wãsii. Mamauba Antioquía puurud̶aa wãsii.

Hechos 20:13

Pablo Asón puurud̶aa od̶e wãi kʉ̃riasii. Maamina dai jãbad̶e naa wãbiasii. Aria ichi ataui asii. Dai ara makʉd̶e wãsid̶au.

Hechos 20:6

Pan ẽesãabibariiwãe kobadau ewari basiid̶e dai Filipos puurud̶ebena jãbad̶e wãsid̶au. Ewari jua ab̶ad̶e ãchi ome Troas puurud̶e unusid̶au. Aria 7 ewari paneesid̶au.

Hechos 21:16

Waabenarã Jesusd̶e ijãabadaurã Cesarea puurud̶ebena dai baara wãsid̶au. Ãchiba ẽbẽra Nasón abadaumaa adoed̶aped̶a dai ichi ded̶e paneesid̶au. Mau Chipred̶ebena basii. Jesusd̶e ijãa b̶uu ãrea ba b̶uasii.

Hechos 23:23

Maabae kokoroarã mechiuba chi jaradea ua b̶uabadau ome iuped̶a maabae jarasii: —Jʉrʉ adause, 200 kokoroarã, 70 kokoroarã murad̶e wãbadaurã maud̶e 200 miasuba tĩubadaurã, maabae nau ẽsabud̶e las 9d̶e Cesarea puurud̶aa wã́sturu.

Hechos 27:1

Mau ewarid̶e chi jaradea ua b̶uabariiba dai Italia druad̶aa wãd̶ai panuu a jaraped̶a Pablo maud̶e chi nuree jʉ̃a b̶uped̶aad̶a Julio juad̶e b̶usii. Mau Julio kokoroarã Augusto abadaud̶ebena chi jaradea ua b̶uabarii basii.

Hechos 28:11

Jed̶ako õbea bad̶akare, dai jãba Alejandría puurud̶ebenad̶e atausid̶au. Mau jãba islad̶e jed̶ako õbea b̶uasii kui pũatu baraa chebarii ewari basiid̶eeba. Chi jãba kũumaa Dachi Akõre kĩra juaba eraped̶aad̶a ome topanasid̶au, Romad̶ebenarã akõre mechiurã Cástor maud̶e Pólux abadau.

Hechos 28:16

Roma puurud̶e neesid̶aud̶e chi jʉ̃a duanuu kokoroarã jaradea ua b̶uabarii juad̶e duanusii. Ichiba Pablo du ab̶a ichi ded̶e ida b̶eebisii. Kokoroa ab̶a b̶usii ichi nu b̶uamera.

Hechos 6:5

Ãchiba jaraped̶aad̶a jomaurãba biꞌia ũrisid̶au. Maud̶eeba Esteban jʉrʉ adausid̶au. Mau Estebanba Jesusd̶e ãrea ijãa b̶uasii; Dachi Akõre Jaurid̶eeba b̶uasii. Ichi awara Felipe, Prócoro, Nicanor, Timón, Parmenas maud̶e Nicolás Antioquía puurud̶ebena jʉrʉ adausid̶au. Mau Nicolás griego basii maamina judio kĩra b̶uabachii.

Hechos 9:30

Ãbarãba mau kuitaasid̶aud̶e Saulo Cesarea puurud̶aa adoesid̶au. Maad̶akare ichi puuru Tarso puurud̶aa bʉisid̶au.

Efesios 4:11

Ara ichiba chi nuree b̶usii ichiba bʉid̶arã nuread̶amera, waabenarã b̶usii Dachi Akõre baita berreabadaurã nuread̶amera, waabenarã b̶usii chi bed̶ea bia Cristo ʉ̃rʉbena jarad̶e nibad̶amera, maud̶e waabenarã b̶usii chi ijãabadaurã nubadaurã maud̶e jaradeabadaurã nuread̶amera.

2 Timoteo 4:5

Maamina bichi jomad̶e kĩra jipa b̶uase. Joma nebʉrad̶e b̶uud̶e jãadua b̶uase. Bed̶ea biꞌia Cristo ʉ̃rʉbena jaradea b̶uase. Joma bichiba Dachi Akõre baita waui b̶uu jipa wau b̶uase.