Hechos 21:38 - Emberá Chamí

³⁸ ¿Bichiwãeka chi Egiptod̶ebena, ẽbẽrarã naed̶e kĩrubikaped̶a, moded̶ebenarã 4.000 drua sirua wãꞌãe b̶uud̶aa adoesiiwãeka?

Hechos 21:38 ပူးပေါင်းရင်းမြစ်များ

Mateo 24:26

»Maud̶eeba ab̶auba machimaa jaraaruubʉrã: “Ũrísturu, Dachi Akõreba Dachi Karibabarii deai jarad̶a drua sirua wãꞌãed̶e b̶uu”, mamaa wãrã́sturu. Waabenaba jaraaruubʉrã: “Ichiásturu, ichi nama ded̶e ed̶a b̶uu”, mau sid̶a ijãarã́sturu.

Mateo 5:11

Machi mʉ kakua ẽbẽrarãba kachirua jaraaduubʉrã, kachirua wauduubʉrã maud̶e machi ʉ̃rʉbena setaa barikiu kachirua jaraaruud̶e, biꞌia panuu.

Marcos 15:7

Maud̶e ẽbẽra Barrabás abadau b̶uasii. Mau Barrabás chi kõpaerorã baara puurud̶e kĩrubikasid̶aud̶e ẽbẽra mia beasid̶au. Maud̶eeba jʉ̃a uru panasid̶au.

Lucas 23:19

Mau Barrabás jʉ̃a uru panasii puuru kĩrubikabid̶a kakua maud̶e mia bead̶a kakua.

1 Corintios 4:13

Setad̶eeba daimaa kachirua jaraaduud̶e bed̶ea biad̶eeba panaubadau. Id̶ibaed̶aa ẽbẽrarãba dai nejarr kĩra unubadau maud̶e ne miadaa kĩra unubadau.